Hoseya 6
6
Guvbindrugedza nyamba tumbega
(Jeremiya 3:22; 4:4)
1Deluni, hi wuye ga Pfhumu Nungungulu,
kholu uye a hi bayiside, gambe a na hi vbanyisa,
a hi thede silondra aholu a hi hungelela.
2Khu hwane nya matshigu mavili basi,
a na wuyisa nyaluphye guvbanya gwathu,
khilo nya wuraru, a na hi wusa,
hi vbanya mbeli gwaye.
3Hongoleni hi muti Pfhumu Nungungulu,
hi na dzi garadze khu gu vbweta gu muti.
Uye a nata gu fanana ni Wuronga,
a nata avbo gwathu kha nga ndzadzi nya gilimo,
ndzadzi nya maronga yi naganisago mafu,
kha na tandrega guta hi phasa.
4Ginani nyi yelago gu gira khu uwe Efrayimi?
Ginani nyi yelago gu gira khu uwe Judha?
Kholu lihaladzo lanu la gu fanana ni mapfhi
nya Wuronga, ni thondrwane nya dzimindru
si vbiredzago gu mwalalega.
5Khu guralo nyi mi bayiside,
khu gu mi rumela vaprofeti;
nyi mi songa khu magana
ma dugidego khu kanani gwangu,
ni wulamuli wangu wu na duga kha nga wenengedzo.
6 # Wona gambe: Mat 9:13; 12:7. Kholu eni nya gu tsakiswa khu lihaladzo,
guvbindra dzimhamba dzanu,
ni guti Nungungulu,
guvbindra miphaso yanu nya guvbiswe.
7Avo va pide gidzumeledzwano kha nga Adhamu,
va si tumbegi avbo gwangu.
8Gileyadhi, lidhoropa nya vathu nya guvivbedwe khu monyo,
li tadego khu novba.
9Vaphasi nya mhamba va gu fanana ni sighevenga,
si sihalelago vathu, si va songa ndzilani ga Sikemi;
mithumo yawe khya gunyenyeza ni wughevenga.
10Nya gu wona silo nya dzitshoni tigoni ga Israyeli;
vathu va Efrayimi va di gira wubhayi
uwo wu nga nyenyezisa litigo latshavbo la Israyeli.
11Uwe nuwe Judha, li nguta litshigu lago nya gutsayiswe,
litshigu nyi na gu wuyisago vathu
vangu khu wugumbitunu.
Currently Selected:
Hoseya 6: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
