Hoseya 4
4
Nungungulu a ngu rwega nandru va na Israyeli
1Upwani lito la Pfhumu Nungungulu, enu va na Israyeli,
kholu Pfhumu Nungungulu a na ni mahungu
ni enu vavbanyi va tigoni momu,
kholu gutumbega ni lisine,
kha si nga gu wonega tigoni,
ambari ni Nungungulu, kha nga gu tidwa gambe mafuni.
2Gu wonega basi guvalana, malipha, ni gusongana,
wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.
3Khu guralo, litigo li ngu lila,
vatshavbo va vbanyago umo va ngu vbela tshivba;
gumogo ni sirengo sa khabini, sinyoni sa damboni,
ni dzindzandzi dza phwani sa gufa.
4Aholu, gu nga manegi ni moyo nya guganedze,
gu nga manege ni monyo nya gukawuke muthu kwawe,
kholu Eni kheni nyi ganedzago ni gu kawuka milandru yago
uwe muphasi nya mhamba.
5Khu guralo, u na thega vbakari nya mihani, vbawutshigutunu u thega gumogo ni muprofeti,
nyi na mbembisa mayi wago.
6Vathu vangu va pfhungumudwe,
khu gumbana mapimo.
Kholu uwe u bombide guti,
eni neni kha nyi gu vbweti,
u khala muphasi nya mhamba mbeli gwangu,
kholu u hambanide ni nayo wa Nungungulu wago,
eni neni nyi na divala khu sanana sago.
7Avbo vaphasi nya mhamba va nga andra,
va di engedzela gu nyi ghohela,
gasi eni, nyi na vbindrugedza wuzundzo wawe
wu khala dzitshoni.
8Avo va gu hodza khu sighoho sa vathu vangu,
va gu gola ngudzu wuvivbi wawe.
9Khu guralo, nyi na tsayisa vathu vangu,
nyi gira kharato gambe ni vaphasi nya mhamba,
khu kotani nya dzindzila dzawe,
nyi na va ninga tshatshazelo nya mithumo yawe.
10Va na hodza, aholu kha va na khura,
va na dzi ningela muwubhayini, gambe kha va na velegelana va andra,
kholu va digile gu khedza Pfhumu Nungungulu.
11Wubhayi, vhinya ya gale ni wadwa,
si ngu songa mapimo. 12Vathu vangu, va guya wudzisa wusingalagadzi
ga githombe gyawe nya simbo,
lipitso lawe li va ninga phindrulo.
Kholu liphuvbo nya wubhayi, li ngu va ndreyisa ndzilani,
kha va ngo khathala gambe khu Nungungulu wawe.
13Va olovede guphasela dzitshokhani nya sigomo,
va vbisa mabani musigomwanani,
vbavbatshi nya misimbo nya miguhu, mikandzu ni mikanyi
kholu mitsa yakone kyadi.
Khu guralo sanana sanu nya vanyamahegyane si ngu khala maphuphulu,
ni vagadzamwane vanu va ngu bhaya.
14Eni kha nyi na tsayisa vanyamahegyane vanu khu kotani nya wuphuphulu,
ambari vagadzamwane vanu khu gu gira wubhayi,
kholu vama navo va guya ga maphuphulu,
vaya hengela gu gira miphaso ni vanyamayi nya maphuphulu.
Kholu vathu nyambana mapimo, va na mbembiswa.
15Uwe Israyeli, wa guvbweta gu gira wuphuphulu,
u nga rwegi nandru va na Judha!
Mu ngati Giligali,
ambari gu gwelani muya Bheti-Avheni,
na mu gu sambanya, khenu:
Hi ngu sambanya khu Pfhumu Nungungulu a vbanyago.
16Va na Israyeli va bangide mihungo
nga gimombyana nya gigaha,
a na dzi kodza kharini Pfhumu Nungungulu gu va havisa
nga nvuta malangani nya mahavo nya mangi, na?
17Efrayimi fumedwe khu vanungungulu nya sifananiso,
mu digeni kharato!
18Va gu vbedza gu sela wadwa,
va gu dzi ningedzela mu wubhayini;
vathangeli vawe va di gola ngudzu dzindzila
dzi thelago dzitshoni.
19Va ghubhudwe mambapini gwawe
khu phuvbo nya gipupwane va yiswa hwindzo,
va na khala dzitshoni khu kotani nya miphaso yawe.
Currently Selected:
Hoseya 4: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
