1 Timote 4
4
A ku tlhelela nzhako kukholweni ni gonzo ya hava.
1Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20
2hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19
3Va tsimbetela a ku tekana, va laya ku kala ku nga giwi zakuga lezi Nungungulu a zi vangeleko lava va kholwako ni lava va tivako zinene, lezaku zi amukelwa hi kubonga. Gen. 9:3; Mav. 18:22; 1 Kor. 8:8; Maheb. 13:4
4Hakuva zontlhe zi vangilweko hi Nungungulu zi nene, a ku na nchumu lexi xi faneleko ku nyenyiwa loku xi amukelwa hi kubonga; Tit. 1:15
5hakuva zi basiswa hi mhaka ya Nungungulu ni kukhongela.
A murisi nene wa Jesu Kristu.
6Loku u byela a vamakabye timhaka leti, u tava nanza gi nene ga Kristu Jesu, legi gi wundlilweko timhakeni ta kukholwa, ni ka gonzo yi nene leyi u yi lanzeleko. 2 Tim. 3:14
7Kanilezi ala a mafenya ni mitsheketo ya vavasati va kale. Ti tolovete a kuhanya ka kukholwa.
8Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33
9A mhaka leyi yi tiyile, yi fanele ku amukelwa kontlhe. Tis. 36:6; Miti. 14:17; 17:25, 28
10Hi xona xigelo xa kutira ka hina ni kulwa, hakuva hi tsumbile a Nungungulu a hanyako, loyi a nga Muhanyisi wa vanhu vontlhe, nguvunguvu lava va kholwako.
11Leletela vanhu a timhaka leti, u va gonzisa tona.
12Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15
13Pinyamela ku gonzela vanhu a mitsalo, ni ku luleka ni ku gonzisa, nzi kala nzita.
14U nga mahi mihoni hi xinyikiwo lexi xi nga ka wena, lexi u nga nyikiwa xona hi kuprofeta zinwe ni kutlhatekwa ka mandla ya masingalakati. Miti. 6:6; Xip. 1:18; 2 Tim. 1:6
15Pangama mitirweni leyi, u ti nyikela gontlhe wutsumbu ga wena ka yona; kasi a kuya mahlweni ka wena ka woneka ka vanhu vontlhe.
16Ti wonele wutsumbu ga wena, ni kugonziseni ka wena; nonohisa ka zona, hakuva hi ku maha lezo u ta hanyisa wutsumbu ga wena, ni lava va ku zwako kambe. Ezek. 33:9
Currently Selected:
1 Timote 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
