Va le Galatia 1
1
1Paule, a mupostoli (na ku nga hi ka vanhu, hambu ku mahiwa hi munhu, kanilezi hi Jesu Kristu, ni Nungungulu a Dadani, loyi a nga mu vuxa hi ka vafileko), Miti. 9:6
2mina ni vamakabye vontlhe lava va nga zinwe na mina, ha rungula a mabandla ya le Galatia, hiku: 1 Kor. 16:1; Fil. 2:22
3A tipswalo a tive na nwina ni kurula ka le ka Nungungulu Dadani, ni Hosi ya hina Jesu Kristu, 1 Kor. 1:3
4loyi a nga ti nyikela hi kota ya zionho za hina, lezaku kasi a fela ku hi hlanguta ka nguva leyi ya kubiha, kotisa a kuranza ka Nungungulu a Dadani wa hina. Isa. 65:17; Joh. 15:19; 17:14; 1 Joh. 2:2
5A wudzunzo a give ka yena kala kupinzuka ni kupinzuka. Amen.
A ku na ivangeli yinwani.
6Nza hlamala a kuva mu hatlisile kota lezo a ku hambana ni loyi a nga mu vitanela tipswalweni ta Kristu, muya ka yinwani ivangeli.
7Kunene ku hava yinwani ivangeli, kanilezi va kona vanhu vanwani lava va mu vilinganyisako, va xuvako ku onha a ivangeli ya Kristu. Miti. 15:1; 2 Kor. 11:4
8Hakuva loku munhu a mu kanelela a ivangeli yi hambeneko ni leyi hi nga yi kanela ka nwina, hambu ku hi hina kutani na nga ngelosi ya le tilweni, ave a rukatelweko. 1 Kor. 16:22
9Kota lezi hi nga wulile kale, makunu nzi wula lezo kambe, nziku: Loku munhu a kanela ka nwina a yinwani ivangeli yi hambeneko ni leyi mu yi amukeleko, a ve a rukatelweko. Deut. 4:2; 12:32; Mav. 30:6; Kuv. 22:18
10Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19
A ntiro wa Paule wa ku kanela ivangeli.
11Hakuva nza mu tivisa vamakabye, lezaku a ivangeli leyi yi nga kanelwa hi mina, a yi humi ka vanhu. 1 Kor. 15:1
12Hakuva a nzi yi nyikwangi hi munhu, hambu ku yi gonziswa hi munhu, kanilezi nzi lo yi kuma hi kuvululelwa hi Jesu Kristu. Efe. 3:3
13Hakuva nwina mu zwile hi mahanyela ya mina ya kale na nza hi xiJudeni, lezaku nzi lo xanisa a bandla ga Nungungulu ku tlula mpimo, nzi xuva ku gi hangalasa. Miti. 8:3; 1 Tim. 1:13
14Nzi loya mahlweni xiJudeni ku hunza vanyingi va ntanga ya mina lomu tikweni ga hina, nzi pinyamela nguvu mikhubyeni ya vakokwani. Jer. 9:14; Mar. 7:5; Fil. 3:6
15Kanilezi Nungungulu loyi a nga nzi hlawula na nzi hi rumbyini ga mamani, a nzi vitana hi tipswalo takwe, Isa. 49:1, 5; Jer. 1:5; Miti. 9:15; 13:2
16laha a nga ranza ku wonekelisa a Nʼwana wakwe ka mina, lezaku nzi fela ku mu kanela xikari ka vamatiko, a nzi lombangi wusungukati ka nyama ni nkhata; Mat. 16:17; 2 Kor. 4:6
17kambe a nzi yangi Jerusalema ka lava va nga nzi rangela kuva vapostoli; kanilezi nzi loya Arabia, nzi wuya nzi tlhelela Damasku.
18Zonake loku ku hunzile malembe manharu nzi loya Jerusalema, nzi enzela Kefasi, nzi ya tshama naye a 15 wa masiku.
19Kanilezi a vanwani vapostoli a nzi va wonangi, sine Jakobe a nakulobye wa Hosi. Mat. 13:55; 1 Kor. 9:5
20Nza tiyisa mahlweni ka Nungungulu lezaku a nzi hembi wunwa a timhakeni leti nzi mu tsalelako tona.
21Zonake nzi loya matikweni ya le Siria ni le Kilikia. Miti. 9:30
22Kanilezi nzi wa nga se ku tibyiwa hi nghohe mabandleni ya Kristu lawa ma nga hi le Judia.
23Va lozwa ntsena ku ngalo: Loyi a nga kari a hi xanisa, makunu wa kanela a kukholwa loku a nga kari a ku hangalasa.
24Vona va lo dumisa Nungungulu ha mina.
Currently Selected:
Va le Galatia 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
