2 Va le Tesalonika 2
2
A siku ga Kristu.
1Makunu vamakabye, hi kukumbuka a kuwuya ka Hosi ya hina Jesu Kristu, ni kutsombana ka hina na yena, ha mu khongotela Mat. 24:31
2lezaku mu nga hatlisi ku tsekatsekiswa kupimeni ka nwina, hambu ku karateka, kutani hi moya, kutani hi mhaka, kutani hi papilo go khwatsi gita hi ka hina, aku khwatsi a siku ga Hosi gi tshinele.
3Mu nga kanganyiswi hi munhu ha nchumu; hakuva a kuranga ku tava kona kutlhelela nzhako, ku wonekeliswa a Munhu wa kuonha, a nga nʼwana wa kulahleka, Dan. 7:23; Joh. 17:12; 1 Tim. 4:1; Kuv. 13:11
4loyi a vukelako ni ku ti kulisa hehla ka zontlhe zi vitwako mingungulu, ni zontlhe lezi zi khozelwako; a kala a ya tshama tempeleni ya Nungungulu, a ti wula lezaku i Nungungulu. Isa. 14:13; Ezek. 28:2; Dan. 11:36; 1 Kor. 8:5
5A mu alakanyi lezaku na nza ha hi na nwina, nzi lo mu byela lezi zilo ke?
6Makunu ma zi tiva lezi zi mu tsimbetelako, a kala a wonekeliswa hi xikhati xakwe.
7Hakuva a fihlakalo wo hambunyeta nayo wu sina wu tira ni lezi; kanilezi wu tira ntsena kala a susiwa loyi a wu tsimbetelako. 1 Joh. 4:3
8Zonake i ta wonekeliswa a xihunza-milayo, loyi Hosi Jesu a ta nga mu daya hi xikuhe xa nomu wakwe, a mu lovisa hi kuwonekeliswa ka kuwuya kakwe. Joba 4:9; Isa. 11:4; Dan. 7:10; Maheb. 10:27; Kuv. 2:16
9A zihunza-milayo xi tata hi kota ya kutira ka Satani, na xi hi ni ntamu wontihe ni ziwoniso ni zirewukiso za mawunwa, Mat. 24:24; Joh. 8:41; Efe. 2:2; Kuv. 18:23; 19:21
10a hi ni kukanganyisa kontlhe ku nga lulamangiko, kasi ku khohlisa lava va lovako; hakuva a va vumelangi ni ku ranza zinene, lezi zi nga va hanyisako. 2 Kor. 2:15; 4:3
11Hikwalaho Nungungulu wa va rumela a ntamu lowu wu hambukisako, kasi va fela ku kholwa mawunwa; 1 Tih. 22:22; Ezek. 14:9; Mat. 24:5; Rom. 1:24; 1 Tim. 4:1
12lezaku va fela ku lamulwa vontlhe lava va nga kholwangiko zinene, kanilezi va xalala hi lezi zi nga lulamangiko.
Hosi yi tsumbekile.
13Kanilezi hina hi yimelwe hi ku mu bonga Nungungulu xontlhe xikhati ha nwina, vamakabye va ranzekako va Hosi; hakuva Nungungulu i lo mu hlawula hi le kusanguleni a kuva mu hanyiswa hi kubasiswa hi Moya ni kukholwa ka zinene.
14Hizalezo a mu vitaneleko zona hi ivangeli ya hina, kasi ma hlengela a kungangamela ka Hosi ya hina Jesu Kristu.
15Hikwalaho, vamakabye, yimani muku nde, mu khomisisa a gonzo leyi mu nga gonziswa yona, kutani hi nomu, kutani hi papilo ga le ka hina. 1 Kor. 11:2
16A Hosi ya hina Jesu Kristu, ni Nungungulu a Dadani wa hina, loyi a hi ranzileko, ni ku hi nyika a kutangaliswa ka pinzukelwa, ni kutsumba ko saseka hi tipswalo takwe, Kuv. 1:5
17a tangalise timbilu ta nwina, a mu tiyisa mitirweni yontlhe yo saseka ni kuwulawula ku lulamileko.
Currently Selected:
2 Va le Tesalonika 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
