Joxua 16
16
1A xiavelo xa vanana va ka Josefa lexi xi humileko hi lomu ku hlahluveni, xi sukela le Jordani hi le Jeriko, le matini ya Jeriko le Mutsuwuka-gambo, le xiwuleni lexi xi sukelako le Jeriko kala le xitsungeni xa Beteli;
2kusukela le Beteli, wu loya le Luza, wu hunza hi laha kusuhani ni mbhingano wa Arke, le Atarote;
3zonake wu relela hi le Muhlwa-gambo kusuhani ni mbhingano wa ka Jafleti, kala mbhinganweni wa Bet-Horoni wa le hasi, ni ku kala le Gezera, zonake wu ya huma le bimbini.
4Hi lomo a vanana va Josefa, Manasa na Efraime va nga kuma kona xiavelo xabye.
5Lowu hi mbhingano wa vanana va ka Efraime hi mingango yabye: A mbhingano wa tshomba yabye wu le Mutsuwuka-gambo ka Atarot-Adari, wu famba kala le Bet-Horoni wa le hehla;
6a mbhingano wu famba hi tlhelo ga le Mikmetati hi le Nwalungu; zonake a mbhingano wu renzeleka hi le Mutsuwuka-gambo le Taanat-Xilo, ni ku longoloka wuya mahlweni le Mutsuwuka-gambo, hi tlhelo ga Janoa;
7zonake wu suka hi le Janoa, wu relela le Ataroti ni le Naara wu famba kala le Jeriko, zonake wu ya gumesa le Jordani.
8Ni mbhingano wu lo suka le Tapua wuya le Muhlwa-gambo, hi le xicongwaneni xa Kana, wu ya gumesa le bimbini. Leyi hi tshomba ya lixaka la vanana va Efraime hi mingango yabye.
9A vanana va ka Efraime va wa hi ni miti yabye hi tlhelo gabye, lomu xikari ka tshomba ya vanana va ka Manasa; leyi miti yi wa hi ni zimitana za yona.
10Kanilezi a va hlongolangi a vaKanani lava va nga wa akile le Gezera; zinghaho a vaKanani va akile xikari ka wa ka Efraime kala legi siku; ntsena lezaku vona malanza. Vala. 1:29; 1 Tih. 9:6, 21
Currently Selected:
Joxua 16: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
