Mikeya 6
6
III. SITHUSATHUSA
Pfhumu Nungungulu a ngu wugela vathu vaye
1Olu upwani esi Pfhumu Nungungulu a ganelago, wari, khuye:
“Khuga u eme u rwega nandru sigomo,
sigomwana si na yingise lito lago.
2Enu sigomo yingisani, mu ngu rwegwa nandru khu Pfhumu Nungungulu,
ni enu siseketelo nya litigo mu tiyidego ngudzu;
kholu Pfhumu Nungungulu a ngu dwanisa vathu vaye,
gambe a na lamula va na Israyeli.
3Enu vathu vangu, ginani nyi mi giredego?
Nyi di mi lemedza ngudzu, gani?
Nyi phindruleni.
4 # Wona gambe: Eks 12:50-51; Eks 4:10-16; Eks 15:20. Nyi gu duside khu tigoni ga Egipito,
nyi gu tshudzisa nyumbani nya wugumbi;
nyi mi rumede Mosi, Aroni ni Miriyamu.
5 # Wona gambe: Mit 22:2—24:25; Jos 3:1—4:19. Vathu vangu, alakanyani esi Bhalaki, mufumeli wa Mowabhi a lombidego,
ni esi Bhalahama, mwamana wa Bheyori a mu phindrudego.
Alakanyani lipfhumba nyi mi giredego
gukhugela Sitimi kala Giligali,
tugula gukhuwe mithumo ya Pfhumu Nungungulu yi lulamide.
6Ginani nyi yelago gu hongola nagyo ga Pfhumu Nungungulu,
nyi ya noga mbeli ga Nungungulu a Khusegidego ngudzu?
Nyi nata mu ninga miphaso nya guvbiswe, gimombyana nya mwaga moyo, gani? #6:6 Mayelano ni idzo wu nga bani wu ruma khidzo Nayo wa Mosi, wona gambe Levh 9:3.
7Ina Pfhumu Nungungulu a di hadza gutsaka khu mazanazana nya dzihamba,
ni likhumi mazana mitsongo nya mafura, gani?
Nyi na ni fanelo nya guningele gyanana gyangu nya matiwula
khu kotani nya sihoso sangu,
a gu handro nya melego wangu khu sighoho nyi giridego, gani?
8Uwe muthu, Uye a gu nonedzide iso si gu sadi,
iso Pfhumu Nungungulu a si vbwetago gukhuye u si gira khu esi:
Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.
Nandru ni tsayiso wa Israyeli
9Lito la Pfhumu Nungungulu li ngu huwelela ga lidhoropa;
uye a gengedego a ngu thava lina laye.
Upwani lipitso ni uye a li rumedego.
10Ina yi nga gu simama thomba nya gunyenyeze
ni pimo nya guvbungudwe ndrangani ga muthu nya guvivbedwe khu monyo, gani?
11Ina gu ngu kodzega gu Eni nyi tsetselela muthu nya gukari
nari ni gikalo nyamba tumbega ni pimo nya wudambane, gani?
12Kholu sitetema si vbanyago vbakari gwanu si tade khu dzihanyi;
ni vathu vawe va gu ganela malipha;
ni malimi yawe khya wudambane.
13Khu kotani nya isoso eni kamwe nyi na gu tshanisa,
nyi gu mbembisa khu kotani nya sighoho sago.
14Uwe u na hodza, aholu khu na khura;
u na khala gupwa ndzala gikhati gyatshavbo.
U na wungedzela, aholu kha wu na wuyedwa khu gilo;
kholu iso si na vbulugago nyi na si mbembisa khu litshari.
15U na yala, aholu khu na nga vbwera;
u na gamela dziolivha, aholu khu na tola mafura yakone;
u na gamela dziuvha, aholu khu na sela vbinyu yakone.
16 # Wona gambe: 1 Dzipf 16:23-28; 1 Dzipf 16:29-34; 21:25-26. Kholu mwa gu yingisa sileletelo sa Oniri
ni mithumo yatshavbo ya va na Akabi,
mu landrisa gambe ni sihena sawe.
Kotani nya isoso, nyi na mi mbembisa
ni vathu vanu nyi va gira gihegiso,
nyi na mi gira mu hegwa khu mayigo yatshavbo.”
Currently Selected:
Mikeya 6: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
