Ulangan 18
18
Allah ebaget pogwi a’ge ano is Allah eiye a’ge holugat wogontogulom wene
1Mo’gulentesirik, mesik mo’gulentasulat, “Is ena’gul onuk Lewi a’ge Allah eiye welagai ai, enebe a’bigat is Israel a’ge emin hegitsogoat enemening a’ge ’gela’ge dogo’gwe a’ge en ’gwiang ’belak horlo erlakma re enemening a’ge ’gela’ge dogo’gwe a’ge en horlogulom aiat Allah ebaget odouk narlogulat ado logon, mu a’ge ebaget pou wagalat togwi a’ge ai emin, isat horlogu lemak o,
2 #
Bil. 18:20
enemining a’ge ’gela’ge dogo’gwe a’ge en horlogulom ai, at Allah en wene ologun ’balogo hosogo mo’gulentesi ano ’gela’ge at Allah ebe eiye aiatma re, is enari enemining a’ge’gwiang horlogwimu eba a’ge enemin, horlogu lema erlak o.
3-5Is emin, eneiyagai emin en, is enebe ’berlegat at Allah ebalema ebaget modok modogat tugu lemak oluk, at henaik Allah en hena’gul onuk lo’bok oruakhwe, is Lewi a’ge nak edik enebesimu re, is wogontogulom ai, ap mesik en sapi ierak a’ge a, domba a, Allah ebaget wusogo wogosu ago holuk e, a’gul gagalak emin, odogun emin, olot emin, ye, gandum e’gen naduk ’belak a’ge emin, anggur a’bosu naduk ne’gak a’ge emin, e zaitun a’bosu naduk ne’gak a’ge emin, domba asu naduk ’belak a’ge emin, ’berlegat is ap Allah eiye ena’geatma re, isat wogontogu lomup o.
6His Israel welagai o’gwe o seli mesik mu ap Lewi a’ge mesik oruakma at Allah en o eba lak o, oluk, mo’gulosoam ede daksogoat lasu lotluk,
7At arilak Allah eiye a’ge pema o eba at Allah il pam ebaget yabuk togwi ai, eminat at aik Allah ebalema yat taga lemak o. 8Ye, laik oluk tagokhwe, aiklak en enemining a’ge ’gela’ge dogoma a’ge en eiye welemagoluk wogontogwi ebano gela’ge logon wogegisa a’ge ebano a’ge pam uang logon wesi a’ge ebano horloluk laga a’geat de, is ap Allah eiye a’ge pema Allah ebaget a’ge odoktak a’ge wogontogwi ai ’gela’geat, wogogu lemak o,” oluk mo’gulentesi.
“Tu puk a’ge holuk e, tugulom mia o,” oluk, mo’gulentesi wene
9Pobuk mesik mo’gulentasulat, “At henaik Allah en hono’gwiang wokhentasumu ebano arat ’gwi laguptik is di aphwami yu aphwami o eba welagai a’ge en wiak a’ge nak til lagai a’ge asogo ago ai, his en togup no yo. Modok mia o. 10#Kel. 22:18; Ima. 19:26His hene’gerlakma eba is logon en enemalik eneiyagai a? onogulani, hwelani a, odogwi asua ebaget wokho odouk narlogulat, mesik en ede ebetholuk hwarlenap agalat, mesik en e, ap waronobogwi a’ge huo ’bamo eiye agalat, mesik en e, hin wok a’ge agalat, mesik en e, hwamina’gon eiye agalat, 11#Ima. 19:31Mesik en e, seri pam waronobogwi a’ge agalat, mesik en e, enarogun enemak a’ge eiye agalat, mesik en e, waregesa a’ge hebarligen emagoluk tagonobogwi a’ge agalat, mesik en e, waregesa. Enemin wene ’balogwi a’ge agalat, tugulom modok mia o. 12Asogo a’ge togwi holuk at Allah en e, nebit o, oluk ebit hasumu re, o his wolomma eba is aphwami enemelmel wiak ai, a’ge togwi ano pam at henaik Allah at naduk otluk di aphwami yu aphwami mukho-makho lebik onobouwa o. 13#Mat. 5:48Asogoatma re, at henaik Allah il pam henelalugat welat, henebetne aik ’bil ’baltak pagathorlo erlakma en modok op nagat wolomup o,” oluk, mo’gulentesi.
Allah en e, “Ap mesik niak mo’gulhentasu lema a’ge yo’go poluk hene’bek perakpou weik o,” oluk wene weragenebesi wene
14At Musa en asogo mo’gulentesirik, wene mesik disogo mo’gulentesi,
“Aphwami ena’gul onuk o his pobuk laguptik wolorogupmu eba welagai a’ge enebabut e, aphwami logon wene pobuk ema a’ge paget enede we’gerlogo lu’ga sorogulat, hwedali werarogulat, mu a’ge logon togulat, togwi ’gela’ge togwiam enesa’go hwelak poluk togwi a’ge oruakma lagup ai o. Asogo a’geat de, Nenaik ’gain Onuk Logo a’ge Allah en, his asogo togup no yo, oluk wene ’baliso. 15#Per. 3:22; 7:37We, an en at iak mo’gulhentasu legi ’gela’ge mo’gulhontogu lemagoluk, at en ap mesik a’gul onuk nis a’ge yo’go oboluk hene’bek perakpouma ani o. Asogo hene’bek perakpou wago holuk, his en at iak hologo togu lomup o.
16Naduk his henebe dom Sinai pam odoksogo welegep ai erlige, his henebe warom honogorlok en e, disogo egep epegi,
Nenaik ’gain Onuk Logo a’ge Allah ebe odouk magale ligagoam, e’gerlakma welat iak mo’gulnentasuam nenesa’go holugulat, ebe nenil hogulat, pobuk u modok erlak o, oluk egep ani o. 17Asogo egep ai en Nenaik ’gain Onuk Logo a’ge en e,
Is en egesa ai re, onogola en ’gagalogo obat egesa o. 18A’ge re, ap is a’ge mesik hat en an niak mo’gulentasu legen ’gela’ge mo’gulentasu lemagoluk yo’go poluk ene’bek perakpouma ani o. Asogo perakpoumarik, wene aphwami ebano mo’gulentasu lemagoluk an enat mo’guleik o. Asogo mo’gulomma, at en wene an en, Disogo mo’gulontomup, asogo mo’gulontomup, oluk mo’guleik a’ge ai ’berlegat is aphwami ai mo’gulentasu lema o.
19 #
Per. 3:23
At en an nonuk eselat, is mo’gulentasuam, ap sa en at iak hwelak poluk togwi erlak holuk, an en wene enebam pasu leik o. 20Asogo a’geat de, ap an niak mo’gulentasu a’ge an en,
Disogo ip o, oluk mo’gulom erlakmayat ogorlok erlak wene ogola opoluk an nonuk eselat mo’gulontouwa holuk nak e, ebe modok werip o. Ai ’gela’ge is ap an niak, mo’gulontogulom ’gela’ge, is en,
Nenaik ebe aiyat o, oluk ogwi a’ge mesik onuk ogulat mo’gulhontouwa holuk e, enebe be’gi warenebigat o, oluk egei ai o.
21Asogo a’geat de, his honogola en e,
At ai Nenaik ’gain Onuk Logo a’ge en perakpou wagama mo’gulnentasu o, ogulat, ye,
Perakpou wom erlakmayat de oso, ogulat, no’gosogo en pobitu o, oluk opogu legep hwi a? 22Ap mesik Allah iak mo’gulentasu a’ge wene pobuk ema a’ge paget Nenaik ’gain Onuk Logo a’ge onuk eselat mo’gulontouwa a’geat de, ebe demat om erlak holuk e, wene ai Nenaik ’gain Onuk Logo a’ge en mo’gulesimu egei ua erlak o. We, at ai en wene at u’gwarek en onuk ’balogo ua ai en, his at ebe honogorloksogo wolorogup no yo,” oluk mo’gulentesi.
Currently Selected:
Ulangan 18: Wul
Highlight
Copy
Compare
Share
Want to have your highlights saved across all your devices? Sign up or sign in
