Nahume 3
3
Gighoho gya Ninivha ni gumbembiswa gwaye
1Libango ga lidhoropa nya novba!
Ilo li tadego khu malipha ni wuvafa!
Li si hambanigo ni wuvafa.
2Gupwala ligwaha nya dzimboma,
ni gundrendremela nya dzirodha,
sikingo nya dzikavalu ni gundragandraga nya dzikareta!
3Vakhileli nya dzikavalu,
va gu khusedza matshari ni sighalala nya gukhedzige,
va sasela gidzemo, gu mbambamela sirumbi nya singi;
sirumbi nyamba valedwa;
vathu va gu tshunganiswa khu sirumbi,
4satshavbo sesi, sa gu girwa khu kotani ya Ninivha
khu sighoho saye nya singi;
liphuphulu leli nya wumburi,
nya gugengele khu wuloyi,
uye a rengisago mayigo khu wubhayi waye,
ni mahundzu nya vathu, khu wuloyi waye.
5Wona nya gukhuwe nyi na gu wugela,
a ngu ganela Pfhumu Nungungulu, nya Tshivba Yatshavbo,
nyi na funungula dzitshalu dzago nyi fenengedza
khovbe yago,
nyi yeyedza wumbwiri wago va nya mayigo,
ni ga mifumo, dzitshoni dzago.
6Nyi na gu pategela khu ndzilo,
nyi gu thela dzitshoni,
nyi gu gira u khala gihegiso.
7Avbo vatshavbo va na gu wonago,
va na gu thava va ganela, khavo:
Ninivha mbembisidwe!
Khu mani a na mu pwelago gisiro?
Nyi naya dzega hayi vathu nya gute gu tangadzisa?
8Ina uwe u ngu vbindra No-Amomi,
oyu a vbahidwego vbakari nya tsongo wa Nilo,
a randredwego khu mati?
A bhiyidwego khu linene,
mati ma khala laba laye, gani?
9A di gu seketedwa khu Etiyopiya ni Egipito,
khu tshivba nyamba vbela;
a ta phasedzedwa khu Puti ni Libhiya.
10Ambari khu guralo, uye vbagedwe
a yiswa wugumbitunu;
sanana saye si pfareledwa
mahandzakanyani nya dzindzila.
Vathu vawe nya guthavisege, va di va lolela dzisolo,
vathangeli vawe, va di modwa va hungwa khu makhetshe.
11Uwe nuwe, Ninivha, u na leva uya sihala;
u na vbweta wulanga nya gusihale, u thava valala vago.
Ninivha a ngu mbembisedwa muphelo
12Makhokhola yago yatshavbo,
ma na khala nga mikandzu nya gutale
khu makandzu nya guvidzwe;
me ni gu kutsungwa,
ma gu thegela kanani ga wule
a vbwetago gu ma hodza.
13Wona nya gukhuwe masotshwa yago
ma na khala kha nga vanyamayi!
Malimba ya tigoni gwago,
yatshavbo ma na tuledwa valala vago,
sikwinyaro sago si na vbiswa khu nilo.
14Dzi regele mati u dzi dongisela,
kholu li ngu vboha litshigu nya gudhumedwe!
Tiyisa makhokhola yago!
Bela bumbani, u vhuva libumba,
u lulamisa lidhingiso u vbisa sitini.
15Avbovbo u naya dagarela khu nilo,
u mbembiswa khu matshari;
wu na gu mbembisa nga mbasa,
dzi andrise nga dzimbera,
velegela nga khaba.
16U andriside ngudzu va nya wugwewo vago,
va tala ngudzu
nga dzinyeledzi dza Ndzadzini;
mbasa
yi na sasela litigo lago
yi ghwimba mambapi yi vbuvba yiya hwindzo.
17Dzindruna dzago dza gu fanana ni mbasa,
vathangeli vago va gu fanana ni mwamba nya dzimbera,
dzi mbakago mu dzindzarini matshiguni nya girame;
avbo li khugago lidambo dzi vbuvba,
dzi si tidwi umo dzi yidego.
Ndzimo nya gudzingwe gwa Ninivha
18Uwe mufumeli wa Asiriya, vahavisi vago va lade,
vathu vago nya guthavisege va lade,
vathu vago va mbambamede sigomoni,
gu si manegi ni muthu nya gu va wungedzele.
19 # Wona gambe: Isa 10:5-34; 14:24-27; Sof 2:13-15. Gilondra gyago kha gi na vbola,
gilondra nya gufe khigyo;
vatshavbo va na pwago ndruma yago,
va na khwakhwathela mandza khu gu thega gwago,
kholu khu mani a nga kiyelago gutshaniswa
khu wuvivbi wago?
Currently Selected:
Nahume 3: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
