Va le Efesusi 3
3
A ntiro wa Paule xikari ka vamatiko.
1Hikwalaho mina Paule, nzi nga peresu ya Jesu Kristu hi kota ya nwina vamatiko,— Miti. 21:33; 2 Tim. 2:10
2loku hakunene mu zwile hi wunekwa ga tipswalo leti nzi nyikilweko tona hi kota ya nwina; Miti. 9:15; Rom. 1:5; Kol. 1:25
3lezaku nzi lo tiviswa a fihlakalo hi kuvululelwa, kota lezi nzi sinako nzi mu tsalele hi timhaka ti tsongwani. Rom. 16:25
4Loku mu ti gonza, mu ta wona a kupimisisa ka mina fihlakalweni wa Kristu, 1 Kor. 4:1
5lowu wu nga kala ku tiviswa ka vanhu va zizukulwana zinwani, kota lezi ku vululelweko hi Moya ka vapostoli vakwe vo basa ni vaprofeti; Miti. 10:28
6lezaku ngalo: A vamatiko zigatshomba zinwe na hina, vava miri munwe zinwe na hina, va hi zihlengelikulori za xitsumbiso ka Kristu Jesu hi ivangeli, Gal. 3:14
7leyi mina nzi nga mahiwa xitiri xa yona, hi kota ya xinyikiwo xa tipswalo ta Nungungulu leti nzi nyikilweko tona hi kutira ka ntamu wakwe. Rom. 15:18
8Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27
9ni ku kombisa ka vanhu vontlhe, va tiva a wunekwa ga fihlakalo lowu wu nga fihlilwe hi kale ka matiko ka Nungungulu, loyi a nga vanga zilo zontlhe. Tis. 33:6; Joh. 1:3; Rom. 16:25; 1 Kor. 2:7
10Nungungulu i wa xuva lezaku a wutlhari gakwe ga ginyingi gi fela ku tiviswa hi bandla ka mintamu ni tihosi ta le tilweni, 1 Kor. 2:7; 1 Ped. 1:12; 3:22
11kotisa a khungo legi ga pinzukelwa legi a nga gi maha ha Kristu Jesu a Hosi ya hina,
12loyi hi tiyako ha yena a ku tshinela ka Nungungulu hi kutsumba, hi kukholwa ka yena.
13Hikwalaho nza mu kombela lezaku mu nga rereki hi kota ya zikarato za mina hi kota ya nwina, hakuva wudumo ga nwina.
14Hi kota ya lezo nza khizama ka Dadani hi madzolo ya mina,
15loyi a mingango yontlhe ya le tilweni ni ya laha misaveni yi chuliwako ha yena, Fil. 2:9
16nzi kombela lezaku a fela ku mu nyika hi kutala ka wukosi gakwe, lezaku mu tiyiswa hi ntamu munhwini wa lomu nzeni hi Moya wakwe, Rom. 7:22; Fil. 4:19; Kol. 1:11
17lezaku Kristu a tshama timbilwini ta nwina hi kukholwa; lezaku na mu zimekilwe ni ku seketelwa liranzweni, Joh. 14:23
18mu fela ku zi kota ku pima zinwe ni vobasa vontlhe, lezaku xini a kuanama ni kuleha ni kueta, Rom. 10:3
19ni ku tiva a liranzo la Kristu leli li hunzako kutiva kontlhe, lezaku mu tatiswa hi kutala kontlhe ka Nungungulu. Joh. 1:16; Kol. 2:9
20Makunu ka yena loyi a zi kotako ku maha nguvunguvu ku hunza zontlhe lezi hi zi kombelako, kutani ku alakanya, hi ntamu lowu wu tirako ka hina,
21ka yena a give wudzunzo bandleni ni ka Kristu Jesu ka zizukulwana zontlhe, kala kupinzuka ni kupinzuka. Amen! Rom. 11:36; 1 Tim. 1:17
Currently Selected:
Va le Efesusi 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
