Guti 19
19
Gutshulega ga va na Israyeli ni gufa ga Vagipiti Yiphwani nya Gufuvile
1Khavbo avbo, va nya guvivbedwa khu myonyo va di tshaniswa
khu likhulo lago nyamba bosa,#19:1 Umo nya Bhibhiliya, likhulo nyamba bosa, mwendro pwane likhulo nyambana gisiro, guthudwa khorodza ni tsayiso wa Nungungulu ga muthu nya guvivbedwe khu monyo a simamago guvivbani gwaye, a bangisa monyo waye, nyamba dzi laya a vbindrugedza mavbanyelo, kha nga idzo a nga girago faro, mufumeli wa Egipito. li nga va landrisela kala mahegiso,
kholu Nungungulu a di gu mati khu gale mavbanyelo yawe; a di gu giti igyo va nga bani va gu pimisa gu gira, va si gu giri.
2 # Wona gambe: Eks 7:13; 12:31-34; Sof 1:14-18; 1 Tes 2:16. A di gu dziti gukhuye Vagipiti va na dzumela gu diga sanana sa na Israyeli si duga,
gambe va na khu gu si tutumisa khu guvbiredza,
aholu, khu hwane, va na vbindrugedza mawonelo, va gu va lundra.
3Na va si gu vbedzi gililo gyawe,
na va gu lila marowoni gumbemba nya vafi vawe,
va di vbindrugedza mawonelo, va gira gikungo nya wupumbu,
va gu lundra va na Israyeli gukhwatshi va di thava nyamba vbangana,
gasi khavo va nga va tutumisago khavo va duge khu guvbiredza.
4Tsayiso va fanedego#19:4 Tsayiso wu fanedego gu thudwa gigaha ni kanu wa Faro wa Egipito a nga bangisa monyo waye a bomba gu yingisa sirumwa sa Nungungulu, Mosi ni Aroni. Wona gambe Eks 7:13. gu wu hakha Vagipiti, khuwo wu va giredego libango leli,
nya gu va divala iso si nga va dugelelago,
gasi va mane gu hakha tsayiso wu nga bani wu tshade ga dzitshanisa dzawe.
5Khu kharato, Vagipiti va bayisidwe khu lufu nya gunyenyeze,
khu gikhati gya gimwegyo, vathu vago va di vbanyiswa khu tsemakanyo nya gusamadzise.
6Sivangwa satshavbo, khu gu landrisa guruma gwago,
si di vbindrugedza makhalelo nya tumbunugo wawe,
si fela gu kodza guvhikela sihathwa sago#19:6 Vambe valovi vari khavo “sithumi sago,” vambe khavo “sanana sago,” gu thudwa va na Israyeli. ga satshavbo nya guvivbe.
7Lipfhi li di fenengedza lizumbo khu mutsa waye;
avbo mati ma nga bani ma tade khu gale, gu di manega mafu nya gubange,
gu di manega ndzila nya gutsemakanye khiyo vbakari nya Yiphwa nya Gufuvile,
ni mavimbi nya tshivba ma di khala lipani nya mwasi nya gunyuge.
8Khu vbale, va di vbindra vathu vago vatshavbo na va gu vhikedwa khu mandza yago,
na va gu wona siliwugiso nya gusamadzise.
9Va di fanana ni dzikavalu nyamba hungwa, dzi havago panini,
gambe va di ndragandraga kha nga dzinvuta,
na va gu dhumisa uwe Pfhumu Nungungulu u va vbulugisidego.
10 # Wona gambe: Eks 7:25—8:15. Va di gu alakanya gwadi iso si va dugeledego tigoni nya valombo:
Litigo li nga fumago dzitshuna, wulanga nya gufume sirengo,
ni tsongo wakone, wulangani nya dzindzandzi,
wu nga dusago vbavbandze vanyakhele nya vangi.
11Khu hwane nya matshigu, va wonide limbe lifumbu nya liphya nya sinyoni,
gikhati va nga garadzwago khu ndzala,
va gu lomba guhodza nya dzinyama nya gunone,
12 # Wona gambe: Mit 11:31. gasi gu tsakisa gugola gwawe,
gu di gwela sikenya khu phwani.
Tsayiso wa sighohi
13Sitsayiso si di thegela vbatshani nya sighohi,
na si phede khu gu tiviswa khu tshivba nya dzinyangafula ni gupandra mabara.
Avo va diri ni fanelo nya guhakhe tsayiso yoyo,
khu kotani nya wuvivbi wawe,
kholu va diri ni livengo nya likhongolo ga valuveli.#19:13 Avba valuveli gutudwa sanana sa na Israyeli, si nga khala valuveli tigoni ga Egipito, gukhugela matshigu Jakobe, khu gu thava ndzala, a nga relela tigoni ga Egipito ni ngamu yaye yatshavbo.
14Vambe#19:14 Avba gu thudwa vathu va Sodhoma va nga bani va si hakhi gwadi vaendri va nga bani va vboha tigoni gwawe, Gen 19: 1-29 va di si dzumeli gu hakha vapfhumba nyamba vati,
aholu ava#19:14 Avba guthudwa Vagipiti va nga wugela sanana sa na Israyeli, va si tshanisa, va si gira dzikhumbi, Eks 1:1-22 va di gira dzikhumbi vapfhumba#19:14 gutudwa va na Israyeli. va nga bani va gu va girela wuwadi.
15Aholu esi khandri satshavbo: Vathu va Sodhoma va na tsayiswa khu Nungungulu,
kholu va nga hakhago khu guvivba valuveli.
16Guhegulani, Vagipiti va hakhide gwadi vapfhumba khu gunengela,
gambe va va ningide guhengela dzifaneloni gwawe.
Aholu, khu hwane, va di va girela guvivba, va gu va tshanisa khu mithumo nya gulemele.
17Khu kharato, Vagipiti va bayisidwe khu wukhumu,#19:17 Gu di gira gidema nya gikhongolo ngudzu, gi nga va tandregisa gu wona, Eks 10:21-23.
gu fanana ni vathu vale va nga vbohago vbamwanyatunu ga muthu nya gululame,#19:17 Avba guthudwa Loti, a nga vbulugiswa gu tshaniswa khu Vasodhoma, kholu sirumwa sa Nungungulu si di va sega maho khu wukhumu, va si woni lidimba vbafuvbi gwawe, Gen 19: 9-11.
va nga fenengedzwago khu gidema nya guthise ngudzu,
muthu ni muthu a phuphutela ndzila yaye nya gubele khiyo nyumbani gwaye.
Wuwadi ni wudhumo wa Nungungulu
18Kharati, silo nya matshina nya sivangwa satshavbo#19:18 Silo nya matshina nya sivangwa satshavbo gu thudwa mati, mafu, liphuvbo ni nilo. si di ningedzana khu gyawe makhalelo yawe
kha nga avba nya gitendre, malito ma dzi kodzago gu vbindrugedza wutsendze
aholu gu vegedzwa gudzuma ga gumogo.
Esi sa gu wonega gwadi safani, ha gu khedzisa sigiro sesi:
19Sirengo sa vbavbandze si di gu vbindrugedza si khala sa matini
ni iso si nga bani si gu hambela matini si di duga gasi si ta khala mafuni.
20Ambari ndrani nya mati, nilo wu di simama ni tshivba yaye nya guvbise,
ni mati ma di gu divala thumo waye nya gutshime nilo.
21Malavbelavbe nya nilo ma di si vbisi nyama nya sirengo nyamba tiyela
si nga bani si romo vbakari nya ayo,
ambari gu nyiviligisa guhodza gule nya gutshambe,
gu nga bani gu nyiviliga nyamba garadza kha nga giwindri nya girame.
22Ga silo satshavbo sesi,
uwe Pfhumu Nungungulu, u khusedzide ni gu zundza vathu vago,
khwa va diga nyamba va sayisa,
gambe u va khedzisede gikhati gyatshavbo
ni malangani yatshavbo!
Currently Selected:
Guti 19: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.