Yehezkiel 9
9
O Yerusalem wiak o’go enebam po wene
1Asogo hegirikmu en, iak loksogo osoma nesa’go hweliselat, “Is o kota wiak o’go tagonobo a’ge pulik ano, tagonobouwagoluk, enesegen onogodok ene’gikmu lo’bok horloluk neragam ya wemak o,” oluk, 2Mo’gulentasu a’ge ano nesa’go hwelisokhwe ap enebe 6 ’goduk ’gwi lagaimu o’borlma o abel akhit hegit eba akhit ebano onolukhwe akhit en enematek lo’bok aphwami waronobu a’ge enesegen onogodok ene’gikmu wik-wok wagalat, ap mesik osum modok il ’gut a’ge ’buksogo odo’baliso a’ge eragam lo’boksogo emin wagalat, tigisarik, is ’berlegat Allah ebaget wusogo wogogwi a’ge ’besi Tembaga pam hele’gik a’ge eragam inlau wago hegi o.
3O ai erligeat Is Israel enaik Allah Amolit ano oruakma malaikat ’gela’ge kerub o’borl pam oruakma en Allah Owi werikmu ’goduk ’gwi lagaimu o’borl pam eria lai lasumu hegi. Asogo he’girik, Allah en ap osum modok ’gut ’buksogo, pelal wasu a’ge eragam tenakho oruak a’ge ano worlhesimu wagoam e, 4#Wah. 7:3; 9:4; 14:1At mo’guleselat e, “O kota Yerusalem eba denagalat, is di aphwami yu aphwami en o kota yema wiak enemelmel a’ge til lagai a’ge yu re, logwe. Oluk, enede wathorlogulat, nge tugulat, togwi holuk e, enaluk ago a’ge ene’berli pam odo ’balogo pemit o,” oluk, ogumu hwelegis.
5-6Asogo nesa’go hwelak oruakhwe, is enebe pema ebano mo’gulentasulat, “At osum ’gut ’buktak a’ge ai, henemin otluk, denaga loroguptik, aphwami henedeap onobogulat, enebe henede en ugonobogulat, tu erlakma en o kota eba an nowi werik omu degelak a’ge ano he’berik poluk, ap enarlue emin, malik souwe emin, hwelani dogum emin, hwami emin, malik suarek emin, ’berlegat wusogo enebil lagalat at de, is aphwami ene’berli pam pelal wogo oruak holuk nak e, ugonobomup o,” oluk, mo’gulentesimu, Is aphwami onuelak Allah owi werikmu welagai a’ge ebano en naduk wusogo onobogukhwe entegis o.
7Wusogo enebegesema, at en is mo’gulentasulat, An nowi werik ai, wiagapsogo pogulat, nowi werik a’ge edipmu eria enebe werak a’ge ano odoksogo enebi lagalat, tagonobogu loroguptik, ado perleneat warenebil lit o, oluk mogulentesi. Mo’gulentesimu, legesarik, is di aphwami yu aphwami o kota welagai a’ge ebano wusogo enebil lagaikhwe entegis o.
8Wusogo enebil lagaikhwe nomu nak eria welat, ’gwiang pam norogole sogup ’bou otluk niak loksogo ’Gain honuk logo welegen a’ge Allah o! hanni o Yerusalem a’ge enebam pasu legen yu, is Israel a’ge pema ’bullak a’ge wollo’gen dagalogo enebagun en taga legen a?
9Mo’gulesimu at en o’go an mo’gulneselat, “Is Israel a’ge emin, Yehuda a’ge emin en wiak a’bik modok togwi ai pam o ’gwiang yu pam ap enemep nak beterak pasulat, o kota yu pam en tegisa a’ge o’go hegit takpo erlakma en wiak-wiak wene enebam a’ge erlagap pogulat, togulat at de. At Allah en ’gwiang yu arat ukpesi o, ogulat, At Allah en il yetnonto erlakma enat oruak o, ogulat, togumu re, 10An en is nedeap enebiselat, enebe nede en ugenebasulat, tul erlakma en is en togwi a’ge hegitsogoat e’gin enebam pasu legi o.
11Mo’gulnesimu, Ap Osum modok ’gut ’buktak a’ge pelal wasu a’ge eragam lo’boksogo woluk lasu a’ge ano en til loluk, pobuk togolik wagarik, mo’gulnigen a’ge ano modok hegitsogo nagat, tigis o,” oluk, mo’gulosoma hegi o.
Currently Selected:
Yehezkiel 9: Wul
Highlight
Copy
Compare
Share
Want to have your highlights saved across all your devices? Sign up or sign in
