Guti 7
7
Magana ya Solomoni
1 # Wona gambe: Gen 2:7; Job 33:6; 1 Kor 14:15. Eni neni nyi muthu nyi emedwego khu gufa,#7:1 Mulovi nya gwage a dzi pwadzago kha nga uye Solomoni a ngu dziti gwadi nya gukhuye muthu, khandri nungungulu, gambe emedwe khu gufa kha nga vathu vatshavbo. Wona Gen 2:7; Job33:6; Sir 17:1; 1 Kor 15:47. Mulovi nya guage kha dzi giri kha nga vafumeli nya mayigo va nga bani va dzi gira sanana sa vanungungulu, va lomba gu khozedwa kha nga vanungungulu. Mulovi nya guage a ngu dziti gwadi nya gukhuye manide guti khu gu ningwa khu Nungungulu, khandri a di gu mana khu wugengeli waye mwendro khu tumbunugo nya guvelegwe gwaye.
kha nga vambe vathu vatshavbo,
nyi gitugulwana gya uye nya guhegule
a nga wumbwago khu mafu.
Givili gyangu gi wumbidwe ndrani ga mayi wangu.
2Gipimo nya likhumi migima nyi diya na nyi gu mana mili novbani na si gukhugela ga mbewu
nya muthu ni gutsakisa nya lihaladzo.
3Eni neni, gukhugela guvelegwani, nyi di hefemula liphuvbo li hefemudwago khu vathu vatshavbo;
nyi hakhedzedwe khu mafu ya mamowo
ma hakhago vathu vatshavbo;
kha nga vatshavbo,
lito nya guhegule li dugidego khu kanani gwangu khu gulila.
4Nyi dandrisidwe khu wurendra, na nyi fumbedwe myendrani,
vbakari nya gusayisege gwadi.
5Mwalo na moyo mufumeli a manidego mambe maphelelo nya gumanege gwaye mafuni.
6 # Wona gambe: Job 10:10-11. Hatshavbothu ha gu bela mafuni momu khu ndzila mweyo basi, hi gu duga gambe khu ndzila ya yimweyo.
7Khu guralo, nyi lombide mapimo, nyi gu ningwa;#7:7 Nombelo khiyo ndzila nya gumane guti ni mapimo. Nungungulu a gu ninga guti ga vale va mu lombago. Nungungulu ningide guti Solomoni gasi gu khale kha nga guphela nya guvbanye guphya ga uye. Wona Guti 9:1; 1 Dzipf 3:6-9.12; 5:9-14; Sir 39:1-11.
nyi lide, nyi tedwa khu liphuvbo nya guti.
8Eni nyi di gola ngudzu guti guvbindra dzindronga
ni sikhalo nya wufumu;
dzithomba nyi di dzi wona kha nga silo nyamba phasa gilo nya gu dzi pimanisa ni guti.
9Gambe kha nyi gu pimanisi ni siwindri nya lisima ngudzu,
kholu ndralama yatshavbo ha gu yi vega vbafuvbi ni guti,
ya gu wonega kha nga mafu madugwana,
ni parata niyo, wa gu yi pimanisa ni guti, ya gu wonega kha nga maraga.
10Nyi gode ngudzu guti guvbindra womi ni wumburi,
gambe nyi dzinide gu gu phara kha nga wenengedzo, kholu gungangamela gwaye gima kha gu tshimegi.#7:10 Solomoni a gu wona Guti kha nga gilo nya lisima ngudzu guvbindra silo satshavbo ni dzithomba dzi nga bani dzi ningwa ngudzu lisima khu Vageregi. Guti wenengedzo wu palago gidema gyatshvbo, wu wenengedzago vathu vatshavbo va mafuni, wu palago wenengedzo nya mihani. Wona Joh 1:9; Gutu 22:5.
11Khavbo nya guti, nyi wuyedwe khu dzithomba dzatshavbo
nyambana tengo.
12Nyi nengede khu dzithomba dzatshavbo dzedzi,
kholu guti khugo gu dzi gimbidzisago,
aholu eni nyi di gu hangwa khu gukheni ugo gu diri mayi waye.
13Nyi gu hevbude khu gululama
gambe nyi ngu gu kabanisela khu wuhengeli nyambana lidiwo,
kha nyi sihi dzithomba nyi ningidwego khu guti,
14kholu guti wufumu wu ningago vathu githunga nyamba vbela;
avo va gu manago va gu khala dzipari dza Nungungulu.
Khu kotani nya siningwa va resedwago khu guti, Nungungulu a ngu va hakha a va ninga tshatshazelo nya sihevbudzo nya wukhodwa.#7:14 Sihevbudzo nya wukhodwa gu thudwa milayo yi lulamisago guvbanya gwatshavbo nya vathu gukhedza khu mawonelo nya Guti. Khu milayo yeyi vathu va ngu kodza gu tsakisa Nungungulu ni gu khala dzipari dzawe.
Solomoni a ngu lomba guti ga Nungungulu
15Nungungulu a na nyi ninge gu ganela kha nga idzo a golago khidzo,
mipimiso yangu yi na yelane ni wuzundzo nya siningwa a nyi ningidego,
kholu khuye mugimbidzisi nya guti, khuye gambe a kawukago va nya guti.
16 # Wona gambe: Job 12:10; Dzind 31:16; Sirk 10:5. Kholu ethu hi womo mandzani gwaye,
ethu ni magana yathu,
ni wugengeli wathu watshavbo gumogo ni mipimiso yathu.
17Nungungulu a nyi ningide guti nya lisine nya silo satshavbo si guromo,
gasi guti litshina nya milayo nya litigo latshavbo ni tshivba nya siseketelo saye.
18Nyi ngu guti guphela, guhegisa ni vbakari nya dzinango,
gulandrelana nya gugimbile nya lidambo ni guvbindrugedzela nya dzinango;
19sighava nya myaga ni makhalelo nya dzinyeledzi nya dzikhongolo,
20tumbunugo nya sirengo nya gurule ni guti mavbanyelo ni tshivba nya sirengo nya wurena,
tshivba nya maphuvbo ni mipimiso nya vathu,
guhambanelana nya mafumbu nya misimbo ni thumo nya mikhamba yaye.
21Nyi hevbude guti satshavbo si sihadego ni esi si guromo gutugulegani,
kholu guti gu nga vangago satshavbo, gu nyi hevbudzide!
Mithumo nya guti
22Guti, khu lisine, gu na ni liphuvbo limwedo basi nya gugengele,
nya guage, nya wungi, nya guvbevbuge, nya guvbelele, nya gutenge,
nya guwonege, nyamba gira guvivba; guti pari nya wuwadi, nya eno ni eno,
23nya gutshulege, nya wadi, nya gugire wuwadi, nya guvbelele khu gutiya,
nya gu khadzisege ni gutshulega, li kodzago satshavbo,
li wona satshavbo ni gu bela ga maphuvbo yatshavbo,
ayo nya gugengele, ayo ma tengidego ni ayo nya gusihalege ngudzu#7:23 Gukhugela gindrimana nya 22 kala egi nya 26 Mulovi nya guage a gu hi sasamedzela magumavili na gimwegyo siningwa nya Guti a si dusago umo nya tumbunugo nya Milowo nya Guage ni umo nya sihevbudzo nya wugengeli wa Vagereki. Mulovi nya guage a gu vbweta kharati gu khusedza guvbelela gwatshavbo nya Guti gu wonegiswago khu misayo nya livbandre nya guvili gu wuyeledwa guraru (7x3), misayo mivili yi vbeledego guaga. Esi sa gu hi embela khu guti gu nga dzi gira Muthu khu ga Jesu Kristo. Wona: Joh 1:3.10; 5:19; Kol 1:15-20; Hebh 1:3; 1 Joh 1:5
24Guti gu ngu tutuma ngudzu guvbindra satshavbo;
gu ngu tsemakanya gu bela ga satshavbo, khu tshivba nya gutenge gwaye.
25Ugo, furugedzo nya tshivba ya Nungungulu,
wenengedzo nya wudhumo wa Pfhumu Nungungulu nya Tshivba Yatshavbo;
kharato guti gu mwalo gunyenyeza ni gudugwana.
26 # Wona gambe: Isa 2:5; 60:1,19-20; Hebh 3:4; 1 Joh 1:5. Ugo, gungangamela nya wenengedzo nya gupindruge,
libona nya guage ngudzu nya thumo wa Nungungulu ni giwonegiso nya wuwadi waye.
27Guti gumogo basi, aholu,
gu ngu kodza satshavbo; kha gu vbindrugedzi, aholu,
gu ngu wusedza silo satshavbo.
Ga mimela ni mimelana, guti gwa gu bela mihefemuloni ya vale va dzi ningedzelago ga Nungungulu,
gu hevbudza dzipari dza Nungungulu ni vaprofeti!
28Khu lisine, Nungungulu a gu gola basi vale va vbanyago khu guti!
29Ugo gu mburide ngudzu guvbindra lidambo,
gu mburide gu pala tshangano nya dzinyeledzi nya dzikhongolo,
ha gu gu pimanisa ni wenengedzo nya mihani ugo gu ngu wu pala.
30Kholu wenengedzo wu ngu ninga wulanga wutshigu,
aholu guvivba gima kha gu mani wulanga nya gupale guti.
Currently Selected:
Guti 7: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.