Ezekieli 48
48
1Makunu a mavito ya tixaka ta kona hi lawa: Kusukela magumo ya tlhelo ga Nwalungu, ku lanza hi tlhelo ga ndlela ya le Hethloni, ku famba hi tlhelo ga Hamate kala le Hazar-enani, a mbhinganweni wa Damasku hi tlhelo ga Nwalungu hi tlhelo ga Hamate, hi kona Dani a ta ngava ni xiavelo xakwe, kusukela mbhinganweni wa Mutsuwuka-gambo kala mbhinganweni wa le Mupela-gambo.
2A ku gamakana na Dani xi tava xipanze xa Axeri, kusukela tlhelo ga Mutsuwuka-gambo kala Muhlwa-gambo.
3A ku gamakana na Axeri xi tava xipanze xa Naftali, kusukela tlhelo ga Mutsuwuka-gambo kala tlhelo ga Muhlwa-gambo.
4A ku gamakana na Naftali xi tava xipanze xa Manasa, kusukela tlhelo ga Mutsuwuka-gambo kala tlhelo ga Muhlwa-gambo.
5A ku gamakana na Manasa xi tava xipanze xa Efraime, kusukela tlhelo ga Mutsuwuka-gambo kala tlhelo ga Muhlwa-gambo.
6A ku gamakana na Efraime xi tava xipanze xa Rubeni, kusukela tlhelo ga Mutsuwuka-gambo kala tlhelo ga Muhlwa-gambo.
7A ku gamakana na Rubeni xi tava xipanze xa Juda, kusukela tlhelo ga Mutsuwuka-gambo kala tlhelo ga Muhlwa-gambo.
8A ku gamakana na Juda, kusukela tlhelo ga Mutsuwuka-gambo kala tlhela ga Muhlwa-gambo, xi tava xipanze lexi mu ta nga xi nyikela, 25,000 wa mikono kuanama, a kuleha ka xona xi ta ringana ni zipanze za tixaka, kusukela tlhelo ga Mutsuwuka-gambo kala tlhelo ga Muhlwa-gambo; a wutshamu ga kubasa gi tava xikari ka xipanze lexi.
9A xipanze xa munyikelo lexi mu ta nga xi nyikela ka Jehova xi tava 25,000 wa mikono kuleha, ni 10,000 wa mikono kuanama.
10A ka xipanze lexi xa munyikelo wa kubasa, a vapristi va tava ni xipanze hi tlhelo ga Nwalungu xa 25,000 wa mikono kuleha, tlhelo ga Muhlwa-gambo xi tava 10,000 wa mikono kuanama, tlhelo ga Mutsuwuka-gambo xi tava 10,000 wa mikono kuanama, tlhelo ga Dzonga xi tava 25,000 wa mikono kuleha. A wutshamu ga kubasa ga Jehova gi tava laha xikari ka xona.
11Xi ta lumba a vapristi lava va basisilweko va nga vana va Zadoke, lava va nga hlayisa a ntiro wa wutshamu ga mina ga kubasa; lava va nga kala ku nzi fularela laha a vanana va ka Israeli va nga hambuka, kota lezi a vaLevi va nga hambuka.
12A xipanze lexi xi tava xiavelo xabye xi pambulweko ka munyikelo wa tiko, xi hunzeleleko kubasa, xi ta gamakana ni xipanze xa vaLevi.
13Ngomama ni mbhingano wa tiko ga vapristi, a vaLevi va tava ni xipanze xa 25,000 wa mikono kuleha ni 10,000 wa mikono kuanama; a kuleha kontlhe ku tava 25,000 wa mikono ni kuanama kontlhe ku tava 10,000 wa mikono.
14Va nga ta xavisa ni xilo xa gona, ge hambu ku fambisa; ni mihanzu ya gona yo ranga yi nga ta yisiwa kunwanyani, hakuva gi basile ka Jehova.
15A xipanze xa 5,000 wa mikono kuanama, lexi xi ta nga sala ngomama ni xipanze xa 25,000 wa mikono, xi tava xa nyalidede xa muti, xi tava xa tiyindlu ni wuriselo; a muti wu tava xikari ka wutshamu lego.
16A tipimo ta muti wa kona hi leti: A tlhelo ga Nwalungu 4,500 wa mikono; tlhelo ga Dzonga 4,500 wa mikono; a tlhelo ga Wuca 4,500 wa mikono; a tlhelo ga Muhlwa-gambo 4,500 wa mikono.
17A muti wu tava ni wuriselo: a tlhelo ga Nwalungu 250 wa mikono, a tlhelo ga Dzonga 250 wa mikono, a tlhelo ga Wuca 250 ma mikono, ni tlhelo ga Muhlwa-gambo 250 wa mikono.
18A xipanze xi ta nga sala ka lipimo la kuleha, ngomama ni wutshamu ga kubasa hi tlhelo ga Wuca xi tava 10,000 wa mikono, ni tlhelo ga Muhlwa-gambo xi tava 10,000 wa mikono; xi ta gamakana ni wutshamu ga kubasa, lezi zi tshovelwako lomo zi ta giwa hi zitiri za muti.
19Xi ta rimiwa hi zitiri za muti lezi zi tako hi ka tontlhe tixaka ta ka Israeli.
20A xipanze xontlhe xa munyikelo xi tava 25,000 wa mikono kuleha, ni 25,000 wa mikono kuanama. A xipanze lexi xa munyikelo wo basa a matlhelo ya xona ya mune ma ta ringana, a misava ya muti na yi hlayelwa lomu ka xona.
21A zipanze zi to sala zi ta lumba hosana, hi tlhelo ga seno ni ga seniya ga wutshamu ga kubasa ni ga muti, gi nga tiko gi gamekeneko ni 25,000 wa mikono ya wutshamu ga kubasa ku ya chikela mbhinganweni wa Mutsuwuka-gambo, ni tlhelo go Muhlwa-gambo legi gi gamekeneko ni 25,000 wa mikono kuya mbhinganweni wa Muhlwa-gambo, na zi gamakana ni zipanze za tixaka, zi ta lumba hosana. A munyikelo wa kubasa ni wutshamu ga kubasa ga yindlu zi tava laha xikari ka kona.
22Ni kambe, loku ku tsikiwa a tiko ga vaLevi ni wutshamu ga muti, gi nga xikari ka tiko ga hosana, a misava yontlhe kusukela mbhinganweni wa ka Juda kala mbhinganweni wa ka Benjamini yi ta lumba hosana.
23A tinwani tixaka hi leti: Kusukela tlhelo ga Mutsuwuka-gambo kala tlhelo ga Muhlwa-gambo, Benjamini i tava ni xipanze xinwe.
24A ku gamakana na Benjamini xi tava xipanze xa Simeoni, kusukela tlhelo ga Mutsuwuka-gambo kala tlhelo ga Muhlwa-gambo.
25A ku gamakana na Simeoni xi tava xipanze xa Isakare, kusukela tlhelo ga Mutsuwuka-gambo kala tlhelo ga Muhlwa-gambo.
26A ku gamakana na Isakare xi tava xipanze xa Zebuluni, kusukela tlhelo ga Mutsuwuka-gambo kala tlhelo ga Muhlwa-gambo.
27A ku gamakana na Zebuluni xi tava xipanze xa Gadi, kusukela tlhelo ga Mutsuwuka-gambo kala tlhelo ga Muhlwa-gambo.
28A ku gamakana na Gadi hi tlhelo ga Dzonga kuya hasi, a mbhingano wu ta sukela le Tamara wuya matini ya Meribate-kadexi, wu lanza a xicongwana xa Gipite kala le Bimbini ga Hombe.
29Hi gona tiko legi mu ta nga gi avela a vana va ka Israeli hi hlolo akuva a tshomba yabye, ni lezi hi zona a ziavelo zabye, ku wula Hosi Jehova.
A tinyangwa ta muti.
30Leti hi tinyangwa ta muti: A tlhelo ga Nwalungu 4,500 wa mikono.
31A tinyangwa ta muti ti ta chuliwa a mavito ya tixaka ta ka Israeli. Hi tlhelo ga Nwalungu ku na ni tinyangwa tinharu: a yinwe ya ka Rubeni, yinwe ya ka Juda, ni yinwe ya ka Levi.
32Hi tlhelo ga Mutsuwuka-gambo 4,500 wa mikono, ku na ni tinyangwa tinharu: a yinwe ya ka Josefa, a yinwe ya ka Benjamini, a yinwe ya ka Dani.
33Hi tlhelo ga Dzonga 4,500 wa mikono, ku na ni tinyangwa tinharu: a yinwe ya ka Simeoni, a yinwe ya ka Isakare, a yinwe ya ka Zebuluni.
34Hi tlhelo ga Muhlwa-gambo 4,500 wa mikono, ku na ni tinyangwa tinharu: a yinwe ya ka Gadi, a yinwe ya ka Axeri, a yinwe ya ka Naftali.
35Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14
Currently Selected:
Ezekieli 48: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
