Hoseya 5
5
Gulamudwa gwa Israyeli
(Jeremiya 7:21-28; Amosi 5:21-25)
1Upwani esi enu vaphasi nya mhamba!
Yingisani nenu va nyumbani ya Israyeli,
nenu va nyumbani ya mufumeli!
Kholu gulamudwa gogu gwa gu lumba enu,
kholu mu khade milaphwi dhoropani ga Misipa,
ni ligoga li ladzidwego gigomoni gya Tabhori.
2Sighevenga, si fungide guya mbeli khu gu songa,
aholu eni, nyi na khala mukawuki wawe vatshavbo!
3Efrayimi nyi ngu muti;
Israyeli nuye kha na nyi sihalela,
kholu, olu, uwe Efrayimi u dzi ningedzede wubhayini,
litigo la Israyeli li nyenyezide.
4Mithumo ya vathu vava kha yi va dzumedzisi
gu wuya ga Nungungulu wawe.
Kholu myonyoni gwawe,
va taledwe khu liphuvbo nya wubhayi;
kha va muti Pfhumu Nungungulu.
5Matshandza ya na Israyeli, ma ngu va ketsari dzikhovbeni gwawe;
Israyeli ni Efrayimi va na thega khu wuvivbi wawe,
Judha nuye a na thega gumogo navo.
6Va na hongola gumogo ni mitshambi yawe,
ni dzimombe dzawe nya migadzi,
gasi guya vbweta Pfhumu Nungungulu,
aholu kha va na mu mana.
Kholu uye hambanide navo.
7Kha va tumbega ga Pfhumu Nungungulu;
kholu va velegide sanana nya wubhayi.
Olu Mibuzo yawe nya Gumege nya Ngima,
yi na va mbembisa gumogo ni dzithomba dzawe.
8Wombani pundru dhoropani ga Gibheya,
mu womba pundru dhoropani ga Rama,
laledzani khu tshivba Bheti-Avheni!
Dzi woneleni enu va na Bhejami.
9Litshigu nya tsayiso, Efrayimi a na khungumudwa.
Vbakari nya mahundzu ya va na Israyeli,
nyi yeyedzide iso si na giregago.
10Vathangeli va na Judha, va gu fanana
navo va vbindrugedzago
siwindri nya mivbingano;
khu guralo, nyi na guhula likhulo langu
vbatshani gwawe nga mati nya ndrambi.
11Efrayimi, tshanisidwe
a gamwa khu gulamudwa,
kholu a di gola gu landrisela
sifananiso nyamba phasa gilo.
12Khu guralo ga va na Efrayimi nyi womo kha nga githu nya,
ga va na Judha, nyi na khala kha nga nyathambwi.
13Avbo Efrayimi a nga wonago wudwali waye,
ni avbo Judha a nga wona silondra saye,
Efrayimi a di gwela aya tigoni ga Asiriya,
a rumela guya lomba giphaso ga mufumeli Jarebi.
Aholu uye kha nga kodza gu mu vbanyisa,
ambari guvbodzisa silondra sanu.
14Kholu ga Efrayimi, nyi na khala nga nghala,
ga na Judha nyi khala nga ginghalana.
Eni, nyabune, nyi na va vbadzulela
nyi khuga nyi hongola navo;
gambe mwalo a na va vbulugisago.
15Nyi na bwelela nyi wuya wulanga wangu,
kala avo va dzumela nandru wawe,
va zama gu wona khovbe yangu;
na vari guvbisegani,
va na nyi vbweta na gu ngari dzimindru.
Currently Selected:
Hoseya 5: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
