1 Timote 5
5
1U nga honokeli munhu wa kale, kanilezi mu khongotele khwatsi i dadani; a majaha ma khongotele khwatsi mbanakuloni; Levi 19:32
2a vavasati va kale khwatsi mbamani, ni lava vaswa khwatsi mbamakwenu, hi kuhlazeka kontlhe.
3Dzunza a tinoni leti ti nga tinoni hakunene.
4Kanilezi loku a noni yi hi ni vana kutani vazukulu, ngha vona va ranga ku kombisa xichawo ka va ka kabye, ni ku va tlhelisela mulere a vapswali vabye; hakuva lezo za amukeleka mahlweni ka Nungungulu. Mat. 15:4
5Loyi a nga noni hakunene, a nga yece, i tsumbile Nungungulu, a nonohisa mikombelweni ni mikhongelweni a wusiku ni mumu.
6Kanilezi a noni leyi yi ti tsakisako ntsena, yi file na ya ha hanya.
7Va laye kambe hi lezi, kasi va fela ku kala va nga soleki.
8Kanilezi loku a hi kona munhu a nga hlayisiko a maxaka yakwe, nguvunguvu a va ngango wakwe, yena i kanetile a kukholwa, i bihile ku hunza loyi a nga kholwiko.
9A noni yi ta tsaliwa bhukwini ga tinoni ntsena loku a hi ni 60 wa malembe, na a wa tekilwe kanwe,
10loyi a bikilweko lezaku i mahile mitiro yo saseka, loku a ngha a wundlile vana, loku a ngha a rurele vapfhumba, loku a ngha a hlazile mikonzo ya vobasa, loku a ngha a vunetele zisiwana, ni loku a ngha a pinyamile mitirweni yontlhe yo saseka. Gen. 18:4; Lu. 7:38; Miti. 16:15
11Kanilezi ala a tinoni leʼta tiswa; hakuva loku a kunavela kabye ku va hluwukisa ka Kristu, va ta tlhela va lava ku tekwa.
12Vona va konekile hakuva va tsikile a kukholwa kabye ko ranga. Maheb. 6:4, 6; 10:28
13Kambe va gonza a kuva ni matolo, na va kari va hi vahungateli ka yindlu ni yindlu; a va lumbeti ku loloha ntsena, va tlhela va maha vabyabyatsi ni vanwankoti, va wulawula lezi va nga faneliko a ku zi wulawula. 2 Tes. 3:11
14Hikwalaho nzi ranza lezaku a tinoni leʼta tiswa ti tekwa, ti beleka vana, va hlayisa tiyindlu tabye, va nga nyiki nala a xikhati xo hi rukatela. 1 Kor. 7:9; Tit. 2:8
15Hakuva ni zalezi a vanwani va hambukile va lanzela Satani.
16Loku ku hi ni mukholwa, a wanuna kutani wasati, loyi a nga ni tinoni, a ti vunetele, kasi a bandla gi nga binziswi; gi fela ku vunetela lava va nga tinoni hakunene. Rute 2:18
17A masingalakati lawa ma nga varisi va nene a ma dzunziwe hi kuengetelweko, nguvunguvu vona lava va pinyamileko kukaneleni ni kugonziseni. Gal. 6:6
18Hakuva a mutsalo wu ngalo: U nga bohi a nomu wa homu laha yi hulako timbewu; niku: A xitiri xi fanelwe hi hakhelo ya xona. Deut. 24:14; 25:4; Lu. 10:7
19U nga amukeli a mhaka yo kecara a singalakati, loku yi nga hi na vakustumunyu vambiri kutani vanharu.
20Lava va onhako va kawuke mahlweni ka vontlhe, kasi a vanwani va fela ku chava. Gal. 2:11; Tit. 1:13
21Nza ku laya mahlweni ka Nungungulu na Kristu Jesu, ni ka tingelosi leti ti hlawulilweko, lezaku u ingisa zileletelo lezi, kasi u nga lamuli mhaka hi kupima ka wena, hambu ku maha nchumu hi xihlawulela.
22U nga hatlisi ku tlhateka mandla hehla ka munhu; kambe u nga hlengeli a zionho za vanwani; ti hlayise u basa. Xip. 4:14; 2 Joh. 11
23U nga hanwi a mati woce, kanilezi nwana a vinya gi tsongwani hi kota ya rumbu ga wena, hakuva wa tala ku babya-babya.
24A zionho za vanhu vanwani zi le kubaseni, zi va rangela kulamulweni; kanilezi a za vanwani za va lanza hi lenzhako.
25Hizalezo ni mitiro yo saseka yi le kubaseni, kanilezi ni leyi yi nga woniwiko, a yi na ku fihliwa. 1 Ped. 3:8-18
Currently Selected:
1 Timote 5: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
