Hoseya 12
12
Malipha ya Efrayimi
1Efrayimi a gu gimbidziswa khu liphuvbo,
litshigu latshavbo, a gu landrisela liphuvbo
li furugedzago khu Khugadambo,
a engedzela malipha ni dzihanyi.
A gira pwanano ni Asiriya,
aholu a rumela dzisagwati nya mafura tigoni ga Egipito.
2 Pfhumu Nungungulu, a ngu rwega nandru Judha,
a na tsayisa Jakobe khu kotani nya mavbanyelo yaye;
a na mu ninga tshatshazelo nya mithumo yaye.
3 # Wona gambe: Gen 25:26. Jakobe a di mola ndriyaye khu gitshinandro
na va ngari rumbuni ga mayi wawe;
gikhati a nga dandrago a di dwana ni Nungungulu;
4 # Wona gambe: Gen 28:10-22. Dwanide ni ngilozi kala a yi pala;
lide a lomba gu kategiswa.
Tshanganide ni Nungungulu dhoropani ga Bheteli,
avbo a nga ganelago naye.
5Ina, Pfhumu, khuye Nungungulu nya Tshivba Yatshavbo,
lina a tidwago khilo kheli la Pfhumu Nungungulu.
6Khu guralo, vbindrugedza u wuya ga Nungungulu wago,
gira wuwadi ni gululama
u tumba Nungungulu wago gikhati gyatshavbo
7Efrayimi mahungane,
mandzani gwaye a na gikalo nya wudambane
a gu gola ngudzu dzihanyi.
8Efrayimi a di ganela, khuye:
“Nyi khade gitetema khu gu ghanya thomba nya yingi!
Ga mithumo yangu yatshavbo nyi giridego,
kha va na mana avbo gwangu
guvivba mwendro gighoho.”
9 # Wona gambe: Levh 23:39-43. Aholu eni kheni Pfhumu Nungungulu wago,
gukhugela tigoni ga Egipito,
eni nyi nga na gu gu gira u vbanya mitshatshani,
kha nga matshigu nya mitshangano nya mibuzo.
10Kheni kamwe nyi ganedego ni vaprofeti,
nyi va ninga siwoniso nya singi,
khu maganani gwawe, nyi di ganela khu sipimaniso.
11Tigoni ga Gileyadhi gwa gu bani guri ni manyala,
avo va gu dzi pfhadza!
Va gu bani va gu paya dzimombe va gira miphaso,
siluvelo sawe sa gu fanana ni litala nya siwindri
thembweni gu limidwego.
12 # Wona gambe: Gen 29:1-20. Jakobe thavede khabini ga Siriya,
Israyeli a diya dzi gira githumi nya guhavise dzinvuta,
afela gu mana nyamayi.
13 # Wona gambe: Eks 12:50-51. Aholu Pfhumu Nungungulu a di rumela muprofeti,
guya dusa Israyeli khu tigoni ga Egipito.
Vathu va di gimbidziswa khu muprofeti.
14Efrayimi goroside ngudzu Pfhumu Nungungulu,
khu guralo, Nungungulu a mu giride
a thegedwa hungoni gwaye khu nandru
novba a wu vbaladzidego a gu rwala
kharato nandru nya gighoho gyaye.
Currently Selected:
Hoseya 12: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
