2 Va le Tesalonika 3
3
1Hi kugumesa, vamakabye, hi khongeleleni, lezaku a mhaka ya Hosi yi fela ku ranga mahlweni yi dumiswa, kota lezi yi nga maha xikari ka nwina;
2kasi ha pona ka vanhu va vilinganya ni va kubiha; hakuva a kukholwa a ku kona ka vanhu vontlhe.
3Kanilezi a Hosi yi tsumbekile, yi ta mu tiyisa, yi mu hlayisa ka loyi wa kubiha. Joh. 17:15
4Ha mu tsumba Hosini, lezaku mu maha lezi hi mu layileko, ni lezaku ma ha ta zi maha.
5Ngha Hosi yi yisa a timbilu ta nwina liranzweni la Nungungulu, ni le kuhoniseleni ka Kristu. 1 Kro. 29:18; Mat. 22:37; 1 Joh. 4:16
Vanhu na fanele ku tira.
6Makunu ha mu laya, vamakabye, a vitweni ga Hosi ya hina Jesu Kristu, lezaku mu tsawukana ni vamakabye vontlhe va fambako hi vilinganya, va nga hlayisi a gonzo leyi hi nga mu gonzisa yona. Rom. 16:17; 1 Kor. 5:11; 1 Tim. 6:5; 2 Joh. 10
7Nwina ma zi tiva lezi mu faneleko a ku hi ecanyisisa zona, hakuva a hi fambangi hi vilinganya xikari ka nwina.
8A hi gangi zakuga za munhu mahala, kanilezi hi lo dzunuka hi tira mumu ni wusiku, kasi hi nga binzisi ni munwe wa nwina. Miti. 18:3; 20:34
9Na ku nga hi lezaku hi wo vumala ntamu wa ku zi maha, kanilezi hi lo maha lezo lezaku hiva xiwonelo ka nwina, kasi ma fela ku hi pimanyisa. 1 Kor. 9:6; 1 Tes. 2:6
10Hakuva laha hi nga hi zinwe na nwina hi lo mu laya, hiku: Loku a hi kona munhu loyi a nga vumeliko ku tira, ngha a ngagi. Gen. 3:19; 1 Tes. 4:11
11Hakuva hi zwile lezaku vanwani va nwina va famba hi vilinganya, va nga tiri nchumu, kanilezi va fambafamba va maha vanwankoti. Isa. 56:10; 1 Tim. 5:13
12Makunu a va kunghaho ha va laya, hi va khongotela hi Hosi Jesu Kristu, lezaku va tira hi kurula, vaga kuga kabye. Rom. 12:11
13Kanilezi nwina vamakabye, ngha mu nga rereki ku maha lezi zi nene.
14Loku a hi kona munhu a nga ingisiko lezi hi wulako lomu ka papilo legi, tivani munhu loye, mu nga tlhangani naye, a kala aku koyo tingana.
15Hambu lezo mu nga mu hlayi kota nala, kanilezi mu lulekeni hi wumakabye. Levi 19:17
16Makunu ngha Hosi ya kurula wutsumbu ga yona yi mu nyika kurula xontlhe xikhati matlhelweni wontihe. A Hosi a yive na nwina nwentlhe.
17Lawa hi marungula ya mina Paule hi canja ga mina wutsumbu, lexi xi nga xikombiso ka mapapilo ya mina wontihe; nzi tsalisa lezo.
18A tipswalo ta Hosi ya hina Jesu Kristu a tive na nwina nwentlhe.
Currently Selected:
2 Va le Tesalonika 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
