Va le Galatia 6
6
1Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena. 1 Kor. 2:15; 7:5; 2 Tes. 3:15
2Rwalelanani minzhwalo; lezo mu tatisa a nayo wa Kristu. Joh. 13:14; Rom. 15:1
3Hakuva loku a munhu a ti alakanyela aku i nchumu, na a nga hi nchumu, wa ti kanganyisa. Rom. 12:3; 2 Kor. 3:5
4Ngha munhu ni munhu a hlola a ntiro wakwe, hi kona a to zi kota ku ti kulisa hi lezi a nga zona, na ku nga hi ku ti fananisa ni vanwani. Lu. 18:11; 2 Kor. 13:5
5Hakuva a munhu ni munhu i ta rwala a nzhwalo wakwe yena nwinyi. Rom. 2:6
6Ngha loyi a gonziswako ivangeli a mu pambulela a zilo zakwe zo saseka loyi a mu gonzisako. Rom. 15:27
7Mu nga ti khohlisi, Nungungulu a nga kalavisiwi; hakuva lezi munhu a xi byalako, xwalexo i ta xi tshovela. Joba 13:9; Lu. 16:25; 1 Kor. 6:9
8Hakuva loyi a byalelako a nyama yakwe, hi nyama i ta tshovela kubola; kanilezi loyi a byalelako a Moya, hi Moya i ta tshovela a wutomi ga pinzukelwa. Jak. 3:15
9Ngha hi nga karali a ku maha lezi zi nene; hakuva loku hi nga rereki hi ta tshovela hi xikhati xi faneleko. Mat. 24:13; 2 Tes. 3:13
10Hikwalaho kota lezi hi nga ni xikhati, a hi tireni lezi zi nene ka vanhu vontlhe, nguvunguvu ka va le ngangweni wa kukholwa. Joh. 9:4; Efe. 2:19; 1 Tim. 6:18
Vanhu va ta ti kulisa hi xihambano ntsena.
11Ma nga wonani lezaku ma kulisile kuyini a maletela lawa nzi tsalileko ka nwina hi canja ga mina wutsumbu.
12Vontlhe lava va navelako a kuva ni wudumo gi nene nyameni, va mu kurumeta a ku enghena wukwera; va maha lezo ntsena kasi va nga xaniswi hi kota ya xihambano xa Kristu. Fil. 3:18
13Hakuva hambu vona lava va zitshiva a va gongi nayo; kanilezi va ranza a kuva mu enghena wukwera, kasi va fela ku ti kulisa hi kota ya nyama ya nwina.
14Kanilezi a zive kule na mina a ku ti kulisa hi nchumu, ahandle ka xihambano xa Hosi Jesu Kristu, lexi a misava yi belelweko ka mina ha xona, na mina nzi belelweko ka yona.
15Hakuva a wutshiva a hi nchumu, ni wukhuna a hi nchumu, a xa hombe hi kuva ximahwa xiswa. 2 Kor. 5:17
16A kurula ni wuxinji a kuve ka vontlhe lava va ta nga famba hi nayo lowu, ni ka vaIsraeli va Nungungulu. Tis. 125:5
17Ku sukela lezi ngha ku nga hi kona munhu a nzi karatako, hakuva nzi na ni a zifungo za Jesu zi hisilweko mirini wa mina. Kol. 1:24
18A tipswalo ta Hosi ya hina Jesu Kristu a tive ni mimoya ya nwina, vamakabye. Amen!
Currently Selected:
Va le Galatia 6: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
