1 Timote 3
3
Varisi va Bandla.
1Gi tsumbekile a gezu legi gi nge ngalo: Loku a munhu a navela a xikhundla xa wurisi, wa navela a ntiro wo saseka. Miti. 20:28
2A murisi i yimelwe hi kuva a nga soleki, a hi nuna wa sati munwe, a wotikhoma, a tlharihileko, a hi njinga, loyi a rurelako vapfhumba, loyi a zi tivako ku gonzisa;
3loyi a nga ti nyikeliko kunweni ka byala, kutani kulweni; kanilezi a va wo rula, loyi a nga holoviko, na a nga hi muranzi wa mali;
4loyi a fumelako khwatsi a ngango wakwe, a hi ni vana va ingisako hi xichawo xontlhe; Jox. 24:15
5hakuva loku a munhu a nga zi tivi ku fumela a ngango wakwe, i ta hlayisisa kuyini a bandla ga Nungungulu?
6Ngha a nga hi loyi a ha sangulako ku kholwa, a nga taku a ti kukumukisa a koneka hi xionho xa Satani.
7Kambe i fanele hi kuva ni wudumo gi nene xikari ka valahandle; a nga dzuka a soleka, a wela ntlhanwini wa Satani.
8A madikoni kambe a mave lava va dzunzekako, va nga hi na tirimi timbiri, va nga ti nyiketi kunweni ka byala, na va nga naveli a bhinzu go biha;
9kanilezi va hi vo hlayisa a fihlakalo wa kukholwa hi livalo li nene.
10Na vonawu a va hloliwe kuranga; zonake a va tire kota madikoni loku va kumeka na va nga soleki.
11Loku va hi vavasati, va fanele kuva lava va dzunzekako, va nga hiko vamahlevo, a va ti khomako, va tsumbekako zilweni zontlhe.
12A madikoni a mave vanuna va sati munwe, va fumela khwatsi vana vabye ni mingango yabye.
13Hakuva vona lava va tirako khwatsi kota madikoni va ti kumela a ximilo xi nene, va hi ni kutiya ka hombe kukholweni loku ku nga ka Kristu Jesu.
14Nzi ku tsalela lezi, hambu loku nzi tsumbile lezaku nzi tata ka wena lokuloku;
15kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.
16Kunene a fihlakalo wa kukholwa ka hina wa hombe nguvu:
Loyi a nga wonekeliswa nyameni,
A kumiwa na hi loyi a lulamileko Moyeni,
A woniwa hi tingelosi,
A kanelwa xikari ka vamatiko,
A kholwiwa laha misaveni,
A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8
Currently Selected:
1 Timote 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
