2 Va le Korinte 13
13
1Lexi hi xikhati xa wunharu na nzita ka nwina. Timhaka tontlhe ti ta tiyiswa hi milomu ya vakustumunyu vambiri kutani vanharu. Mitse. 35:30; Deut. 17:6; Xip. 12:14
2Nzi sina nzi mu byelile laha nzi nga hi xikari ka nwina hi xikhati xa wumbiri, ni zalezi nzi nga kule, nza mu byela kambe na nzi nga se ngata, nzi tivisa lava va onhileko kale, ni lava vanwani vontlhe, lezaku loku nzita kambe nzi nga ta ta tsetselela munhu; Xip. 10:2; 12:21
3hilezi nwina mu lavako xiwoniso xo komba lezaku Kristu i wulawula ka mina, loyi a nga hiko na gome hi tlhelo ga nwina, kanilezi i na ni ntamu xikari ka nwina. Mat. 10:20; 1 Kor. 9:2
4Hakuva hambu lezi a nga belelwa hi kota ya gome, yena wa hanya hi ntamu wa Nungungulu. Hakuva na hina hina ni gome ka yena, kanilezi hi ta hanya zinwe naye hi ntamu wa Nungungulu xikari ka nwina. Rom. 6:4; Xip. 10:3, 4; Fil. 2:7, 8; 1 Ped. 3:18
5Ti hloteni wutsumbu ga nwina, mu wona loku mu hi kona kukholweni; ti kambeni wutsumbu ga nwina. Kutani a mu zi tivi nwina lezaku Jesu Kristu i kona ka nwina ke? Loku zi nga hi tano a mu na ku amukeleka. Joh. 17:23; Rom. 8:10; 1 Kor. 9:27; 11:28; Gal. 4:10
6Kanilezi nza tsumba lezaku mu ta zi tiva ku ngalo hina a hi lava va nga amukelekiko.
7Makunu hi khongela ka Nungungulu lezaku mu nga mahi kubiha, na ku nga hi lezaku hina hi fela ku woneka na hi amukeleka, kanilezi lezaku kasi nwina ma fela ku maha zinene, hambu loku hi ku khwatsi a hi na ku amukeleka. Xip. 6:9
8Hakuva a hi na ntamu ku maha nchumu xo vukela zinene, kanilezi hi nawo wa ku yimela zinene.
9Hina hi tsakile loku hi hi ni gome, na nwina mu hi ni ntamu; hi zona lezi hi khongelelako zona, kona kumbheleliswa ka nwina. 1 Kor. 4:10; 1 Tes. 3:10
10Hi kota ya lezo nzi tsala timhaka leti na nza hi kule, kasi loku nzi chikele nzi nga mahi hi lunya, kotisa a ntamu lowu a Hosi yi nga nzi nyika wona a kuva nzi aka, na ku nga hi ku khungumula. Tit. 1:13
11Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. Rom. 12:16; 1 Kor. 1:10; 1 Ped. 3:8
12Losanani hi kupswopswa ka kubasa.
13Vontlhe lava vobasa va mu rungula.
14A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.
Currently Selected:
2 Va le Korinte 13: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
