Deuteronome 34
34
A kufa ka Mosi.
1Zonake Mosi i lo suka hi le mikoveni ya Moabi, a ya kanziha xitsungeni xa Nebo, le hehla ka Pisga, ngomama ni Jeriko. Jehova i lo mu kombisa gontlhe tiko ga Gileade kala le Dani;
2ni gontlhe ga ka Naftali, ni ga ka Efraime, ni ga ka Manasa, ni tiko gontlhe ga ka Juda kala Bimbini ga Mupela-gambo;
3ni le Dzongeni, ni le tlhelweni ga Jordani, le mikoveni ya Jeriko, a muti wa micinzu, kala le Zoare. Vala. 1:16; 2 Kro. 28:15
4Jehova i te ngalo kakwe: Legi hi gona tiko nzi gi hlambanyileko ka Abrahama, ni ka Isaka, ni ka Jakobe, nziku: Nzi ta gi nyika ka pswalo wa wena; hikwalaho mina nzi ku kombisile gona kasi u gi wona hi mahlo ya wena, kanilezi u nga ta tlhatukela ka gona. Gen. 12:7
5Zinghaho Mosi, a nanza ga Nungungulu, i lofa leyo tikweni ga Moabi, khwatsi hi kuwula ka Jehova.
6Zonake Jehova i lo mu lahla le nkoveni lomu tikweni ga Moabi, ngomama ni Bet-Peori; kanilezi a nga kona munhu a tivako a tsiza gakwe kala legi siku. Juda 9
7Na Mosi i wa hi ni 120 wa malembe xikhati lexo a ngafa; kanilezi a mahlo yakwe ma wa nga mahangi zilutsu, ni ntamu wakwe wu wa nga mbhetangi.
8Ni vanana va ka Israeli va lo rilela Mosi le mikoveni ya Moabi 30 wa masiku, zonake a masiku ya ku rila Mosi ma lo mbhela. Mitse. 20:29
9Joxua nʼwana Nuni i lo tala hi moya wa wutlhari, hakuva Mosi i wa mu tlhatekile mandla yakwe. Ni vanana va ka Israeli va lo mu ingisa, va maha kota lezi Jehova a leleteleko Mosi.
10Cima a ku humangi a muprofeti lomu ka Israeli wa ku kota Mosi, loyi a nga tiva Jehova hi nghohe yakwe, Ekso. 33:11; Mitse. 12:8
11ni zontlhe ziwoniso ni masingita lawa Jehova a nga wa mu ruma ku maha mahlweni ka Faro le tikweni ga Gipite, ni mahlweni ka wontihe malanza yakwe, ni mahlweni ka gontlhe tiko gakwe;
12ni ntamu wakwe wa hombe, ni mitiro yontlhe leyi yi chavekako, leyi Mosi a nga yi maha mahlweni ka vontlhe va ka Israeli.
Currently Selected:
Deuteronome 34: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
