Guti 16
16
Tsayiso wa Nungungulu
1Khu guralo, valala va vathu vago va diri ni fanelo nya gutsayiswe khu sirengo nya nga isoso
ni gu thedwa hwanga khu mitungu nya sirengo nya singi #16:1 Vagipiti va di tsayiswa khu sivangwa va nga bani va gu si khozela, wona Eks 7:26—10:29. Aholu, sanana sa na Israyeli si di vbanyiswa ndzala khu sivangwa, sikenya va nga rumedwago khu Nungungulu, wona Mit 11:31-33.
2Wulanga nya gutsayise vathu vago,
u di va pwela wuhindzi, u va khurisa khu guhodza va ngamba gu lindrela.
U di va ninga sikenya, guhodza nya gutshambe ngudzu gu va khurisidego.
3Vambe, ambari va nga bani vari ni ndzala,
va di hasimiswa monyo va gu hadza gu gosa khu guhodza,
khu kotani nya makhalelo nya gusamugise nya sirengo u va rumedego.
Aholu vathu vago, hwane nya gu na va hade vbadugwana,
va di mana guhodza nya gutsakise.
4Gu di vbwetega vatshanisi vale na va tsayisidwe khu ndzala nya yikhongolo,
gasi sanana sa Israyeli u di si nonedza basi magirelo va bayiswago khayo valala vawe.
5Gikhati va vbohedwego khu likhulo nya sirengo nya wurena,
ni gikhati va ngafago nya vangi khu gu hodzwa khu dzinyoga nya dzimamba nya wuhungu nya tshivba ngudzu,
likhulo lago li di vbiredzela gu bosa nyamba dzega gikhati nya gulaphe.
6Va tshanisidwe gikhati gidugwana gasi va vbindrugedze mavbanyelo;
va manide giwonegiso nya guvbanyise#16:6 Vagipiti va di tshaniswa ni gu songetedwa khu khaba ni mabhawa, aholu, sanana sa na Israyeli, ambari si nga tshaniswago khu Nungungulu khu gu hodzwa khu dzinyoga nya tshivba, va vbanyisidwe khu nyoga nya sugu, yi nga vbayegwago vbasimbotunu, gasi gu khala rendre ga vale va yi khedzisago, a gu giwonegiso nya guvbanyise gutago khu ga Lito la Nungungulu li hawulugisago satshavbo. Wona Mit 21: 6-9. gasi gu va gira va alakanye sileletelo nya nayo wago.
7Uye a nga bani na gu thendregedza a khedzisa nyoga,
a di halawugiswa. Khandri va di hawulugiswa khu nyoga nya sugu va nga bani va yi wona,
aholu khu tshivba yago, Uwe
u gu Muvbanyisi wa vatshavbo.
8Khu magirelo yaya, u yeyedzide ga valala vathu,
gukhuwe khuwe u vbulugisago vathu guvivbani gwatshavbo.
9 # Wona gambe: Eks 8:17-27. Vambe va fude khu gu hodzwa khu khaba ni mabhawa,
nyamba mana rendre nya guvbulugise womi,
kholu va di gu fanela gu tshaniswa khu magirelo yayo.
10Gasi sanana sago,
ambari magwaha nya dzimamba nya wuhungu nya gusonge kha ma kodza gu si pala,
kholu wu dita wuhindzi wago, wuta si hawulugisa.
11Si di gu hodzwa, gasi si alakanye magana yago,
aholu, khu guvbiredza, si di hawulugiswa,
gasi si si ma divaleli muphelo, si bombedwa gu mana wuhengeli dzithombani gwago.
12 # Wona gambe: Dzind 107:20; Isa 55:10-11. Khandri mwasi mwendro rendre nya gukari wu nga va hawulugisa,
aholu khu magana yago, Pfhumu Nungungulu,
ma hawulugisago silo satshavbo!
13 # Wona gambe: Dhet 32:39. Uwe, Pfhumu Nungungulu u na ni tshivba vbatshani nya womi ni lufu,
u ngu dzi kodza gu reledza muthu wulangani nya vafi, ni gu mu dusa umo, u mu wuyisa nyaluphye.
14Muthu khu wuvivbi waye a ngu kodza gu songa,
aholu kha dzi kodzi gu wuyisa nyaluphye liphuvbo li dugidego,
mwendro gu bweledza hefemulo wu modwego khu lufu.
15Kha gu kodzegi gu vbuluga ga mandza yago.
16 # Wona gambe: Eks 9:24-25. Va nya guvivbedwa khu myonyo,
va bombidego gu guti, va tsayisidwe khu tshivba nya libogo lago,
va di landreledwa khu dzindzadzi nya guthise,
maralala, singulu nyambana tsetselelo ni gu vbiswa khu nilo nya magala.
17Ga esi, igyo gi nga bani gi samadzisa ngudzu khu gu,
matini tshimago satshavbo, nilo wu di simama wu dzura khu tshivba ngudzu,
kholu sivangwa satshavbo si ngu vhikela va nya gululama.
18Dzimbe dzinyondro, nilo wu di gu vbunguga gudzura
gasi gumba vbisa sirengo si rumedwego gu ya dwanisa vale va vivbedwego khu myonyo,
gasi va wone,
va tugule gukhavo va di gu landrisedwa khu gulamula gwa Nungungulu.
19Gimbe gikhati, ambari ndrani nya mati,
malavbelavbe ma di engedzelana khu tshivba guvbindra wumbe nilo
gasi gu pfhungumula mihandro thembweni ga vathu nya guvivbedwe khu monyo.
20Aholu u hodziside vathu vago khu guhodza nya dzingilozi,
u va rumede, guhodza ga ndzadzini
va ngamba dzi garadza khu gu gu thumela,
gu gu na ni gutshamba gwatshavbo ni gu tsakisa gugola gwatshavbo.
21 # Wona gambe: Eks 16:1-36; 14:31. Guhodza gogu, u nga bani u gu va ninga, gu di yeyedza gutshamba u gu nago ni sanana sago,
kholu, u di pwisa gutshamba oyu a gu hodzago;
gu di vbindrugedza gukhedza khu gugola ga muthu ni muthu.
22Guhodza gogo gu di wonega gukhwatshi i hunguva ni maralala, aholu gu di tiya nyamba nyiviliga niloni.
Esi si giregide gasi vathu vago va tugule gukhavo dzimbewu dza valala vawe,
dzi di pfhungumudwa khu nilo wu nga bani wu gu khondra vbakari nya maralala ni gulasa nya mabara vbakari nya ndzadzi.
23Aholu, ga gimbe gikhati, uwo nilo wawumowo, khu gufela gu ninga guhodza vathu nya gululame,
wu di divala tshivba nya guvbise gwaye.
24Kholu, sivangwa khu gu yingela uwe,
muvangi wawe, sa gu engedzela tshivba gasi gu tsayisa va nya guvivbedwa khu myonyo,
ni gu yi tiyisa ga vale va gu tumbago.
25Khu magirelo yoyo, sivangwa sa gu dzumela gu hakha makhalelo yatshavbo,
si dzi ningedzela gu thumela wuwadi wago wu hodzisago vatshavbo,
gukhedza khu gugola ga avo va nga bani va gu vbweta.
26Khu magirelo yaya, sanana si gu haladzago, Pfhumu Nungungulu,
si ngu hevbula guti khiso khandri mihandro nya mafu yi hodzisago;
aholu magana yago ma ngu vegedza guvbanya gwa avo va khodwago gwago.
27Gile gi nga bani gi gu bomba gu tshungunudwa khu nilo,
gi di dzegela gu nyiviliga khu wenengedzo nya wudugwane nya lihani,
28gasi vatshavbo va dziti
gukhavo gu vbwetega va vindruga ngudzu guvbindra Lidambo, gasi va gu bonga,
ni gu va manana nago na gu ngari dzimindru ngudzu, gasi va gu khozela.#16:28 va vindruga ngudzu dzimindru ngudzu: avba gu ganedwa khu nombelo nya dzimindru, wu nga bani wuri giguruvedzo nya wukhodwa nya Vajudha. Wona: Dzindzimo 5:4; 59:17; 88:1. Nombelo yoyu nya dzimindru wu di rungudza ni gu bonga Nungungulu khu mithumo yaye nya guvbanyise umo nya matimo ya Vathu Vaye.
29Gitumbo gya wule a si kodzigo gu bonga gya gu nyiviliga gu fanana ni maralala vbagirametunu,
ma na vbalaga kha nga mati nyamba phasa gilo.
Currently Selected:
Guti 16: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.