Bheni Siraki 1
1
GIPANDRE NYA GUHEGULE
(1:1—42:14)
Tumbunugo ni Giphaso nya Guti
Guphela nya guti
(Bheni Siraki 24:3-18; Joba 28:12-23; Mavingu 8:22-31; Guti 7:25-26)
1Guti gwatshavbo gwa guta khiyo ga Pfhumu, gu simama gu khala vbafuvbi gwaye kala gupindruga.
2Fungu wa phwani, ni madodoto
nya ndzadzi,
ni matshigu nya gupindruge ni gupindruga, khu mani a dzi kodzago
gu ma saya?
3Gulapha gwa ndzadzini, guanama nya mafu,
gueta ni guti, khu mani a kodzago
gu si pima?
4Guti gu phede khugo gu girwa na gu si vangwi
silo satshavbo,
ni wenengedzo nya wugengeli, womo gukhugela
gupindruga ni gupindruga.
5Gibuga nya guti, khu magana ya Nungungulu
wa ndzadzini;
dzindzila dzaye, milayo nya
gupindruge.
6Khu mani a tuledwego gu wona khamba nya
guti?
Khu mani a matigo makungo yaye?
7Khu mani a yeyedzidwego wugengeli nya guti?
Khu mani a yitigo thomba nya
dzindzila dzaye?
8Muthu moyo basi a gu ni guti, a ningwago
ngudzu githawo: khoyu
a khadego vbagikhalotunu gwaye nya wufumu.
9Khu Pfhumu a gu vangidego,
a gu wonidego ni gu gu pima,
a gu pwadza vbakari nya mithumo yaye
yatshavbo.
10Gukhedza
khu wuhindzi waye,
Pfhumu Nungungulu ningide guti vathu vatshavbo,'
a gu tadzisela ngudzungudzu ga vale va mu golago.
Gugola Pfhumu, guti nya wudhumo;
Uye a gu tiviside ga vale va dzi
emisedego, gu va mu wona.
Guninga githawo Nungungulu gibuga nya guti.
11Guninga githawo Pfhumu, wudhumo ni
guzundzega,
gunengela ni hari nya litsako,
12Guninga githawo Pfhumu Nungungulu
gu ngu tsakisa monyo,
gu ngu ninga litsako, ni gunengela ni guvbanya
matshigu nya gulaphe.
Guninga githawo Pfhumu Nungungulu,
giningwa gitago khiyo gwaye,
igyo basi gi manwago dzindzilani nya lihaladzo.
13Ga uye a thavago Pfhumu, satshavbo si na mu
vbelela gwadi,
tshiguni nya gufe gwaye, a na
kategiswa.
14Guphela nya guti, khu gu ninga githawo
Pfhumu Nungungulu,
gwa gu vangwa gumogo ni vakhodwa, gukhugela
ndrani ga mamayi.
15Guti gu tiyisidwe vbakari nya vathu
khu siseketelo nya gupindruge,
gu na simama gikhati gyatshavbo ni
situgulwana sawe.
16Gutadzisega nya guti, khu gu ninga
githawo Pfhumu Nungungulu;
wule a gu nago, a ngu khura khu
mihandro yaye.
17Va na tadza dzindranga dzawe khu satshavbo
iso va si suvago,
ni sisangala khu mihandro yaye.
18Hari nya guti, khu gu ninga githawo
Pfhumu Nungungulu,
khigyo gi resago senge nya gurule ni gu ninga
womi nya wadi;
gimwegyo ni gimwegyo nya iso,
siningwa sa Nungungulu si hi reselago
gurula,
si dandrisa wudhumo wa vale
va mu golago.
19Pfhumu a si wone gambe a si
sayide;
a ngu guhula ndzadzi nya wugengeli
ni guti nya mapimo,
a ngu khusedza wudhumo wa vale
va gu nago.
20Khamba nya guti, khu gu ninga githawo
Pfhumu Nungungulu,
matamo yaye, guvbanya nya gupindruge.
21Guninga githawo Pfhumu Nungungulu,
gu ngu futa sighoho,
uye a gu sayisago, a ngu ndreyisa likhulo.
22Uye a gorogago nyambana fanelo,
kha na kodza gu dzi fakazela,
kholu muthu nya dzihanyi,
a gumbembiswa khu gigaha gyaye.
23Muthu nya gutimisele, a na lindrela
kala gikhati nya gyadi,
khu hwane, a na resedwa litsako.
24Uye a gu siha magana yaye kala
gikhati nya gyadi,
magana nya vathu nya vangi, ma na huwelela
wugengeli waye.
25Mavingu nya wugengeli, momo dzithombani
nya guti,
gasi gighohi gya gu wona gukhodwa ga Nungungulu kha nga
gilo nya gunyenyeze.
26Wa guvbweta guti,
landrisa milayo;
Uye Pfhumu Nungungulu a na gu
ninga,
27kholu gu ninga githawo Pfhumu Nungungulu,
guti ni gihevbudzo,
gasi gilo gi mu tsakisago, khu gukhodwa
ni gu dzi rudzisa.
28U nga khali muwugeli nya githawo
ga Pfhumu Nungungulu,
ambari gu hidzimela avbo gwaye
khu monyo nya gu mu senge.
29U nga khali mupfhadzedzeli mbeli
ga vathu,
aholu dzi wonele khiso si dugago khu
kanani gwago.
30U nga dzi khusedzi wabune gasi
u si dzi thesi,
ambari gu dzi thela wabune dzitshoni;
kholu Pfhumu a na wonegisa
misihalo yago,
a gu poyila vbakari nya tshangano,
kholu, kha wa dzumela gu ninga
githawo Pfhumu Nungungulu,
ni monyoni gwago gu tade
khu malipha.
Currently Selected:
Bheni Siraki 1: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.