Joyele 3
3
II. LITSHIGU LA PFHUMU NUNGUNGULU
Gulamudwa nya mayigo
1Dzitini gukhenu khu matshigu yoyo ni gikhati gyogyo, avbo nyi na wuyisago Judha ni Jerusalema khu wugumbitunu, 2nyi na tombanisa mayigo yatshavbo nyi ma reledza kovani ga Josafani;#3:2 Josafani; gu tshamusela gupwani “Pfhumu a ngu lamula.” iyoyo nyi na ya ma lamula khu kotani va dzegidego vathu vangu ni thomba yangu va na Israyeli, uye va mu phalalegisidego vbakari nya mayigo, va kabanisa litigo langu. 3Va kabanede vathu vangu khu gu gira nyatumbatumbane, va renga liphuphulu khu gyanana gimwegyo nya gikhwathana, va rengisa gyagadzyana khu vbinyu, gasi va sela. 4#Wona gambe: Isa 23:1-18; Ezek 26:1—28:26; Amos 1:9-10; Zak 9:2-4; Mat 1:21-22; Luk 10:13-14. Gasi mahungu muni mu gu nawo ni eni, enu vathu va Tiro, va na Sidhoni ni maphuvbo yatshavbo ya Finisiya? Khuwo owu tshatshazelo mu nyi ningago, gani? Kholu mwa gu nyi livbisa khu malivbiselo yaya, khu guvbiredza nyi na thesa tshatshazelo yanu mihungoni gwanu.
5Kha nga mu dzegidego parata ni ndralama yangu
ni sombo sangu nya wuzundzo wumburi
mu si vega dzinyumbani ga vanungungulu vanu;
6ni gu rengisani sanana sa Judha
ni sa Jerusalema mu si ningela Vagereki,
mu va yisa hwindzo ni tigoni gwawe nya mavelego.
7Wonani nya gukhenu nyi na va wuyisa khumo
mu va rengisidego umo,
iso mu va giredego si na thegela mihungoni gwanu.
8 # Wona gambe: Isa 23:1-18; Ezek 26:1—28:26; Amos 1:9-10; Zak 9:1-4; Mat 11:21-22; Luk 10:13-14. Nyi na rengisa sanana sanu nya sikhwathana
niso nya sagadzyana khu mandzani ga va na Judha,
avo va naya rengisela va na Sebha
vathu nya litigo li khadego hwindzo ngudzu,
kholu nyi ganede eni Pfhumu Nungungulu.
9Huwelelani esi ga mayigo, khenu:
Dzi lulamiseleni guya nyimbitunu,
khendzugisani dzindrena,
masotshwa yatshavbo nya nyimbi ma tshangane ma ya litungatunu.
10 # Wona gambe: Isa 2:4; Mik 4:3. Pfhulani matshari khu mavbadza yanu,
ni sighalala khu migala yanu,
embelani uye a vbedego tshivba, khenu:
“Eni nyi na ni tshivba.
11Tombanani enu mayigo nya vaakelane, mu ta tshangana mwatshavbo avba,
Uwe Pfhumu Nungungulu reledza vbale dzindrena dzago!
12 # Wona gambe: Jol 3:2. Mayigo ma na khuge ma ema,
ma ta kovani ga Josafani,
kholu khavbo vbale nyi na gu ya khalago,
gasi gu lamula mayigo yatshavbo ma mi randredego.
13 # Wona gambe: Gutu 14:14-16; Gutu 14:19-20; 19:15. Resani sivbwero,
kholu gikhati nya guvbwere gi vbohide.
Deluni hi relele hiya vhuva dziuvha,
kholu gikhwati gi tade ngudzu, maphiso ma gu vbalagela
kholu wuvivbi wawe wu tade ngudzu.
14Sidzemo ni sidzemo nya vathu si tade
kovani gu lamuledwago mahungu!
Kholu litshigu la Pfhumu Nungungulu lomo vbafuvbi,
li na vboha kovani gu lamuledwago umo mahungu.
15Lidambo ni ngima si na sivbala,
dzinyeledzi kha dzi na khedziga.
16 # Wona gambe: Amos 1:2. Pfhumu Nungungulu a na bhonga khu Siyoni,
lito laye li na dzuma khu Jerusalema;
gu ndrendremela ndzadzi ni mafu,
aholu Pfhumu Nungungulu a na khala wuthavelo nya vathu vaye
ni likhokhola la va na Israyeli.
17Khavbo avbo, mu na dzitini nya gukhenu:
Eni kheni Pfhumu Nungungulu wanu,
nyi vbanyago Siyoni, gigomoni gwangu nya gukatege;
Lidhoropa la Jerusalema li na bani li kategide,
vathu nya mambe mayigo, gima kha va na li khozisa gambe.
18Khu litshigu lolo,
sigomo si na ruta vbinyu nya yiphya
ni sigomwana si na goga mahwe,
mitsongo yatshavbo ya tigoni ga Judha,
yi na tala khu mati;
gu na duga gifefe nya mati khu Nyumbani ga Pfhumu Nungungulu,
gi theledzela kovani wa Sitimi.
19Litigo la Egipito li na khala marumbi,
Edhomi a na vbindrugedza a khala giwula nya gihala,
khu kotani nya wusaseli va nga wu girago ga va na Judha,
va vbaladzide tigoni novba nyambana nandru.
20Aholu litigo la Judha li na bani liri ni vathu kala gupindruga,
Jerusalema nuye khu mimela ni mimelana.
21Nyi na agisa novba wa avo nyi nga bani nyi si gu va agisi,
kholu Pfhumu Nungungulu a na khala dhoropani ga Siyoni.
Currently Selected:
Joyele 3: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
