2 Va le Korinte 9
9
1Xungetano ni hlengo wo vunetela a vobasa, a zi laveki lezaku nzi mu tsalela; Miti. 11:29; Rom. 15:26; Gal. 2:10
2hakuva nza ku tiva a kulonga ka nwina, loku nzi ti dzunzako ha kona ka va le Makedonia, nziku a va le Akaia va wa longile a nwecemu; a kupangama ka nwina ku vuxile vanyingi vabye: Xip. 8:19, 24
3Kanilezi nzi rumile vamakabye, lezaku a kutidzunza ka hina hi kota ya nwina ku ngavi mahala mhakeni leyi; kanilezi lezaku mu fela ku tshama na mu longile, kota lezi nzi wulileko zona; Xip. 8:6, 17
4ku nga taku loku vata na mina a va le Makedonia, va ta mu kuma na mu nga longangi, hina hi chelwa tingana kutsumbeni loku, a nzi wuli tingana ta nwina.
5Hi ka lezoke nzi lo alakanya lezaku zi lavekile ku khongotela vamakabye a kuva va ranga vata ka nwina, kasi ka longiselwa khwatsi a xinyikiwo lexi mu nga si na mu xi tsumbisile, kasi xi fela kuva xi longile, na xi hi xinyikiwo xa matsenya, na ku nga hi ku kurumetwa.
6Mina nzi ngalo: Loyi a xwanyako kutsongwani, i ta tshovela kutsongwani; ni loyi a xwanyako nguvu, i ta tshovela nguvu. Mav. 11:24; 19:17; 22:9; Gal. 6:7, 9
7A munwe ni munwani a nyike kota lezi a xuvako mbilwini yakwe; na a nga karateki, kutani ku kurumetwa; hakuva Nungungulu wa ranza loyi a nyikako na a xalele. Ekso. 25:2; 35:5; Deut. 15:7; Rom. 12:8
8Nungungulu wa zi kota ku enzelekisa ka nwina a tipswalo tontlhe; lezaku nwina, na mu enelisilwe xikhati xontlhe zilweni zontlhe, mu fela kuva nazo zo tira mitiro yontlhe yo saseka: Mav. 11:25; Fil. 4:19
9Kota lezi ku tsalilweko ku ngalo:
Loyi a xwanyileko, i lo avela lava va vumalako;
A kululama kakwe ku simamisile kala kupinzuka. Tis. 112:9
10Loyi a nyikako mbewu ka muxwanyi, a muha ni zakuga, i ta mu nyika a mbewu ku xwanya, a yi anzisa, ni ku enzelekisa a mihanzu ya kululama ka nwina, Isa. 55:10; Hos. 10:12; Mal. 6:1
11lezaku mu fumiswa zilweni zontlhe, kasi muva ni wuhana gontlhe, legi gi ta nga vanga ka hina kubonga ka Nungungulu. Xip. 4:15
12Hakuva a hlengo lowu a hi wa ku vuna lava vobasa kuvumaleni kabye ntsena, kanilezi wu anzisa nguvu a kubongwa ka Nungungulu.
13Loku va wona a ntiro lowu va ta dumisa Nungungulu hi kota ya kuingisa ka nwina kukholweni ka ivangeli ya Kristu, ni xinyikiwo xa nwina ka vona ni ka vontlhe. Mat. 5:16; Maheb. 13:16
14Kambe va mu kombelela na va lava ku mu wona hi kota ya tipswalo ta hombe ta Nungungulu leti ti nga ka nwina.
15A ku bongiwe Nungungulu hi kota ya xinyikiwo xakwe lexi xi nga wulekiko. Jak. 1:17
Currently Selected:
2 Va le Korinte 9: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
