Guti 18
18
Mwenge nya nilo
1Ga sihathwa#18:1 Sihathwa guthudwa sanana sa na Israyeli, va nga ningwago nilo nya guwenengedze ngudzu, gikhati Vagipiti va nga bani va gu tsayiswa khu gidema nya gikhongolo ngudzu nya guthise, Eks 13: 21-22. saye wu di ngangamela wenengedzo nya guphatime ngudzu.
Valala vawe, Vagipiti, va di vapwa na va gu ganela, aholu va di si woni dzikhovbe dzaye,
va di pimisa gukhavo va na Israyeli va tsakide khu gumba mana sitshaniso nya nga iso va si wonidego avo.
2Vagipiti va di bonga va na Israyeli kholu va ngamba dzi phodzela,
ambari sawe va nga bani va rwala sitshaniso.
Va di va lomba divalelo khu wulala wawe.
3 # Wona gambe: Eks 13:21-22; Dzind 121:6. Wulangani nya gidema u va khondrisede nilo nya gungangamele
gasi gu va gimbidzisa mudzindzilani nyamba tidwa.
Nilo wowo wu di wonega kha nga
lidambo nyamba vbisa li nga bangaladza vathu vago liendroni gwawe nya wuzundzo.
4Aholu, valala vawe va di gu yedwa khu gu segedwa wenengedzo
ni gu khothedwa mugidemani,
kholu va nga khothelago mapasoni sanana sago,
a gu iso u si ningidego fanelo nya gutivise tigoni wenengedzo nya nayo wago nya lisine nyambana wudambane.
Gu songwa nya sanana nya matiwula sa Vagipiti
5 # Wona gambe: Eks 1:22; 2:10; 14:21-31. Vagipiti va di vegide nayo nya gusonge sanana sa va nya guaga vago,
aholu, gyanana gimwegyo gi dusidwe, gi vbulugiswa gasi gu va tsayisa,
Uwe u mbembiside gidzemo nya sanana sawe khu gumogo,
u wuya khavbo u gu dzamisa vatshavbo guetani nya yiphwa.
6Uwe u di tiviside khu gale ga vababe vathu iso si nga vbweta gu dugelela ga wutshiguwule,
gasi vati gwadi sisambanyo va khodwago ga iso, va kodze gu tiya longo.
7Kharati, vathu vago va di lindrede guvbanyiswa gwa va nya gululama ni gumbemba ga va nya guvivbedwa khu myonyo.
8Khu magirelo ya mamowo u tsayisidego khayo valala vathu,
u hi tadzide khu wuzundzo, U hi rana kharati gukhuwe hi khala vago.
9Khu guralo, sanana nya guage sa va nya gululama
si gu dusede miphaso nya dzimhamba khu gisihaledza.
Va di pwanana gumogo, va tumbisa gu landrisa gidzumeledzwano nya nayo wowu nya gute khu ga Nungungulu,
nya gukhavo, va nya guaga va na hengela gumogo ga satshavbo, esi nya sadi ni dzimhango.
Khavbo avbo, va di phela gu embelela dzindzimo dza vababe vawe.
10Khu gikhati gyogyo kamwe, gu di pwala ligwaha nya pfilupfilu ya valala,
maphuvbo yatshavbo, gu di gu pwala dzihuwa nya wuvi dza avo va nga bani va gu lila khu gufa ga sanana sawe.
11Tsayiso wa wumowo wu di bayisa khumbi ni mune nya dzithomba,
vathu nya sisiwana ni gusolega va di mana tsayiso nya gufanane ni wa mufumeli.
12Vatshavbo khu gumogo va diri ni vafi nya vangi nya gubayiswe khu mabayiselo ya mamowo nya lufu.
Vale va vbulugidego va di si eneli gu dzinga vafi;
khu gikhatinyana, wu di mbembiswa melana wawe nya wutshukwana.
13 # Wona gambe: Eks 4:22-23; Dhet 1:31; Hos 11:1. Khavbo avbo, avo va nga bani va simama gumba khodwa,
khu gu tumba wuloyi wawe,
khu gu wona na gufa sanana sawe nya matiwula
va di tugula gukhavo vathu vava sanana sa Nungungulu khu lisine.
14Adiri ni vbakari nya wutshigu, gikhati tsadego nya
wukhongolo wu fenengedzago silo satshavbo.
15Avbovbo, lito lago nya tshivba yatshavbo
li di tshiga khu ndzadzini khu vbagikhalotunu nya wufumu,
kha nga mudwani nya nyimbi nyambana gisiro,
li guta bela tigoni gu lamuledwego gumbembiswa, na li pharide kha nga litshari nya gulodzwe, nayo wago wu si dzi kodzigo gu tshipiswa.
16Li di ema, li gu fenengedza sivangwa satshavbo khu lufu;
phuvbo mwedo gu di gandra mafu, khu yimbe phuvbo, gu di kuha ndzadzini.
17Khu githugedza,
va di dzudzwa khu siwoniso ni dzindroro nya guthise,
ni hwanga nyamba wu lindrela wu di va dhumela.
18Va di wonega maphuvbo yatshavbo na va thesidwe vbavbatshi, gukhwatshi va difa,
va wonegisa kharato givangelo nya lufu lawe.
19Siwoniso si nga va dzudzago,
si diri masingita nya gu va tivise givangelo gyogyo,
gasi va si mbembi nyamba giti givangelo nya tshanisa yawe.
20Lisine, gilingo nya lufu gi bayiside navo va nya gululama,
nya vangi khavo va nga vetwago khilo giwulani,
aholu likhulo la Nungungulu kha la vbedza gikhati nya gingi,
21kholu muthu nya lisine, nyambana guvivba,#18:21 Avba gu thudwa Aroni, Muphasi nya Mhamba, a nga gira milombelo ni gu dusa piphaso nya gulombe ditshedzo ni guagisa vathu va Pfhumu.
a di vbiredzela gu va emela, a va vhikela khu matshari
nya thumo waye nya wuphasi nya mhamba: Nombelo ni libani nya gulombe ditshedzo.
A di dwana ni likhulo, a gu vbedza gigaradzo nya tungu, a wonegisa kharato gukhuye githumi gyago.
22Pade wuwugeli, nasiri khu tshivba nya nyama
mwendro tshivba nya matshari;
aholu khu magana, thindrekiside mutsayisi,
khu gu alakanya sisambanyo
ni gidzumeledzwano
si giridwego ga vanyapandre.
23Gikhati sirumbi nya vafi si nga bani si gu wungedzelana,
simbe vbatshani ga sikwawe,
uye a di ta ema khu vbakari a lamula, a gu thindrekisa likhulo,
khu gu tshika ndzila yi nga bani yi li vbohisa ga vathu nya guvbanye.
24Avbo nya gifenengelo gyaye nya gulaphe nya wuphasi,#18:24 Aroni Muphasi nya khongolo nya mhanba ya na Israyeli thumoni gwaye a di ambala ngandzu nya gulaphe kala migondroni, a gu ambagisedwa gambe siwonegiso nya giemo ni thumo waye kha nga Khongolo nya Vaphasi nya Mhamba. gu di romo litigo latshavbo;
vbatshani nya dzindzarara dzina nya siwindri nya lisima,
gu di bethidwe malina nya wuzundzo ya vanyapandre
ni vbatshani nya gihugu gya hungoni gwaye wu di romo wudhumo wago.
25Khu gu wona silo sesi, mumbembisi a di thava, a bwelela hwane,
khu kharato, giyeyedzo gidugwana basi nya likhulo lago gi di enela.
Currently Selected:
Guti 18: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.