Amosi 1
1
Gubikela
1 # Wona gambe: 2 Dzipf 15:1-7; 2 Dzik 26:1-23; 2 Dzipf 14:23-29. Magana ya Amosi, a nga bani nari moyo nya vahavisi va Tekowa, a ma wonidego khu giwoniso mayelano khu Israyeli, matshiguni ya Uziya, mufumeli wa Judha, ni matshiguni ya Jerobhowamo, mwamana wa Jowasi, mufumeli wa Israyeli, myaga mivili gu si gu manegi girevareva.
2 # Wona gambe: Jol 3:16. Uye a di ganela, khuye:
“Pfhumu Nungungulu a na bhonga khu Siyoni,
a pwadza lito laye khu Jerusalema;
gu manega gililo wuhaviseloni ga vahavisi,
gubanga tshokatunu nya gigomo gya Karimelo.”
3 Pfhumu Nungungulu a ngu ganela kharati, khuye:
“Khu kotani nya sighoho siraru sa Dhamasiko
mwendro sina,
kha nyi na bweledza tsayiso,
kholu va khothede Gileyadhi,
va mu gonya khu migonyo nya dzisimbi.
4Khu guralo, nyi na rotha nilo ndrangani ga Hazayeli,
wu na gu vbisago makhokhola ya Bheni-Hadhadhi
5 # Wona gambe: Isa 17:1-3; Jer 49:7-23; Zak 9:1. Nyi na fanyeledzela migonyo ya Dhamasiko,
nyi mbembisa vavbanyi va Bhekiyati-Avheni,
ni wule a pharago ndronga nya wufumu
wa Bheti-Edheni;
vathu va Siriya va na yiswa wugumbitunu
tigoni ga Kiri,
a ngu ganela Pfhumu Nungungulu.
Gusasedwa ga Vafilisitiya
(Isaya 14:28-31)
6 Pfhumu Nungungulu a ngu ganela kharati, khuye:
“Khu kotani nya sighoho siraru sa Gaza mwendro sina,
kha nyi na bweledza tsayiso,
kholu va dzegide vathu va va yisa wugumbini,
gasi vaya va rengisa ga Edhomi.
7Khu guralo, nyi na rotha nilo mabhiyoni ya Gaza,
wu vbisa dzinyumba nya wufumu.
8 # Wona gambe: Isa 14:29-31; Jer 47:1-7; Ezek 25:15-17; Jol 3:4-8; Sof 2:4-7; Zak 9:5-7. Nyi na mbembisa vavbanyi va Asidhodhi,
ni wule a pharidego ndronga nya wufumu wa Asikaloni.
Nyi thawuludza gyandza gyangu nyi veta Ekoroni,
kala gufa ni yatshavbo mitshaledwa nya Vafilisitiya,
a ngu ganela Pfhumu Nungungulu.
9 Pfhumu Nungungulu a ngu ganela kharati, khuye:
“Khu kotani nya sighoho siraru mwendro sina sa Tiro,
kha nyi na bweledza tsayiso,
kholu yiside gidzemo nya vathu wugumbini
aya va rengisa ga Edhomi,
nyamba alakanya gidzumeledzwano nya wundruye.
10 # Wona gambe: Isa 23:1-18; Ezek 26:1—28:19; Jol 3:4-8; Zak 9:1-4; Mat 11:21-22; Luk 10:13-14. Khu guralo, nyi na khondrisa mabhiyo ya Tiro khu nilo,
wu vbisa dzinyumba dzawe nya wufumu.”
11 Pfhumu Nungungulu a ngu ganela kharati, khuye:
Khu kotani nya sighoho siraru mwendro sina sa Edhomi,
kha nyi na bweledza tsayiso,
kholu lundride ndriyaye khu litshari,
a mu tshanisa nyamba mu pwela wusiwana,
a simama gu khala ni giviti khuye
gikhati gyatshavbo.
12 # Wona gambe: Isa 34:5-17; 63:1-6; Jer 49:7-22; Ezek 25:12-14; 35:1-15. Khu guralo, nyi na rotha Temani khu nilo,
wu vbisa dzinyumba nya wufumu dza Bhozira.
13 Pfhumu Nungungulu a ngu ganela kharati, khuye:
“Khu kotani nya sighoho siraru mwendro sina sa va na Amoni,
kha nyi na bweledza tsayiso,
kholu va pferulede dzimimba dza vanyamayi va Gileyadhi,
gasi guanamisa litigo lawe.
14Khu guralo, nyi na rotha khu nilo mabhiyo ya Rabha,
wu vbisa dzinyumba dzawe nya wufumu,
gu wombwa dzihuwa khu litshigu nya nyimbi,
gu fanana ni gipupwane litshigu nya gingulu.
15 # Wona gambe: Jer 49:1-6; Ezek 21:28-32; 25:1-7; Sof 2:8-11. Mufumeli waye a na vbagedwa a yiswa wugumbitunu,
uye gumogo ni dzindruna dzaye,”
a ngu ganela Pfhumu Nungungulu.
Currently Selected:
Amosi 1: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
