Amosi 2
2
Gusasedwa ga va na Mowabhi
(Isaya 15:1-9)
1 Pfhumu Nungungulu a ngu ganela kharati, khuye:
“Khu kotani nya sighoho siraru mwendro sina sa Mowabhi
kha nyi na bweledza tsayiso,
kholu vbiside marambo ya mufumeli wa Edhomi kala ma khala nguma.
2Khu guralo, nyi na rotha Mowabhi khu nilo,
wu na vbisago dzinyumba nya wufumu dza Keriyoti;
Mowabhi a nafa khu gudzuma nya gukhongolo,
vbakari nya ligwaha nya nyimbi,
ni gu gudzuma nya pundru.
3 # Wona gambe: Isa 15:1—16:14; 25:10-12; Jer 48:1-47; Ezek 25:8-11; Sof 2:8-11. Nyi na dusa mulamuli vbakari gwawe,
nyi mu songa gumogo ni dzindruna dzaye dzatshavbo;”
a ngu ganela Pfhumu Nungungulu.
Gusasedwa ga Judha
4 Pfhumu Nungungulu a ngu ganela kharati, khuye:
“Khu kotani nya sighoho siraru mwendro sina sa Judha,
kha nyi na bweledza tsayiso.
Kholu va kanyiside nayo wa Pfhumu Nungungulu
ni gumba vegisa sileletelo saye,
aholu a di dzumela gu kanganyiswa,
khu vanungungulu nya malipha,
vanungungulu va nga khozedwago khu vababe vawe.
5Khu guralo, nyi na rotha Judha khu nilo,
wu na vbisago dzinyumba nya wufumu dza Jerusalema.”
Gusasedwa ga Israyeli
6 Pfhumu Nungungulu a ngu ganela kharati, khuye:
“Khu kotani nya sighoho siraru mwendro sina sa Israyeli,
kha nyi na bweledza tsayiso.
Kholu va ngu rengisa muthu nya gululame khu dzitsapawu,
va rengisa muhamugi khu patwa nya silato.
7Va gu gandra hungo wa muhamugi
gukhwatshi va gu gandra kudzudzwane nya mafu,
va wegedza dzindzila dza vathu nya gurule.
Babe ni gyanana va gu hengela nyamayi moyo,
va nyenyezisa kharati lina langu nya guage.
8Va gu lala bambe nya giluvelo ni giluvelo
vbatshani guambala va wandredego
va nya mangava navo.
Nyumbani gwa vanungungulu vawe,
va gu sela vbinyu ya vale va livbisidwego khu mangava.
9 # Wona gambe: Dhet 3:8-11. Kheni nyi mbembisidego Vaamori mbeli gwawe,
ambari va nga bani va laphide ngudzu kha nga misedhari,
va tiyidego gu fanana ni miguhu.
Eni nyi kutsungide mihandro yawe ya vbatshani,
nyi sigula mikhamba yawe khu vbavbatshi.
10Eni kamwe nyi mi duside khu tigoni ga Egipito,
nyi mi gimbidzisa giwulani gipimo nya magumana myaga,
gasi guya mi ningani litigo la Vaamori.
11 # Wona gambe: Mit 6:1-8. Nyi hathide gambe vambe vbakari nya sanana sanu,
gasi va khala vaprofeti,
ni vambe nya madzaha yanu,
gasi va khala vanaziri.
Ina isoso khandri lisine gwanu enu va na Israyeli, gani?
12Aholu enu mu ningide vbinyu vanaziri va sela
vaprofeti mu va rumani, khenu: “Mu nga profeti.”
13Wonani nya gukhenu nyi na mi pfugunyedzisa
wulangani gwanu,
kha nga kareta yi pfugunyelago ya gu bani
yi tade khu dzinyandra.
14Muthu nya mazambo kha na vbuluga,
ambari muthu nya tshivba a na vbeledwa khu tshivba,
ni ndrena kha yi na vbulugisa womi waye.
15Uye a gu ni wulaho kha na nga emega gwadi,
muthu nya mazambo kha na dzi vbulugisa
ni mukhileli nya kavalu kha na vbulugisa womi waye.
16Ga litshigu lile, ambari ndrena
yi tiyidego yi na tutuma wumbwiri;
a ngu ganela Pfhumu Nungungulu.
Currently Selected:
Amosi 2: BGE2014
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
