Ezekieli 47
47
A congo wu humelako tempeleni.
1I lo nzi wuyisa nyangweni ya yindlu; laho nzi lo wona a mati na ma huma hi lahasi ka xipimbitsi xa nyangwa ya yindlu hi tlhelo ga Mutsuwuka-gambo, hakuva a yindlu yi wa cuwukile Mutsuwuka-gambo. A mati ma wa relela hi tlhelo ga xinene ga yindlu, a Dzongeni ga alati. Joeli 3:18; Zak. 13:1; Kuv. 22:1
2Zonake i lo nzi humesa hi ndlela ya nyangwa ya tlhelo ga Nwalungu, a nzi renzelekisa hi ndlela ya lahandle yi yako nyangweni ya lehandle, ngomama ni tlhelo ga Mutsuwuka-gambo; laho nzi lo wona a mati ma khulungelako hi tlhelo ga xinene.
3A munhu loye i lo famba hi tlhelo ga Mutsuwuka-gambo na hi ni ngoti canjeni gakwe, a ya pima a 1,000 wa mikono, i lo nzi hunzisa hi lomu matini ma nga wa gumelwa lomu mahlakaleni ya milenge.
4I lo pima kambe a 1,000 wa mikono, a nzi hunzisa kambe hi lomu matini, a mati na ma chikela madzolweni. I lo pima kambe a 1,000 wa mikono, a nzi hunzisa hi lomu matini, a mati na ma chikela lomu xiwunwini.
5Anzhako ka lezo i lo pima a 1,000 wa mikono; makunu ku wa hi congo nzi nga wu kotiko ku tlhatuka, hakuva a mati ma wa tele lezaku ma fela ku hlambeliwa; wu wa hi congo wu nga tlhatukiwiko.
6Yena aku ka mina: Nʼwana wa munhu, u zi wonile ke? Zonake i lo nzi wuyisa mbhirini ya congo.
7Laha nzi nga wuya nzi lo wona tisinya to tala laha mbhirini ya congo hi tlhelo ga seno ni ga seniya.
8Aku ka mina: A mati lawa ma khulungela matlhelo ya Wuca, ma relela maya Araba, ma hunzelele ma ya chela bimbini. Loku ma chelile lomu bimbini, a mati ya bimbi ma ta hunzuka mava mati ma nene.
9Zonake a zivangwa zontlhe lezi zi pomelako a wutshanwini legi yi khulungelako a micongo leyi mimbiri zi ta hanya. Ku tava zidluwani zo tala nguvu, hakuva a mati lawa ma ta chela ma chuma a mati ya bimbi, zontlhe zi ta hanya laha a congo wu yako kona.
10A varingeli va ta yima mbhirini ya bimbi, kusukela En-gedi kala le Eneglaime va ta anekela a tikoka. Ku tava kona a zidluwani zo tala nguvu za tixakaxaka, zi fanana ni lezi za bimbi ga hombe.
11Kanilezi a matshamu ya marope ni matshowo ma nga ta chumiwa, ma ta humesa a munyu.
12Laha mbhirini ya congo ya tlhelo ga seno ni ga seniya, ku ta mila a tisinya ta mihanzu, leti a matluka ya tona ma to kala ma nga wuni, ni mihanzu ya kona yi to kala yi nga mbheli. Ti ta pswala mihanzu hweti ni hweti, hakuva a mati ya kona ma humela ndlwini yi basileko. A mihanzu ya kona njo giwa, a matluka ya kona njo chuma ha wona. Kuv. 22:2
A kuavanyiselwa ka tiko.
13Hosi Jehova i ngalo: Lowu wu tava a mbhingano wu ta nga avanyisa a misava leyi yi ta nga avelwa ka khume ga tixaka ni timbiri ta ka Israeli, Josefa i tava ni zipanze zimbiri. Gen. 48:5; Mitse. 34:2; Jox. 17:17
14A ziavelo za munwe ni munwani zi ta ringana, hakuva nzi hlambanyile hi ku tlakusa canja ga mina, lezaku nzi ta gi nyika ka vakoko va nwina; makunu gona tiko gi ta maha tshomba ya nwina. Gen. 12:7; 17:8; 26:3; 28:13
15A mimbhingano ya gona yi tava leyi: Hi tlhelo ga Nwalungu wu ta sukela bimbini ga hombe wu famba hi ndlela ya Hethloni, wuya Zedade,
16na Hamate, Berota, Sibraime, gi nga xikari ka mbhingano wa Damasku ni mbhingano wa Hamate; ni Hazeri-hattikoni, gi nga kusuhi ni mbhingano wa Haurani.
17Lezo a mbhingano wu ta sukela bimbini wuya Hazar-enoni le mbhinganweni wa le Damasku, wu kongoma Nwalungu mbhinganweni wa Hamate. Legi gi tlhelo ga Nwalungu.
18A tlhelo ga Mutsuwuka-gambo a mbhingano wu ta sukela xikari ka Haurani na Damasku, wu tsemakanya hi xikari ka Gileade ni tiko ga Israeli hi yena Jordani. Mu ta pima kusukela mbhinganweni wa tlhelo ga Nwalungu kala bimbini ga Mutsuwuka-gambo. Lego gi tava tlhelo ga Mutsuwuka-gambo.
19A mbhingano wa tlhelo ga Dzonga wu ta sukela Tamara kala matini ya Meriboti-kadexi, wu lanza a xicongwana xa Gipite kala le Bimbini ga Hombe. Lego hi tlhelo ga Dzonga hi tlhelo ga lahasi. Mitse. 20:13; 27:14
20Hi tlhelo ga Mupela-gambo a mbhingano hi gona Bimbi ga Hombe, kusukela mbhingano wa Dzonga kala ku cuwukana ni ndlela yi yako le Hamate. Lego gi tava tlhelo ga Muhlwa-gambo.
21Zinghaho mu ta avelana a tiko legi maringano ni tixaka ta ka Israeli.
22Mu ta gi avelana xikari ka nwina ni vamatiko lava va akileko zinwe na nwina hi ku gi hlahluva hi hlolo; a vamatiko va ta pswala vana xikari ka nwina, mu ta va hlaya kota zisumbulwa xikari ka vana va ka Israeli; va tava ni tshomba zinwe na nwina xikari ka tixaka ta ka Israeli. Levi 19:34
23A wamatiko i ta kuma a tshomba hi ka lixaka leli a akileko xikari ka lona, ku wula Hosi Jehova.
Currently Selected:
Ezekieli 47: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
