Joxua 15
15
1A xiavelo xa lixaka la vanana va ka Juda hi mingango yabye, xi le tlhelweni ga mbhingano wa Edomi, kala le xiwuleni xa Zine, magumesweni ka xiwula hi le Dzongeni.
2A mbhingano wabye wa le Dzongeni wu sukela magumeso ya Bimbi ga Munyu, hi tlhelo ga yipswha leyi yi cuwukeneko ni le Dzongeni:
3wu ya humela le Dzongeni ka ndlela leyi yi kanzihako kuya Akrabim kuya le Zina, wu ya kanziha le Dzonga ga le Kadexi-Barnea, wu hunza le Hezroni wu kanziha Adari, zonake wu renzeleka hi tlhelo ga Karka;
4wu ya hunza hi le Azmoni, wu ya huma ka xicongwana xa le Gipite, wu ya gumesa lomu bimbini. Lowu hi mbhingano wa nwina wa le Dzongeni.
5A mbhingano wa le Mutsuwuka-gambo hi Bimbi ga Munyu, kala magumeso ya Jordani. A mbhingano wa le Nwalungu wu sukela tlhelo ga le pswhani laha ku nga nomu wa Jordani:
6wu kanziha le Bet-Hogla, wu hunza hi le Nwalungu ka Beti-Araba, wu kanziha kala le ribyeni ga Bohani nʼwana Rubeni,
7ni mbhingano wu kanziha hi tlhelo ga Debiri, kusuhani ni nkova wa Akora, wu ya le Nwalungu, wu kongoma le Gilgale, laha ku cuwukeneko ni ndlela leyi yi kanzihako le Adumima, leyi yi nga le Dzongeni ga xicongwana; wu hunza hi laha kusuhani ni mati ya le Ain-Xemexe, kala le Ain-Rogeli.
8Zonake wu kanziha hi le nkoveni wa le Ben-Hinome, kala kureleleni ka xitsunga xa vajebusi hi le Dzongeni, laho ku nga ni Jerusalema; zonake wu kanziha le hehla ka xitsunga lexi xi cuwukeneko ni nkova wa Hinome, hi le Muhlwa-gambo, a magumeso ya libala la le Refaime, hi le Nwalungu.
9Kusukela hehla ka xitsunga, a mbhingano wu famba kala le hlobyeni ya Neftoa, zonake wu kongoma ka miti ya xitsunga xa Efroni, zonake wu ya chikela le Baala ku nga kona Kiriat-Jearime;
10wu suka Baala, wu renzeleka hi le Muhlwa-gambo, hi tlhelo ga xitsunga xa Seire, zonake wu hunza hi le kureleleni ka xitsunga xa Jearime leyo ku nga Kesalona, hi le Nwalungu, zonake wu relela le Bet-Xemexe, wu hunza hi le Timna.
11Zonake wu huma le Nwalungu, hi le kureleleni ka Ekroni, wu kongoma le Xikeroni, wu hunza hi le xitsungeni xa Baala, zonake wu ya humela le Jabneli, wu ya gumesa le bimbini.
12A mbhingano wa le Muhlwa-gambo hi Bimbi ga Hombe. Leyi hi yona mimbhingano ya vanana va ka Juda, ka wontihe matlhelo hi mingango yabye.
13Kanilezi Kalebi nʼwana Jefuna i lo nyikwa xiavelo xakwe xikari ka vanana va ka Juda, khwatsi hi lezi Jehova a leleteleko ka Joxua, i lo mu nyika a muti wa Arba, a raru wa Anake, lowu wu nga Hebroni.
14Na Kalebi i lo hlongola lomo a vana vanharu va Anake, Xexai, na Ahimani na Talmai, a vana va Anake.
15I lo suka hi laho, a yalwa ni vanhu va Debira; a vito ga kale ga Debira ku wa hi Kiriat-Sefera.
16Kalebi aku ngalo: Loye a ta ngalwa na Kiriat-Sefera, a wu khozisa, nzi ta mu nyika a nʼwana wa mina Aksa, a mu teka a maha sati wakwe.
17Zonake Otnieli nʼwana Keneza, nakulobye wa Kalebi, i lo wu khozisa, zonake Kalebi i lo mu nyika a nʼwana wakwe Aksa, a maha sati wakwe. Vala. 3:9; 1 Kro. 1:13
18Makunu na a haya ka nuna wakwe, yena i lo kucetela lezaku a kombela simu ka raru wakwe. Zonake i lo chika hi le mbongoleni yakwe, zonake Kalebi a ku ngalo ka yena: U lava yini?
19Yena aku ngalo: Nzi nyike xikatekiso hakuva wena u nzi nyikile masimu ya le Dzongeni, nzi nyike ni hlowo ya mati. Zonake i lo mu nyika tihlowo ta le hehla ni tihlowo ta lahasi.
20Leyi hi tshomba ya lixaka la vanana va ka Juda hi mingango yabye.
21A miti leyi akilweko le Dzongeni, le magumeso ya nyangwa ya vanana va ka Juda, kusuhani ni mbhingano wa Edomi, hi leyi: Kabzeli, ni Edera, ni Jagura;
22ni Kina, ni Dimona, ni Adada;
23ni Kedexi, ni Hazora, ni Itnane;
24ni Zifa, ni Telema, ni Bealoti;
25ni Hazor-Hadata, ni Keriot-Hezroni, hi lezaku Hazori;
26ni Amema, ni Xema, ni Molada;
27ni Hazari-gada, ni Hexmoni, ni Betpeleti;
28ni Hazar-Xuale, ni Berexeba, ni Biziotia;
29ni Baala, ni Iyima, ni Ezema;
30ni Eltolade, ni Kesili, ni Horma;
31ni Ziklagi, ni Madmana, ni Sansana;
32ni Lebaoti, ni Xilhima, ni Aina, ni Rimoni. Yontlhe miti i 29, ni zimitana za yona.
33Le libaleni: Extaola, ni Zora, ni Axna;
34ni Zanoa; ni En-Ganima, ni Tapua, ni Enama;
35ni Jarmute, ni Adulama, ni Soko, ni Azeka;
36ni Xaaraime, ni Aditaime, ni Gedera, ni Gederotaime; 14 wa miti ni zimitana za yona.
37Zenani, ni Hadaxa, ni Migdal-Gadi;
38ni Dileana, ni Mizpa, ni Jokteeli;
39Lakixa, ni Bozkate, ni Egloni;
40ni Kaboni, ni Lamama, ni Kitlixe;
41Gederoti, ni Bet-Dagoni, ni Namaa, ni Makeda; 16 wa miti ni zimitana za yona.
42Libna, ni Etera, ni Axane;
43ni Jifta, ni Axna, ni Neziba;
44ni Keila, ni Akziba, ni Marexa; 9 wa miti ni mitana za yona.
45Ni Ekroni, ni miti ya kona zinwe ni zimitana za yona.
46Kusukela le Ekroni kala bimbini yontlhe leyi yi nga kusuhani ni Axdodi, ni zimitana za yona;
47Axdodi ni miti ya kona ni zimitana za yona; Gaza ni miti ya kona zinwe ni zimitana za kona, kala le xicongwaneni xa le Gipite ni le Bimbini ga hombe le mbhinganweni.
48Ni le zitsungeni: Xamira, ni Jattira, ni Soko;
49ni Dana, ni Kiriat-Sana, ku nga Debira;
50ni Anaba, ni Axtemo, ni Anima;
51ni Goxeni, ni Holoni, ni Gilo: 11 wa miti ni zimitana za yona.
52Araba, ni Duma, ni Exana,
53ni Janima, ni Bet-Tapua, ni Afeka;
54ni Humta, ni Kiriat-Arba (lomu ku nga Hebroni), ni Ziora: 9 wa miti ni zimitana za yona.
55Maoni, Karmeli ni Zifa, ni Juta;
56Jezreeli, ni Jokdeama, ni Zanoa;
57Kaine, ni Gibea, ni Timna: 10 wa miti ni zimitana za yona.
58Halhule, Bet-Zura, ni Gedora;
59ni Maarati, ni Betanoti, ni Eltekoni: 6 wa miti ni zimitana za yona.
60Kiriat-Baali, lowu wu nga Kiriat-Jearime, ni Raba: 2 wa miti ni zimitana za yona.
61Le xiwuleni: Bet-Araba, Midini, ni Sekaka;
62ni Nibxane, ni Ir-hamelaki, ni Engedi: 6 wa miti ni zimitana za yona.
63Kasike a vajebusi, a vanhu va le Jerusalema, a vanana va ka Juda a va zi kotangi ku va hlongola, hikwalaho a maJebusi va lo aka ni vanana va ka Juda kala inyamutlha le Jerusalema. Vala. 1:21; 2 Sam. 5:6
Currently Selected:
Joxua 15: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
