Joxua 12
12
1Makunu leti hi tihosi leti a vanana va ka Israeli va nga ti khozisa, leti va tekileko matiko ya tona le tlhatukweni wa Jordani, hi le Mutsuwuka-gambo, kusukela ka xicongwana xa Amoni kala le xitsungeni xa Hermoni, ni libala lontlhe la le Mutsuwuka-gambo;
2Sihoni a hosi ya maAmori, loyi a nga akile le Hexboni; a fumela kusukela Aroera, lowu wu nga le xicongwaneni xa Amoni, kusukela xikari ka nkova, ni khihlanya ga le Gileade, kala xicongwaneni xa Jaboki, lowu wu nga mbhingano wa vanana va ka Amoni; Gen. 32:22; Deut. 2:36
3ni le libaleni, kala le Bimbini ga Kineroti hi le Mutsuwuka-gambo, ni ku kala le Bimbini ga Munyu hi le Mutsuwuka-gambo, hi tlhelo ga le Bet-Jeximoti, ni le Dzongeni hi le hasi ka minzhelelo ya Pisga.
4Va lo teka ni tiko ga Ogi, a hosi ya le Baxani, loyi a nga salela wa va ka Refaime, a akileko le Axtarote ni le Edrei;
5i wa fumela xitsunga xa Hermoni, ni le Saleka, ni gontlhe ga Baxani kala le mbhinganweni wa tiko ga Gexure ni le Makate, ni khihlanya ga Gileade, a mbhingano wa Sihoni a hosi ya le Hexboni.
6Mosi, a nanza ga Jehova, ni vanana va ka Israeli, va lo va hlasela, zonake Mosi, a nanza ga Jehova, i lo gi nyika ka va ka Rubeni, ni va ka Gadi, ni ka khihlanya ga nyangwa ya ka Manasa, a ku maha tiko gabye. Mitse. 21:33; 32:33
7Leti hi tihosi leti Joxua ni vanana va ka Israeli va nga ti hlasela seyo tlhatuko wa Jordani, hi le Mupela-gambo kusukela Baal-Gadi hi le nkoveni wa le Lebanoni, kala le Xitsungeni xa Halake lexi xi yimileko hi tlhelo ga le Seire. Joxua i lo gi nyika ka tinyangwa ta Israeli legi tiko a kuva va gi fumela kota kuavelwa kabye,
8le zitsungeni, le tikweni ga mikova, ni le tibaleni, ni le minzhelelweni ya zitsunga, ni lomu ziwuleni, ni le Dzongeni; ku wa hi vaHiti, ni vaAmori, ni vaKanani, ni vaPerezi, ni vaHivi, ni vajebusi.
9A tihosi ta kona hi leti: hosi ya le Jeriko, yinwe; hosi ya le Ai, kusuhani ni le Beteli, yinwe;
10hosi ya le Jerusalema, yinwe; hosi ya le Hebroni, yinwe;
11hosi ya le Jarmuta, yinwe; hosi ya le Lakixe, yinwe;
12hosi ya le Egloni, yinwe; hosi ya le Gezeri, yinwe;
13hosi ya le Debira, yinwe; hosi ya le Gederi, yinwe;
14hosi ya le Horma, yinwe; hosi ya le Aradi, yinwe;
15hosi ya le Libna, yinwe; hosi ya le Adulama, yinwe;
16hosi ya le Makeda, yinwe; hosi ya le Beteli, yinwe;
17hosi ya le Tapua, yinwe; hosi ya le Heferi, yinwe;
18hosi ya le Afeki, yinwe; hosi ya le Laxaroni, yinwe;
19hosi ya le Madoni, yinwe; hosi ya le Hazora, yinwe;
20hosi ya le Ximroni-Meroni, yinwe; hosi ya le Akxafa, yinwe;
21hosi ya le Tanaka, yinwe; hosi ya le Megiddo, yinwe;
22hosi ya le Kedexe, yinwe; hosi ya le Jokneama le Karmeli, yinwe;
23hosi ya le Dora le zitsungeni za Dora, yinwe; hosi ya Goime le Gilgale, yinwe;
24hosi ya le Tirza, yinwe; tontlhe tihosi hi 31 wa tona.
Currently Selected:
Joxua 12: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
