Hoseya 11
11
Lihaladzo la Nungungulu khu kotani ya Israyeli.
1 # Wona gambe: Mat 2:15. Avbo Israyeli a nga bani na ngari gyanana,
eni nyi di mu gola;
khu tigoni ga Egipito,
nyi di rana gyanana gyangu.
2Aholu, avbo eni nyi nga bani nyi gu va rana,
avo va di simama gu bomba va nyi pfhurarela.
Va girela miphaso vanungungulu nya Vabhahali
ni gu vbisela libani sifananiso nya guvatwe.
3Eni kheni nyi nga hevbudzago va na Efrayimi gu gimbila;
nyi va phara khu libogo,
aholu kha va dziti nya gukhawo
kheni nyi nga bani nyi va vbanyisa.
4Nyi va gimbidziside khu dzingodzi nya wuhindzi
ni monyo nya lihaladzo,
nyi khade avbo gwawe kha nga uye
a va dusago kanga dzithamoni gwawe,
nyi dzi nogisa gasi nyi va ninga guhodza.
5Kha va na bwelela gambe tigoni ga Egipito,
aholu va na fumedwa khu Asiriya,
kholu va nga bomba gu vbindrugedza mavbanyelo.
6Madhoropa yawe ma na sasedwa khu matshari,
va fanyeledzela migonyo nya malimba yawe nya dzisimbi,
va sasedwa khu kota nya makungo
va ma giridego vabune.
7Kholu vathu vangu va thendregedzide va nyi pfhurarela;
ambari va gu ranwa khuye a Khusegidego Ngudzu,
mwalo ni moyo a dzumelago gu mu ninga githawo.
8Nyi na dzi kodza kharini gu gu diga, uwe Efrayimi?
Nyi na dzi kodza kharini gu gu ningela
mandzani ga vambe, uwe Israyeli?
Nyi na dzi kodza kharini gu mu gira kha idzo nyi nga girago
khidzo lidhoropa la Adima?
Gu mi girani nga idzo
nyi giredego va Zebhoyimi?
Khu ndrani nya monyo wangu gwa gu vila,
nyi tala khu wuhindzi nyi gu pwela gisiro.
9Kha nyi na dusa guthisa nya likhulo langu,
kha nyi na engedza gambe gu sasela Efrayimi,
kholu eni nyi Nungungulu, kha nyiri muthu,
nyi Agide vbakari gwago;
kha nyi dzi digi nyi fumedwa khu likhulo.
10Va na landrela Pfhumu Nungungulu;
Uye a nga bhonga nga nghala.
Avbo a na gu bhongago,
sanana saye si nata khu Pfoladambo
na si gu ndrendremela.
11Va na wuya khu Egipito na va gu vbuvba nga sinyoni,
khu tigoni ga Asiriya, na va gu vbuvba nga matuva.
Nyi ta va khadzisa nyaluphye dzindrangani gwawe;
a ngu ganela Pfhumu Nungungulu.
Gighoho gya Israyeli
12Efrayimi a nyi randrede khu malipha,
va na Israyeli va nyi randrela khu wudambane;
aholu Judha a gu wugela Nungungulu,
a wugela Gihathwa gi tumbegidego
a gu tumbega basi ga
vanungungulu nya malipha.
Currently Selected:
Hoseya 11: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
