Joxua 14
14
1Leti hi titshomba leti a vanana va ka Israeli va ti kumileko tikweni ga le Kanani, leti mupristi Eliazari na Joxua nʼwana Nuni, ni manghanakana ya tixaka ta vanana va ka Israeli va ave-leko ka vona.
2Ku avelwa ka tshomba ku mahilwe hi ku hlahluva, khwatsi hi lezi Jehova a leleteleko Mosi: kasi ku avela 9 wa tinyangwa, ni khihlanya ga nyangwa. Mitse. 26:55; Miti. 13:19
3Hakuva Mosi i wa sina a nyikile a tshomba ka tinyangwa leti ta timbiri, ni ka khihlanya ga nyangwa le tlhatuko wa Jordani; kanilezi ka vaLevi a nga nyikangi tshomba xikari kabye.
4Hakuva a vanana va Josefa, Manasa na Efraime, va wa hi tinyangwa timbiri; hikwalaho a va nyikangi vaLevi a xiavelo ka lego tiko, sine a miti ya ku aka ka yona, ni matikwana ya ku ringana mitlhambi yabye ni zifuyo zabye. Gen. 48:5
5Ni vanana va ka Israeli va lo maha khwatsi hi lezi Jehova a leleteleko Mosi, va lo avela a tiko.
6Zonake a vanana va ka Juda va lo tshinela ka Joxua le Gilgale, na Kalebi nʼwana Jefuna a muKenezi, i te ngalo ka yena: Wena wa zi tiva lezi Jehova a wulileko ka Mosi, a munhu wa Nungungulu, xungetano ha mina, ni xungetano ha wena le Kadexi-Barnea.
7Laha mina nzi nga wa hi ni 40 wa malembe xikhati lexo Mosi a nanza ga Jehova a nga nzi ruma, na hi hi le Kadexi-Barnea a kuya hlola tiko, mina nzi lo neha mubiko kotisa lezi zi nga wa hi lomu mbilwini ya mina. Mitse. 13:7
8Kanilezi a vanakulori lava nzi wa nga fambile zinwe navo va lo tsema mihlana ya vanhu, kanilezi mina nzi lo lanzela Jehova Nungungulu wa mina hi zinene.
9Na Mosi i lo hlambanya lego siku, aku: A tiko legi gi ta nga kanzihelwa hi nkonzo wa wena, gi tava a tshomba ya wena ni ya vanana va wena kala kupinzuka, hakuva u lanzele khwatsi Jehova Nungungulu wa mina.
10Cuwuka, makunu Jehova i nzi hlayisile nzi hanya, khwatsi hi kuwula kakwe, lawa 45 wa malembe ma hunzileko, kusukela xikhati lexo Jehova a wulileko timhaka leti ka Mosi, na vaIsraeli na va ha fambafamba lomu xiwuleni; makunu mina nzi na ni 85 wa malembe.
11Hambu lezo ni nyamutlha lezi nza ha tiyile, khwatsi hi siku lego nzi nga rumiwa hi Mosi; a ntamu wa mina wa lexi xikhati wa fanana ni wa xikhatini xa kale, a kulweni kutani ku rangela vanhu.
12Makunu nzi nyike a tiko ga xitsunga legi Jehova a nga gi wula lego siku; hakuva u zi zwile ha wece gwalego siku, lezaku va ka Anake va kona, ni miti ya hombe leyi yi bhiyelweko. Kutani Jehova i tava zinwe na mina, nzi va hlongola, khwatsi hi lezi Jehova a wulileko.
13Joxua i lo mu katekisa, zonake a nyikela Hebroni ka Kalebi nʼwana Jefuna a muKenezi, a kuva tshomba yakwe.
14Hikwalaho Hebroni gi lo maha tshomba ya Kalebi kala legi siku hakuva i lo lanzela hi zinene Jehova Nungungulu wa ka Israeli.
15Makunu a kale a Hebroni ku wa vitanwa ku ngalo: Kiriat-Arba; Arba i wa hi munhu wa hombe nguvu xikari ka va ka Anake.
Ni tiko gi lo humula kulwa.
Currently Selected:
Joxua 14: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
