Ezekieli 9
9
A lamulelo wa Nungungulu.
1Zonake i loba huwa tindleveni ta mina, aku: Tshinelani nwina vatsayisi va muti, munwe ni munwani na hi ni tlhari gakwe gi lovisako canjeni gakwe.
2Languta, ku lota ntlhanu wa vavanuna ni munwe hi tlhelo ga nyangwa ya le hehla, yi ngomamako Nwalungu; a munwe ni munwani na a khomile a mutsayi canjeni gakwe. A munwe wabye i wa ambele a tinguwo ta wukene na hi ni zo tsala ha zona na zi bohilwe laha reveni gakwe. Va lo enghena, va yima kusuhani ni alati ga suku. Ezek. 8:3; Kuv. 15:1, 6
3A kungangamela ka Nungungulu wa Israeli ku wa sukile laha ka makerubima laha ku nga hi kona, giya nyangweni ya yindlu. Zonake Jehova i lo vitana loyi a nga wa ambele a nguwo ya wukene, loyi a nga hi ni zo tsala ha zona laha reveni gakwe,
4aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.
5Ni ka vanwani i te ngalo a tindleveni ta mina: Mu lanzeleni, mu tsemakanya xikari ka muti mu hlasela. Ngha mu nga va nyenyeleteli, ne ni ku zwela wusiwana.
6Hihiritani vaku bhi a zikhosana za vavanuna, ni majaha, ni vanhwana, ni zivanana, ni vavasati. Kanilezi mu nga henyi loyi a nga ni xifungo. Sangulani hi le ndlwini ya mina yo basa. Zonake va lo sangula hi zikhosana lezi zi nga hi mahlweni ya yindlu.
7Aku ka vona: Nyenyezisani a yindlu, tatani a tihubye hi zirumbi… Humani! Va lo huma va ya hlasela lomu mutini.
8Laha va nga kari va hlasela, mina na nzi sele nzhako, nzi lowa hi nghohe ya mina, nzi rila, nziku: Ha, Hosi Jehova! u ta lovisa vontlhe vaIsraeli lava va seleko hi ku chulula a zanga ya wena hehla ka Jerusalema ke?
9Aku ka mina: A kugoha ka yindlu ya ka Israeli na Juda ku hunzelele a ku kula. A tiko gi tele hi nkhata, ni muti wu tele hi lunya, hakuva ve ngalo: Jehova i tsikile a tiko, Jehova a nga woni.
10Hikwalaho mina nzi nga ta va nyenyeletela, ge hambu ku zwela wusiwana; nzi ta va tlhelisela hi kota ya mitiro yabye.
11Languta, a munhu loyi a nga ambele a tinguwo ta wukene, a hi ni zo tsala ha zona laha reveni gakwe, i te ngalo: Nzi mahile khwatsi hilezi u nzi leleteleko zona.
Currently Selected:
Ezekieli 9: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
