Nahume 2
2
Gurandredwa ni guwandrwa gwa Ninivha
1Olu mupfhungumuli womo mbeli gwago uwe Ninivha!
Sayisa likhokhola lago!
U wonelela ndzila!
Hunga giwunu gyago u tiyisa ngudzu tshivba yago.
2Kholu Pfhumu Nungungulu a na resa nyaluphye
wugulu wa Jakobe ni wudhumo wa Israyeli.
Kholu vaphangi va phangide
ni gu ghohetela marembwe nya miuvha yago.
3Sitshangu nya dzindrena dzawe khya gufuvila,
ni dzingandzu nya dzingwazi dzawe khya siwunguwungu,
dzikareta dzawe dza gu khondra nga nilo nya myenge
avbo dzi folago guya litungatunu;
va kutsunga sighalala.
4Dzikareta nya nyimbi dzi na dzundrulugela mitendrelani;
dzi na ghumulana dzindzilani,
makhalelo yawe ma gu fanana ni myenge nya nilo,
dzi na tutuma kha nga gulasa.
5Uye a na alakanya dzithomba dzaye;
aholu va na tshunganela gu gimbilani gwawe,
va na tutumela libhiyotunu nya lidhoropa,
gikhati gu na dongisedwago wulanga nya gu dzi vhikele.
6Malimba nya tsongo ma na tulega,
ni dzinyumba nya wufumu, dzi na nyiviliga.
7Gu tivisidwe gupwani:
Lidhoropa li funungudwe;
li vbagedwa li yiswa wugumbitunu,
sithumi saye nya vanyamayi
si na mu bangaladza
na si gu dilela kha nga sipomba,
va veta dzikhana dzawe.
8Gukhugela gale Ninivha a di gu fanana ni litsiva nya mati.
Gasi olu va gututuma pwani: “Emani, emani!”
Ambari va gu ranwa, gambe
mwalo a na khedzago hwane.
9Phangani parata, phangani ndralama!
Kholu thomba yaye kha yi vbeli;
yi tade khu sombo nya lisima.
10Lidhoropa la Ninivha liphanga!
Li mwalo gambe, li mbembisidwe,
li khade marumbi;
monyo wu rerekide,
dzikhungumudzi dza gu khuyugela ni siwunu sawe satshavbo
sa gu ndrendremela
ni dzikhovbe dzawe dzatshavbo dzi thuvigide.
11Olu momo hayi mavbala nya dzinghala
numo dzi nga bani dzi hodzisela umo
sanana sawe,
khu hayi yi nga bani yi haganela avbo
nghala nya gugumbe ni ngadzi waye,
nyambana ni moyo nya gu yi thusedzele?
12Nghala yi di gu sota iso
si ninganago sanana saye,
gambe yi di gu mola girengo
gasi guya ninga vagadzi vaye,
yi di gu tadza mavbala ni dziphago dzaye
khu nyama.
13Wona nya gukhuwe nyi gu wugede,
a ngu ganela Pfhumu Nungungulu nya Tshivba Yatshavbo;
nyi na vbisa khu nilo dzikareta dzago nya nyimbi,
singhalana sago si na songetedwa khu matshari,
nyi na wandra mafuni sirengo u nga molago,
ma si pwali gambe malito nya sirumwa sago.
Currently Selected:
Nahume 2: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
