Va le Galatia 2
2
1Zonake anzhako ka 14 wa malembe nzi lo engeta nziya Jerusalema, zinwe ha Barnabasi, nzi teka na Titusi kambe. Miti. 15:2
2Nzi lo famba kona hi kota ya kuvululelwa, nzi ya va hlawutela a ivangeli leyi nzi yi kanelako xikari ka vamatiko, kanilezi nzi lo yi hlawutela xihundleni mahlweni ka vona lava va nga hi vahombe, na nzi chava lezaku nzi nga dzuka nziva loyi a tsutsumako, hambu loyi a tsutsumileko mahala. Miti. 15:12; Fil. 2:16
3Kanilezi hambu na Titusi loyi a nga hi zinwe na mina, loyi a nga hi muGreki, a nga kurumetwangi ku enghena wukwera.
4Nzi lo maha lezo hi kota ya vamakabye va mawunwa lava va nga enghenile bandleni hi ku nyanimela, kasi ku ta kamba a kutlhatlheka ka hina loku hi nga nako ka Kristu Jesu, lezaku va fela ku hi enghenisa wukhumbini. Xip. 3:25; 4:3, 9
5A hi va nyikangi ni mole wa ku va ingisa, ge ni xikhatanyana; lezaku kasi a zinene za ivangeli zi fela ku tshama na nwina.
6Kanilezi lava va tibyiwako hi lezaku mbamani (kutani mba ku yini, a hi nchumu ka mina; Nungungulu a nga cuwuki xiyimo xa munhu), nzi ngalo: Vona lava va nga vahombe a va nzi engetelangi nchumu. Xip. 6:3; Miti. 10:34; Rom. 2:11; 2 Kor. 2:11
7Kanilezi laha va nga wona lezaku nzi nyikilwe ku kanela ivangeli ka makhuna, kota lezi Pedro a kanelako ka lava va zitshiva, Miti. 13:46; 1 Tes. 2:4
8(hakuva loyi a nga yimisa Pedro a ku maha mupostoli wa zitshiva, hi yena a nga nzi yimisa a kuva mupostoli wa vamatiko), Miti. 9:15; 13:2; 22:21; 26:17
9laha na va wonile a tipswalo leti nzi nyikilweko tona, Jakobe na Kefasi na Johani lava va tibyiwako lezaku timhanze, va lo nyika mina na Barnabasi a mandla ya xinene ya wunakulobye, lezaku hina hiya ka vamatiko, na vona vaya ka lava va zitshiva. Mat. 16:18; Rom. 1:5; 12:3; Kuv. 21:14
10Ntsena va lo hi khongotela lezaku hi alakanya zisiwana zabye; xwalexo xilo nzi nga pinyamile a ku xi maha. Miti. 11:30; 24:17
Loyi a kholwako i hlayelwa kululama hi kukholwa ka Jesu.
11Kanilezi laha Kefasi na a tile le Antiokia, mina nzi lo mu kaneta nghohe ni nghohe, hakuva i wa konekile. Miti. 15:35
12Hakuva hi mahlweni na va nga se ku chikela a vokari lava va ngata hi ka Jakobe, Kefasi i wa kari aga ni vamatiko; kanilezi na va chikele i lo tlhelela nzhako a tshama tlhelo hi ku chava lava va zitshiva, Miti. 10:28
13Ni vanwani vaJuda va lo xengetela kota yena, ku kala ku hambukiswa na Barnabasi hi kuxengetela kabye.
14Kanilezi laha nzi nga wona lezaku a va ha fambi hi kululamileko kota zinene za ivangeli, mina nzi te ngalo ka Kefasi mahlweni ka vona vontlhe: Loku wena na u hi muJuda, u hanya kota vamatiko, u nga hanyi kota vaJuda, hi yini u kurumetako a vamatiko a ku hanya kota vaJuda ke? Miti. 10:28; 11:3; 1 Tim. 5:20
15Hina hi vaJuda hi ku pswalwa, a hi zionhi za vamatiko, Mat. 9:11; Miti. 15:10; Efe. 2:3
16kota lezi hi zi tivako lezaku a munhu a nga hlayelwi kululama hi mitiro ya nayo, sine hi kukholwa ka Jesu Kristu, hina hi lo kholwa ka Kristu Jesu lezaku hi fela ku hlayelwa kululama hi kukholwa ka Kristu, na ku nga hi mitiro ya nayo; hakuva a ku na munhu a ta nga hlayelwa kululama hi mitiro ya nayo. Tis. 143:2; Miti. 13:38; Rom. 1:17; 8:3
17Kanilezi loku hina hi kumilwe na hi hi zionhi laha hi nga lava ku hlayelwa kululama ha Kristu, xana Kristu xitiri xa kuonha ke? Kokwihi! 1 Joh. 3:8
18Hakuva loku nzi tlhela nzi aka lezi nzi nga zi khungumule, nzi wonisa lezaku nzi muhambunyeti.
19Hakuva hi kota ya nayo nzi file hi tlhelo ga nayo, lezaku nzi fela ku hanyela Nungungulu. Rom. 6:14; 8:2; Maheb. 9:14
20Nzi belelwe zinwe na Kristu; makunu a nza ha hanyi mina, kanilezi hi Kristu a hanyako ka mina; ni kuhanya loku nzi hanyako makunu le nyameni nzi hanya hi kukholwa ka Nʼwana wa Nungungulu, loyi a nga nzi ranza, a ti nyikela hi kota ya mina. Rom. 6:6; 2 Kor. 5:15
21A nzi fuvisi a tipswalo ta Nungungulu; hakuva loku a kululama ku kumeka hi nayo, zonake Kristu i fele mahala. Maheb. 7:11
Currently Selected:
Va le Galatia 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
