1 KORINITU 12
12
Da pawua-na na Ngahuna i Ala
1Nàhu panii-ndanja da pawua - pawuangu welingu lai Ngahuna i Ala. Na rukuna nuna angu dedi màta kai pi pahàmu-nya wànggu. 2Namuya kawai la wungana ba ndedi mitanda-ya i Miri, ba ningu mairu ngàndikai pa-kikungu la marapu ma-kambànga. 3Nyimi mipi-manya bàdi na tau na pairu ngàndina na Ngahuna i Ala nda jia panii-ana, “Pa-ràtungu-ya i Yehu!” ka wàna. Hamambunai nda ningua haàtu mapanii, “I Yehu Miriya!” ka wàna, jàka nda nairu ngàndiya na tau nuna paraïna Ngahuna i Ala.
4Màtu - màtu pa-wuangu welingu la Ngahuna i Ala, tàka na ma-wuangu-ha nu mbutada, jiaya i Ngahu numa na ma-haàtu-na. 5Màtu - màtu paràma la palumu-nya i Miri, tàka i Miri na pa-lumungu nu jiaya na Miri numa na ma-haàtu-na. 6Màtu - màtu ànda ba ràmaha da paràma-na i Miri, tàka na ma-paàtalu-ya paràma nimbihu-na na tau jiaya na Ala numa na ma-haàtu-na. 7Ndumana na pahàmu wànda nyuta mbuu ndàbanda, ba naràma la nimbihu tau na Ngahuna i Ala, namàra haàtu-manya. 8La haàtu, i Ngahu nawua-nya pamàka wàngu pa-kareuku pa-mahumbarungu. La haàtui i Ngahu nunamai na mawua-nya pamàka wàngu pa-palara-nya na rukuna i Ala. 9I Ngahu nunamai ba haàtu-na na mawua-nya na haàtu tau pamàka halawàla wàngu la pawaiya i Karitu; tàka na haàtu i Ngahu nunamai na mawua-nya kuaha la pa-pamàlaru tau. 10Na haàtu nawua-nya kuaha la pa-patumbu pa-hangàtarungu, tàka na haàtu nawua-nya kanyuru la papeka-ha da pa-pakaka-na i Ala. Na haàtui i Ngahu nawua-nya pamàka wàngu la papindiya nggiya na kanyuru na ma-pawelingu la Ngahuna i Ala dàngu hi nggiya na mandia. Ninya na pa-wuangu la pamàka pa-kareuku wàngu màtu - màtu hilu pa-hangàtarungu, dàngu hili ninyai na pa-wuangu pamàka wàngu la pa-palara-nja na ihida da hilu hangia - hangia. 11Nudaka mbuu ndàbada paràma-na i Ngahu nunamai na ma-haàtu-na; haàtu - haàtu na tau nawua-nya kanyuru wikina tundunya na pa-patunggu-nanya paraïna i Ngahu.
Dadangu da anggota tàka na mbulungu na tauna
12I Karitu hama tuna tauna na tauya, na tauna na-mbulungu, tàka da anggota-na dadangu. Mbuu ndàbada da anggota-na, jiapa ka dadangu tàka na tauna mbulungu-ma-ana. 13Tunda numbu nyuta mbuu ndàbanda, ka Yahundi-ya ka nda Yahundi-yakai, ka ataya ka tau marandeka-yakai; nyuta mbuu ndàbanda na-parunu-ndaka paraïna i Ngahu ma-haàtu-na, ka pekuna nyuta ka ta-mbulungu la tauna i Karitu. Nyuta mbuu ndàbanda tangala palundu-nyaka i Ngahu na ma-haàtu-na.
14Nadu na taunda nda hangia biana da anggota-na, tàka dadangu da anggota-na. 15Na wihi jàka napanii, “Nyungga nda limaaka, jia nyungga nda nua ihi-anangga na taunggu,” jàka wàna, nu na wihi nda jia, nda nua ihi-aya la tauna. 16Dàngu na kahilu ka napanii, “Nyungga ba nda mataka, jia nda nua ihi-anangga na taunggu,” ka wàna, ba tuna na kahilu nda jia nda nua ihi-aya la tauna. 17Ngera hama tuna mbuu ndàbana na taunda ka mata juaya, nggikina wànaka na taunda ba narongu? Jàka ndiai, mbuu ndàbana na taunda ka kahilu juaya, nggikina wànaka na taunda ba nahangei? 18Itandanyaka i Ala ba natunja pangia-da nu da anggota la taunda. Hangia - hangia natu - tumanja pangia-da paraïna i Ala tundunya na pawuku-na Nyuna. 19Mbuu ndàbana jàka hau anggota-aya, ka nggiyaka na taunda ba wànda? 20Jia, tubangu-ma ba dadangu da anggota-nda, tàka na taunda na-mbulungu-a.
21Jia-duya nu, na mata nda peku panii-ananya na lima, “Nyungga nda nggàra kuihi wàanggau!” ka wànanya, jàka ndia na katiku nda peku panii-ananya na wihi, “Nyumu nda nggàra kuihi wàanggau!” ka wànanya. 22Tàka làti duna, da anggota la taunda da marihi lamanga ba wànda, tàka jiahaipa da pa-kalana halawàla-nda; 23dàngu da anggota la taunda da manda palingu ba wànda, tàka jiahaipa duda da anggota da patungu wili pa-rihingu. Da anggota la taunda da manda manandangu ba wànda, tàka jiahaipa duda da pa-ihilingu mànu. 24Da anggota la taunda da mambàda manandangu, nda nggàra daihi wàngua la pa-ihili-nja. Tuna numaka i Ala ba na-pandoi-ya na taunda hi lupa da anggota-nda da ma-kawawaku linguda narihi dangupa na-pawili-nja. 25Ba tunaka nu na taunda nda na-pakawàri - kawàringu-a; nimbihu-da da anggota-nda da-kawàra pa-manggangu dàngga anguda. 26Jàka na-mayila na hangia anggota-nda, maràngga mayila hàla-madanya; jàka wotunya na hangia anggota-nda, mbuu ndàbada da anggotanda hawiangu da-nggaüru-mai duda.
27Angu dedi, nyimi mbuu ndàbami tauna i Karitu ndàbakai, dàngu nyimi haàtu - haàtu anggota tauna i Karitu-kai. 28Tuna numbu daa la kabungguru, i Ala na-kawàra tu-manyaka pangia-na nduma matu - matu tau: Kawunga-na da pa-pahurungu; na padua wàda, da wunangu, na patailu wàda da ngguru, hàla nyuda da ma-patumbu - patumbu pa-hangàtarungu, hàla nyuda da pawuangu kanyuru la pa-pamàlaru tau, jàka ndia da ma-pandulangu la tau hawiangu, dàngu da ma-pairungu, jàka ndia da ma-kareuku wàngu hilu hangia - hangia pa-hangàtarungu. 29Nyuda nda pa-pahurungu ndàba-aha, jàka ndia wunangu, jàka ndia ngguru. Nda da-ngalangu ndàba-a kuaha la papatumbu pa-hangàtarungu, 30jàka ndia la pa-pamàlaru tau, jàka ndia la pa-kareuku wàngu hilu pa-hangàtarungu, jàka ndia la pa-haleli-ha nuda da hilu. 31Jiaduya nu, màtawa kai pa-mukarungu langatàka la pa-ngalanja da kanyuru da marihi lingu.
Na nyuna ba tuna yiana na mapandàkingu ka ku-paita-nggai ànda marihi hàmu.
Currently Selected:
1 KORINITU 12: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
