Va le Efesusi 1
1
1Paule, a mupostoli hi kuranza ka Nungungulu, nza rungula a vobasa lava va nga le Efesusi, lava va tsumbekileko ka Kristu Jesu, nziku: Kol. 1:2
2A tipswalo ni kurula a zive na nwina, zi tako hi ka Nungungulu a Dadani, ni ka Hosi Jesu Kristu. Tit. 1:4
Ku khesa a xigelo xa Nungungulu.
3A ku khesiwe Nungungulu tlhelo Dadani wa Hosi ya hina Jesu Kristu, loyi a hi katekisileko ka Kristu hi zikatekiso zontlhe za ka moya za le tilweni, Tis. 72:17
4kota lezi a nga hi hlawula ka yena na ku nga se ku seketelwa misava, lezaku hi tava va kubasa, hi nga hiko na bawa mahlweni ka yena. Lu. 1:75; 1 Ped. 1:2, 20
5Hi liranzo lakwe i lo hi yimisa kale a kuva vana vakwe ha Jesu Kristu, kota a kuxuva ka kuranza kakwe, Lu. 12:32; Joh. 1:12; Rom. 8:29
6kasi ku dumisa a kungangamela ka tipswalo takwe, leti a nga hi nyika tona hi kota ya Xiranzwa xakwe. Isa. 43:21; Mat. 17:5; Rom. 3:24
7Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12
8leti a nga ti anzisa ka hina hi kutlhariha kontlhe ni kupima.
9I lo hi tivisa a mifihlakalo ya kuranza kakwe kukotisa a kuxuva kakwe loku a ku xuvileko, Kol. 1:26; 2 Tim. 1:9
10lezaku a yimisa a xaxameto a kumbheleni ka xikhati, lowu ha wona a ta nga tlhanganyisa zilo zontlhe ka Kristu, a zilo za le matilweni ni lezi za laha misaveni. 1 Kor. 3:22; Fil. 2:9; Maheb. 9:10
11Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17
12kasi hina ha dumisa a wudumo gakwe, hina lava hi nga ranga hi tsumba Kristu. 2 Tes. 2:13; Jak. 1:18
13Nwina kambe laha na mu zwile a mhaka ya zinene, yi nga ivangeli ya kuhanyiswa ka nwina, na mu kholilwe mu lo fungiwa hi Moya wa ku Basa lowu wu tsumbisilweko, 2 Kor. 1:22
14lowu wu nga seve wa tshomba ya hina, kala va tirulwa lava Nungungulu a nga ti kumela vona, kasi ga dumiswa a wudumo gakwe. Miti. 20:28; Rom. 8:23; 2 Kor. 5:5
A kukhongela ka Paule.
15Lezi nzi zwileko hi kukholwa ka nwina ka Hosi Jesu, ni liranzo leli mu ranzako ha lona a vobasa vontlhe,
16a nzi tsiki a ku bonga Nungungulu hi kota ya nwina, nza mu alakanya mikombelweni ya mina.
17Nzi kombela lezaku a Nungungulu wa Hosi ya hina Jesu Kristu, a Dadani wa kungangamela, a fela ku mu nyika a moya wa kutlhariha ni wa kuvululelwa lezaku mu mu tiva. Kol. 1:9
18Ngha a woninga a mahlo ya timbilu ta nwina, kasi mu fela ku tiva lezaku xini a kutsumba loku a mu vitaneleko kona, ni lezaku gi talisa kuyini a wukosi ga tshomba yakwe xikari ka vobasa, Miti. 26:18
19ni lezaku wu kulisile kuyini a ntamu wakwe ka hina lava hi kholwako, kukotisa a kutira ka ntamu wakwe wa hombe, Kol. 1:29
20lowu a nga tira ha wona ka Kristu, laha a nga mu vuxa hi ka vafileko, a mu tshamisa canjeni gakwe ga xinene le tilweni,
21a hehla ka mifumo, ni mintamu, ni wukulu, ni wuhosi, ni mavito wontihe ma vitanwako, na ku nga hi ka xikhati lexi ntsena, kanilezi ni ka xikhati xi tako. Fil. 2:9
22I vekile a zilo zontlhe lahasi ka mikonzo yakwe, a mu yimisa a kuva hloko ya zilo zontlhe lomu bandleni, Mat. 28:18; Maheb. 2:7
23legi gi nga miri wakwe, legi gi teleko hi yena loyi a tatisako zontlhe ka vontlhe. Joh. 1:14, 16; Rom. 12:5; 1 Kor. 12:6; Kol. 3:11
Currently Selected:
Va le Efesusi 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
