1 Va le Korinte 5
5
A mhaka ya wubhayi.
1Ku zwele kontlhe lezaku gi kona wubhayi xikari ka nwina, a wubhayi legi gi nga tibyiwiko ni xikari ka vamatiko, lezaku munwe wa nwina i tekile a sati wa raru wakwe. Deut. 27:20; 2 Kor. 7:12; Efe. 5:3
2Hambu lezoke mu kukumukile, ku wa fanekele a ku ngha mu xaniseka, lezaku kasi a hlongolwa xikari ka nwina loyi a mahileko lezo.
3Kunene, hambu nzi nga hi kona hi miri, kanilezi nzi kona xikari ka nwina hi moya, nzi mu lamulile loyi a mahileko lezo, aku khwatsi hi loku nzi hi kona. Kol. 2:5
4Hi wa tsombene a vitweni ga Hosi ya hina Jesu, nwina ni moya wa mina; hi ntamu wa Hosi ya hina Jesu, Mat. 18:18; Joh. 20:23; 2 Kor. 2:10; 13:3
5hi wa nyikele a munhu loye ka Satani, kasi a nyama yakwe yi mbhetiswa, lezaku a moya wu fela ku hanyiswa hi siku ga Hosi Jesu. Joba 2:6; Tis. 109:6; Miti. 26:18
6A kutidzunza ka nwina a ku saseki. A mu zi tivi lezaku a comelo gi tsongwani ga vilisa mapa wontihe ke? Gal. 5:9
7Susani a comelo ga kale, lezaku kasi ma fela kuva mbila yiswa, lezi mu nga cheliwangiko comelo. Hakuva a pasika ya hina yi tlhabyilwe, leyi yi nga Kristu. Isa. 53:7; Joh. 1:29; 19:14; 1 Ped. 1:19; Kuv. 5:6
8Hikwalaho a hi hlayiseni a mubuzo wa kona, na ku nga hi comelo ga kale, hambu hi comelo ga livengo ni kubiha; kanilezi hi xibaba xi nga comelwangiko xa kuhlazeka ni zinene. Ekso. 12:15; Deut. 16:3
9Nzi mu tsalele papilweni ga mina a kuva mu nga mahi wunghana ni zibhayi; 2 Kor. 6:14
10a nzi wuli lezaku mu tsawukana magumo ni zibhayi za misava, kutani ni lava va navelako, ni makhamba, kutani ni vakhozeli va zifananiso; hakuva mu wa ta suka misaveni. Joh. 17:15
11Kanilezi nzi mu tsalela lezaku loku a hi kona munhu loyi a vitwako makabye na hi xibhayi, kutani munaveli, kutani mukhozeli wa zifananiso, kutani murukateli, kutani xidakwa, kutani khamba; mu nga mahi wunghana naye, ge, hambu kuga naye. Mat. 18:17; Rom. 16:17; Gal. 2:12; 2 Joh. 10
12Hakuva nzi ta sungwa ha yini a ku lamula lava va nga lahandle ke? Nwina mu fanele ku lamula lava va nga lomu bandleni, Mar. 4:11; Kol. 4:5; 1 Tim. 3:7
13kanilezi Nungungulu i ta lamula lava va nga lahandle. Hlongolani a munhu wa kubiha xikari ka nwina. Mutsa. 12:14; Maheb. 13:4
Currently Selected:
1 Va le Korinte 5: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
