1 Timote 1
1
1Paule a mupostoli wa Kristu Jesu hi kulaya ka Nungungulu, a Muhanyisi wa hina, na Kristu Jesu a kutsumba ka hina, Gal. 1:1; Kol. 1:27; Xip. 2:3; Tit. 1:3; 2:10; 3:4
2nza ku rungula Timote nwananga hi zinene kukholweni, nziku: A tipswalo ni wuxinji ni kurula a zive na wena, lezi zi tako hi ka Nungungulu Dadani na Kristu Jesu a Hosi ya hina. Miti. 16:1; 1 Kor. 4:17
Paule a luleka hi tigonzo ti hambukisako.
3Laha nzi ngaya le Makedonia nzi lo ku khongotela ku sala le Efesusi, u luleka vanwani lezaku va nga gonzisi yinwani gonzo, Miti. 20:1, 3; Gal. 1:6, 7; Fil. 2:24
4ni lezaku va nga khataleli tikaringani ni ku lanzelela ziloso zi nga hetekiko, lezi zi vangako kukanetisana, loku ku nga vuniko a ntiro wa Nungungulu lowu wu nga wa kukholwa.
5Kanilezi a xigelo xa kulaya ka hina, hi ku vuxa a liranzo li humako mbilwini yi hlazekileko ni livalweni li nene ni kukholweni ku nga xengeteliko. Rom. 13:8; Gal. 5:14; 2 Tim. 2:22
6A vanwani va hambukile ka lezi zilo, va lanzela a timhaka ti nga nyawuliko,
7va ranza a kuva vagonzisi va nayo, hambu lezi va nga zi pimiko lezi va zi wulawulako, ni lezi va tiyisako nguvu ha zona.
8Kanilezi hina ha zi tiva lezaku a nayo wu nene, loku munhu a tira ha wona hi fanelo, Rom. 7:12
9na a zi tiva lezaku a nayo a wu vekelwangi munhu a lulamileko, kanilezi wu vekelwe a zihunza-milayo ni va nga ingisiko, lava va nga chaviko Nungungulu, ni vaonhi, ni lava va nga basangiko, ni lava va wulawulako tihlamba, a vadayi va vararu vabye ni vamamani vabye, ni vadayi va vanhu, Gal. 3:19
10ni varembi, ni lava va mahako wukochani, ni vapfuli va vanhu, ni vahembi va mawunwa, ni lava va hlambanyelako mawunwa, hambu ni xihi xilo xi hambeneko ni gonzo yi hanyisako
11ya ivangeli ya kungangamela ka Nungungulu loyi a bongekako, leyi nzi nyikilweko yona a kuva nzi yi hlayisa.
A ntiro wa Paule.
12Nza mu bonga Kristu Jesu a Hosi ya hina, loyi a nga nzi nyika ntamu, hakuva i nzi hlayile loyi a tsumbekileko, a nzi veka ntirweni wakwe; 1 Kor. 7:25; 2 Kor. 3:5, 6; 4:1; Kol. 1:25
13hambu lezi a kale nzi nga hi ni nzhukano, nzi hi muxanisi ni mulamati. Kanilezi nzi lo mahelwa wuxinji, hakuva nzi lo zi maha hi kungativi na nzi nga se ku kholwa. Lu. 23:34; Joh. 9:39; Miti. 8:3; 9:1; 1 Kor. 15:9; Fil. 3:6
14A tipswalo ta Hosi ya hina ti lo tata a mbilu ya mina, zinwe ni kukholwa ni liranzo leli li nga ka Kristu Jesu. Lu. 7:47
15A mhaka leyi yi tiyile, yi fanele ku amukelwa kontlhe, lezaku Kristu Jesu i lota misaveni ku ta hanyisa vaonhi, lava mina nzi nga nhonzwa yabye. Mat. 9:13; Lu. 19:10; Rom. 5:8; 1 Joh. 3:5
16Kanilezi mina nzi lo mahelwa wuxinji, lezaku Kristu Jesu a kombisa ha mina, loyi nzi nga nhonzwa, a kuhonisela kakwe kontlhe, nziva xiwonelo ka lava va ta nga kholwa ka yena, va kuma a wutomi ga pinzukelwa.
17Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23
18Nza ku laya, Timote nwananga, kota lezi ku nga profetiwa kale ha wena, lezaku ulwa ha kona a kulwa ko saseka, Xip. 4:14
19u khomisisa a kukholwa ni livalo li nene, leli vanwani va li tsikileko, va lahlekelwa hi kukholwa kabye.
20A xikari ka vona ku na na Himeneusi na Alexandro, lava nzi va nyikeleko ka Satani, kasi va gonziswa a kuva va nga rukateli. Mat. 18:17; 1 Kor. 5:5; 2 Tim. 2:17; 4:14
Currently Selected:
1 Timote 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
