Imamat 12
12
Hwami enemalik dak onobogwiam togulom wene
1At Allah en Musa mo’guleselat e,
2“Is aphwami Israel a’ge mo’gulonto ano re, yuat o. Hwe mesik emalik ogola emarik, emalik ap dak ago holuk, dugwi welat, ebe wiak ’gela’ge welago ai ’gela’ge, asogoat agoma re, op agokhwe, agauwa 7 at emak o. 3#Kej. 17:12; Luk. 2:21Agauwa 7 nogoluk, dakhasogo hubet agoam e, emalik nemi ano agap e’gerlimu a’ge ’baluak o. 4’Belak poluk, malik deriselat emep tua a’ge ano, ’balom a’ge yetharok welat agauwa 33 wolom oluk wene werak oruak a’ge ano welat, nowi sabo sum owi werikmu ano ’gwi lasulat, di a’ge yu a’ge nebaget pulogo pogwi a’ge ebano hin wokhasulat togumu no yo.
5Ye, at emalik hwele a’ge deriso holuk nage naduk dugwi hasulat welaga ano ’gela’ge ebe wiak otluk oruakhwe se’ban ’biren tuak o. Ye, se’ban ’biren takpoluk emep tago a’ge ano, ’bal agokhwe yetharok welat, agauwa 66 at welemak o. 6Logomalik a, hwelani a, dak agalat emep tago a’ge ano, ’balom a’ge yetharokhwe, agauwa disogo wolom o, oluktak a’ge ano arat welemarik, hwe ano en domba dogokhwe tahun mesik tak a’ge mesik wusogo nebaget odouk narligoluk wasulat, ye, sue abiang a, sue ’berla, mesik pam o wiak erlagapsogo poluk, nemin la’bolu a’ge paget mesik wasulat, taga lemarik, woluk an nemin hwedik togumu nowi sabo werik a’ge ’goduk ’gwi lagaimu ap an nebe eiye a’ge o welagoma eriano pei louwak o. 7Pei lasuam e, ap an nebe eiye a’ge ano en hwe ano emalik deriselat ebam wiak ago a’ge ebano, op emagoluk, an Allah nil pam eriaat nemin hwedik weleik en e wusogo nebaget pouwak o. Nebaget wusogo pasuam e, wiak ago a’ge ebano op at ema ani o. Asogo togulom ano re, hwe mesik en emalik logomalik a, hwelami a, derisoam e, togulat u wene hwelak a’ge re, aiat o.
8 #
Luk. 2:24
Ye, hwe ano domba pam tu a’ge erlak holuk e, sue ’berl ’biren a, sue abiang ’biren a, ebelak poluk, sue mesik wusogo e, narlu a’ge paget wasulat, mesik o wiak erlagapsogo poluk, nemin hwedik tu a’ge paget wasulat, taga lemarik, woluk ap an nebe eiye a’ge eragam pei lasuam e, at an nebe eiye a’ge enasua uam worogwi ’gela’ge, nemin hwedik welemagoluk wusogo woknosu agoam e, ebam wiak ago a’ge ano obat ema, egei oluk, mo’gulontomup o,” oluk, mo’gulesi.
Currently Selected:
Imamat 12: Wul
Highlight
Copy
Compare
Share
Want to have your highlights saved across all your devices? Sign up or sign in
