Guti 3
3
Guvbanya ni gufa ga va nya gululama ni va nya guvivba
1Mihefemulo ya vathu nya gululame yomo mandzani ga Nungungulu#3:1 Mihefemulo ya vathu nya gululame yomo mandzani gwa Nungungulu: mahoni ga vathu nya guvivbedwe khu monyo, va nya gululama va gu wonwa kha nga vathu nya gudivale, kha nga mapeni, va pfhalago khu gukhodwa ni gukhedzisela silo sa vbatshani, va diga gu londrola gutshamba nya guvbanye ga gikhati gi vbindrago.
yimwalo tshanisa yi na gu va manago.
2Va nya guvivbedwa khu myonyo,
va gu pimisa gukhavo vathu nya gululame va fude,
gurura gwawe tigoni momu, va gu gu wona kha nga libango,
3gufa gwawe va gu wona kha nga gumbemba,
aholu avo vomo gurulani.
4Mahoni nya vathu, gukhwatshi
va di tshaniswa, aholu, gutumba gwawe gu tade khu gumbafa.
5Khu hwane nya gu na va tshanisekide vbadugwana,
va na hakha dzithomba nya dzikhongolo,
kholu Nungungulu a va lingide,
a va mana vari ni fanelo nya gu mu lumbe.
6Uye a di va linga kha nga ndralama niloni,
a gu va dzumela kha nga phaso nya guvbiswe.
7Gikhati a natago ata vbanyisa
va nya gululama, avo va na ngangamela,
va na piriga kha nga dzitsahe umo nya mwasi.
8Va nya gululama va na lamula mayigo, gambe va na fumela mahundzu.
Pfhumu Nungungulu a na khala mufumeli wawe kala gupindruga.
9Vale va vegago gwaye gutumba gwawe,
va na liti lisine,
ni vale va tumbegidego va na vbanya naye lihaladzoni,
kholu mathomo ni wuhindzi sa gu lumba sihathwa saye.
10Aholu va nya guvivbedwa khu monyo
va na mana tsayiso mayelano ni mapimo yawe,
kholu va nyenyide muthu nya gululame, va gu hambana ni Pfhumu Nungungulu.
11Libango ga vale va nyenyago guti, ni milayo yaye!
Gitumbo gyawe khya mahala,
gu dzi garadza gwawe gu mwalo giphaso,
ni mithumo yawe kha yi sizi.
12Vagadzi vawe sipumbu, sanana sawe si vivbide,
ni situgulwana sawe si vadwe khu Nungungulu.
13Kategide nyamayi nya ngonywa,
a tengidego,
a ngamba dzi nyenyezisa khu wubhayi;
a na mana tshatshazelo yaye litshigu nya gulamudwe.
14Kategide nuye thenwa a ngamba gira guvivba khu mandza yaye,
ni gumba pimisa guvivba a wugela Pfhumu Nungungulu;
a na hakha mathomo nya lisima khu gutumbega gwaye,
Nyumbani ga Pfhumu Nungungulu a na mana wulanga nya wuzundzo ngudzu.
15Uye a dzi garadzago khu gugira nya sadi, a na hakha tshatshazelo nya wuzundzo ngudzu.
Mikhamba nya guti gima kha yi bangi.
16Aholu, sanana sa sibhayi kha si na vboha mahegiso,
ni situgulwana nya mirembwa si na mbembiswa.
17Ambari sa gu vbanya myaga nya gulaphe
si na vegwa kha nga vanyalidedyane,
guhegisa nya wukhosane wawe kha va na mana wuzundzo.
18Va gu vbiredzela gufa, kha va na mana gitumbo,
litshigu nya gulamudwe kha va na mana wuhindzi.
19Kholu mahegiso nya lihundzu nya guvivbe gigaradzo ngudzu.
Currently Selected:
Guti 3: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.