Yosua 21
21
Is ena’gul onuk Lewi a’ge onowi o kota-kota so’but entegisa wene
1Asogo toluk, ena’gul onuk Lewi a’ge dogogwe a’ge en dedelik ’gwelagentarok welagai a’ge onuelak ebano en ap Allah eiye a’ge Eleazar emin, Nun omlogo Yosua emin, is ap Israel en dogo ’gwe a’ge dedelik en ’gwelagentarok welagai a’ge onuelak emin, 2#Bil. 35:1-8o Kanaan kota Silo ebano oruakma, ene’bek wegesarik, mo’gulontogulat, at Allah en Musa mo’gulesimu, nis mo’gulnentasulat, his Lewi a’ge ai, honowi o kota-kota emin, honuam enagan e’gela nil no’gulom a’ge ono’gwiang emin, wokhentaik o, oluk, mo’gulnentesi a’ge anoat woknontouwak oluk wege o.
3Oluk mo’gulentegisema, at Allah en Musa mo’gulesi a’ge ano hegitsogo, is Israel a’ge ono’gwiang is dogoma a’ge en eiyesogo welemagoluk wogentesi a’ge ano, ado me’gisogo is Lewi a’ge enebe welemagoluk, o kota-kota emin, onuam enagan e’gela nil no’gulom a’ge ono’gwiang emin, wogentigisa ano ebe yuat o.
4Helep naduk walholuk, helep ano woroksogo is Kehat pam en weiyelak en dogoma a’ge dedelik ’berlek ebano enebam agama, at Allah eiye a’ge at Harun pam en weiyelak is Lewi a’ge ai, ena’gul onuk Yehuda emin, ena’gul onuk Simeon emin, ena’gul onuk is Benyamin emin, ono’gwiang ’belakma o kota-kota oruak a’ge ebano helep walhe’gik o kota-kota ado me’gisogo 13 wogontogulat, 5ye, is Kehat pam en weiyelak a’ge ado ebano ena’gul onuk Efraim emin, a’gul onuk Dan emin, ena’gul onuk Manasye ado me’gerik emin, ono’gwiang ’belakma o kota-kota oruak a’ge ebano helep pam walhogulat o kota-kota ado me’gisogo o pam wogontogulat.
6Is Gerson pam en weiyelak a’ge ebano ena’gul onuk Isakhar emin, ena’gul onuk Asyer emin, ena’gul onuk Naftali emin, ena’gul onuk Manasye ado me’gerik o Basan welagai a’ge ebano emin, ono’gwiang ’belakma o kota-kota oruak a’ge ebano helep walhogulat o kota-kota pema me’gisogo 13 pam wogontogulat,
7Is Merari pam en weiyelak o’gwe en dogoma a’ge dedelik ebano a’ge ena’gul onuk Ruben emin, ena’gul onuk Gad a’ge emin, ena’gu onuk Zebulon a’ge emin, ono’gwiang ’balogo o kota welaga a’ge ebano helep walhogulat o kota pema me’gisogo 12 pam wogontogulat, tegisa.
8At Allah en wene le’gelogo Musa mo’gulesi a’ge hegitsogo is Israel a’ge en helep walhogulat is ap Lewi a’ge onowi kota emin, onuam enagan e’gela nil no’gulom a’ge ono’gwiang emin, wogentigisa ano re, aiat o.
9-10Helep naduk-naduk walhogwiam helep ano woroksogo ena’gul onuk Lewi a’ge Harun eiyagai at kehat pam en weiyelak a’ge dedelik ’berlek ebano eneragam lagama, ena’gul onuk, Yehuda emin, ena’gul onuk Simeon emin, ono’gwiang ’belak-ma helep walhogulat o kota-kota wogentigisa a’ge ebano onuk e,
11-12o kota Kiryat-Arba ai Hebron atma re, wogontogulat, ye, o kota Hebron o’borlma horok-horok eba re onuam e’gela no’gulomma ’gwiang emin, o seli logon wei o’gwe, lok o’gwe emin, eba re ap Yefune omlogo Kaleb eiyetak pagathorloluk, welemagoluk, arat wogegisama re, o kota Hebron ’belap holuk o Yehuda dom pam, onuam e e’ge la no’gulomma ’gwiang wogontogulat, tegisa. Ap Enak a’ge ene’ba onuk e, Arba gat,
13Ap Allah eiye a’ge Harun pam en weiyelak o kota wogentigisa re, ap mesik werak pasuam, a’gulmu worogumu no oluk, agap delogo ’gwi lasumu o kota Hebron emin, Libna emin, 14o kota Yatir emin, o kota Estemoa emin, 15o kota Holon emin, o kota Debir emin, 16o kota Ain emin, o kota Yuta emin, o kota Bet-Semes emin, ena’gul onuk ’biren Yehuda ogulat Simeon ogulat ogwi a’ge ono’gwiang pam o kota 9 oruak a’ge ai, is Harun pam en weiyelak o’gwe a’ge wogontogulat, o kota ai en o’borl o’gwe onuam e’gela no’gulom a’ge ’gwiang emin, wogontogulat tegisa,
17ena’gul onuk Benyamin a’ge ono’gwiangma o kota-kota is Harun pam en weiyelak o’gwe a’ge wogentigisa ai, Gibeon emin, Geba emin, 18Anatot emin, Almon emin, o kota 4 ai wogontogulat, o’borl o’gwe re onuam e’gela no’gulom a’ge ono’gwiang wogontogulat tegisa.
19At Harum pam en weiyelak Allah eiye a’ge o kota-kota wogentigisa a’ge la’bulogo re, 13 atma re, o kota-kota eba o’borl o’gwe re onuam e’gela nil no’gulom a’ge ’gwiang emin, wogentigisa ano re, aiat o.
20Ena’gul onuk Efraim a’ge ono’gwiang ’belakma de, o kota-kota oruak a’ge ebano helep e’gen pei lo wom walholuk ado me’gerik is Lewi a’ge Kehat pam en weiyelak a’ge en dogoma a’ge dedelik o’gwe a’ge ado owan wogonto erlak a’ge wogentigisa ano re,
21o Efraim ho’gorlakma en ap mesik werak pasuam a’gulmu worogumu no oluk, agap delogo ’gwi lasulomma o kota Sikhem emin, o kota Gezer emin, 22o kota Kibzaim emin, o kota Bet-Horon emin, o kota 4 ai wogontogulat, o’borl o’gwe re onuam e’gela no’gulomma ’gwiang emin wogontogulat,
23ena’gul onuk Dan a’ge ono’gwiang ’belak-ma o kota-kota wogentigisa ai, o kota Elteke emin, o kota Gibeton eminat o, 24o kota Ayalon emin, o kota Gat-Rimon emin, o kota-kota 4 ai wogontogulat, o’borl o’gwe onuam e’gela nil no’gulom a’ge ono’gwiang emin wogontogulat,
25ena’gul onuk Manasye a’ge ado me’gerik ono’gwiang ’belakma o kota wogentigisa ai re, o kota Taanakh emin, o kota Gat-Rimon emin, o kota ’biren eria wogontogulat, o’borl o’gwe re onuam e’gela nil no’gulomma ’gwiang emin, wogotogulat, tegisa. 26O kota 10 ai emin, ye, o kota ai o’borl o’gwe onuam e’gela no’gulomma ’gwiang, emin, at Kehat pam en weiyelak a’ge en dogo’gwe a’ge dedelik o’gwe wogonto erlak a’ge wogentigisa re, aiat o.
27Ena’gul onuk Lewi a’ge de, at Gerson pam en weiyelak o’gwe a’ge wogentigisa re, yuat o, ena’gul onuk Manasye a’ge ado me’gerik o’gwe a’ge ono’gwiang ’belakma o kota-kota wogentigisa re, ap werak pogwiam, a’gulmu woru no oluk, agap delogo lasumu o Basan kota Golan emin, o kota Beestera emin, o kota ’biren eria, wogontogulat, o’borl o’gwe onuam e’gela no’gulomma ’gwiang emin, wogontogulat,
28ena’gul onuk Isakhar a’ge ono’gwiang ’belakma o kota wogentigisa re, o kota Kisyon emin, o kota Dobrat emin, 29o kota Yarmut emin, o kota En-Ganim emin, o kota 4 ai wogontogulat, o’borl o’gwe onuam e’gela nasulomma ’gwiang emin wogontogulat,
30ena’gul onuk Asyer a’ge ono’gwiang ’belakma o kota wogentigisa re, o kota Misal emin, o kota Abdon emin, 31o kota Helkat emin, o kota Rehob emin, 4 ai wogontogulat, e’berlik onuam e’gela no’gulomma ono’gwiang emin wogontogulat, tegisa.
32Ena’gul onuk Naftali a’ge ono’gwiang ’belakma o kota wogentigisa re, ap werak poluk a’gulmu woru no, oluk agap delogo lasulomma o Galilea kota o Kedes emin, o kota Hamot-Dor emin, o kota Kartan emin, o kota henagan eria wogontogulat, e’berlik onuam e’gela nil no’gulomma ’gwiang emin wogontogulat,
33At Gerson pam en weiyelak o’gwe en dogoma a’ge dedelik o kota wogentigisa a’ge la’bulogo re, 13 atma re, wogontogulat, e’berlik onuam e’gela nil no’gulomma ’gwiang eminat wogentigisa ano re, aiat o.
34Ena’gul onuk Lewi a’ge wogonto erlak ai, Merari pam en weiyelagatma re, at Merari pam en weiyelak dedelik a’ge enebe lo’bok wogentigisa a’ge re aiat, ena’gul onuk Zebulon a’ge ono’gwiang ’belakma o kota Yokneam emin, o kota Karta emin, 35o kota Dimna emin, o kota Nahalal emin, o kota 4 ai wogontogulat, e’berlik onuam e’gela no’gulomma ono’gwiang emin, wogontogulat, tegisa 36ena’gul onuk Ruben a’ge ono’gwiang ’belakma o kota Bezer emin, o kota Yahas emin, 37o kota Kedemot emin, o kota Mefaat emin, o kota 4 ai wogontogulat o o’borl o’gwe re onuam e’gela no’gulomma ’gwiang emin wogontogulat, 38ena’gul onuk Gad a’ge ono’gwiang ’belakma ap werak poluk, a’gulmu togumu no oluk, agap delogo lasulomma o Gilead o kota Ramot emin, o kota Mahanaim emin, 39o kota Hesybon emin, o kota Yaezer emin, o kota 4 ai wogontogulat, o o’borl o’gwe re onuam e’gela nil no’gulom a’ge ono’gwiang emin wogontogulat, tegisa
40ena’gul onuk Lewi a’ge Merari pam en weiyelak a’ge dedelik enebe lo’bok o kota wogonto erlak a’ge helep pam walholuk wogentigisa a’ge la’bulogo re, o kota 12 aiat o.
41Is ap Israel a’ge ono’gwiang ’belakma de o kota-kota is Lewi a’ge wogentigisa a’ge ’berlegat e, 48 atma re, wogontogulat, o o’borl o’gwe re, onuam e’gela nil no’gulom a’ge ’gwiang eminat wogentigisa. 42O kota-kota o’borl o’gwe ’berlegat onuam e’gela ’balogo no’gulomma ’gwiang wogentesimu re, o kota-kota, ai, wogontogulat, ’gwiang ai eminat wogentigisa.
43At Allah en aphwami Israel a’ge ene’balak “Hono’gwiang wokhentaik o,” oluk, wene modok doksogo ho’buk ’balogo mo’gulentesi a’ge ano, ’berlegat aphwami Israel a’ge wogentesimu, hwerlegesarik, ebayat eiye egesarik welegesa 44oruakhwe, at Allah en ene’balak wene modok daksogo ho’buk ’balogo mo’gulentesi a’ge ano hegitsogo, at Allah en Israel a’ge eneselei a’ge, ’berlegat ene’gikmu pasuam, eneselei a’ge ebano, o o’borl-o’borl en pang togwiam pobuk aphwami Israel a’ge enemin, weim tu miayatma re, weim ano logon ene’bek wagai erlakhweat til-til is Israel a’ge enede arat we erlaga’ge sogo yogunat welegesa. 45Ye, at Allah en aphwami Israel a’ge obap onobo wene hwalogo pesi ano a’ge mesik dagan u erlakma en ’berlegat hegit-hagat takpoluk, pesi.
Currently Selected:
Yosua 21: Wul
Highlight
Share
Copy
Want to have your highlights saved across all your devices? Sign up or sign in
