1 Va le Korinte 6
6
Mu nga kecarani timhakeni.
1Xana a munhu wa nwina loku a hi ni mhaka ni waakelane, i tiyela yini a mu kecara mahlweni ka lava va nga lulamangiko, wutshanwini ga ku yi yisa mahlweni ka vobasa ke?
2Kutani a mu zi tivi lezaku a vobasa va ta lamula misava ke? Makunu loku a misava yi ta lamulwa hi nwina, xana a mu faneli ku lamula a timhaka ti tsongwani ke? Tis. 49:14; Dan. 7:22; Kuv. 2:26; 20:4
3A mu zi tivi ku ngalo hi ta lamula tingelosi ke? Nguvunguvu a timhaka ta loku kuhanya. 2 Ped. 2:4; Juda 6
4Hikwalaho loku mu hi ni timhaka ta kuhanya loku, xana ma yimisa lava va nga dzunziwiko lomu bandleni a kuva valamuli ke?
5Nzi wula lezi ku mu wisa tingana. Xana a nga kona loyi a tlharihileko xikari ka nwina, loyi a ta nga zi kota ku lamula xikari ka vamakabye vakwe ke?
6Kanilezi a munhu wa kecara makabye wakwe a mahlweni ka vangakholwiko!
7Kunene, ni lezaku mu na ni timhaka xikari ka nwina za komba lezaku mu na ni gome. Hikuyini mu nga vumeliko a ku onhelwa, hikuyini mu nga vumeliko ku kalavelwa ke? Mav. 20:22; Mat. 5:39; Koni. 12:17
8Kanilezi nwina wutsumbu ma onha ni ku kalavela, mu maha lezo ni ka vamakabye va nwina. 1 Tes. 4:6
9Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11
10ni makhamba, ni zinaveli, ni zidakwa, ni lava va rukatelako, ni vaphangi; a va kunghaho va nga taga a tshomba ya mufumo wa Nungungulu.
11A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22
12Zontlhe zilo zi vumelekile ka mina, kanilezi a hi zona zontlhe zi vunako. Zontlhe zilo zi vumelekile ka mina, kanilezi a nzi vumeli ni xinwe xa zona a ku nzi fumela. Xip. 10:23
13A zakuga za rumbu, ni rumbu ga zakuga; kanilezi Nungungulu i ta mbhetisa zontlhe. Kanilezi a miri a hi wa wubhayi, kanilezi ngwa Hosi, ni Hosi nja miri. Efe. 5:23; 1 Tes. 4:3
14Lezi Nungungulu a nga vuxa Hosi, lezo i ta hi vuxa hina hi ntamu wakwe. Rom. 6:5; Efe. 1:19
15A mu zi tivi lezaku a mimiri ya nwina ziro za Kristu ke? Xana nzi ta teka a ziro za Kristu nzi zi maha a ziro za xibhayi ke? Kokwihi!
16A mu zi tivi lezaku loyi a ti tlhanganisako ni xibhayi i maha miri munwe zinwe naxo ke? Hakuva i ngalo; Lava vambiri va ta maha nyama yinwe. Gen. 2:24; Mat. 19:5
17Kanilezi loyi a tlhanganyisilweko ni Hosi i moya munwe zinwe nayo. Joh. 17:21; Efe. 4:40; 5:30
18Chavani wubhayi! A zionho zontlhe lezi munhu a zi mahako zi lahandle ka miri wakwe; kanilezi loyi a bhayako i onhisa a miri wakwe. Rom. 1:24; 1 Tes. 4:4
19A mu zi tivi lezaku a miri wa nwina i tempeli ya Moya wa ku Basa lowu wu nga nzeni ka nwina, lowu mu nyikilweko wona hi Nungungulu ke? Nwina a mu va nwina venyi, 2 Kor. 6:16; Rom. 14:7
20hakuva mu xabyilwe hi tsengo, hikwalaho dumisani Nungungulu mirini wa nwina. Mat. 5:16; 2 Kor. 7:1; Gal. 3:13; Maheb. 9:12; 1 Ped. 1:18; Kuv. 5:9
Currently Selected:
1 Va le Korinte 6: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
