Guti 1
1
I. GUTI NI MAHEGISO NYA MUTHU
(Guti 1:1—5:23)
Tumbunugo nya guti:
1Golani gululama,#1:1 Gululama khu guvbanya mayelano ni gugola gwa Nungungulu hi tiviswago khu Nayo. Guthava Nungungulu ni gu landrisa milayo ni sileletelo saye khugo guti nya lisine; khugo gululama. enu mu fumelago litigo,
golani Pfhumu khu mapimo nya gululame,
mu vbweteni gu muti khu monyo nya lisine ni gurula.
2Kholu uye a ngu dzi diga a manwa
khu avo va gumba mu linga,
ni gu dzi wonegisa ga avo va khodwago gwaye.
3Khu lisine, mipimiso nya guvivbe yi ngu ndreyisa muthu hwindzo ni Nungungulu,
tshivba yaye, ya gu lingwa,
yi na thela dzitshoni sipumbu.
4Guti kha gu na bela hefemuloni nya guvivbe,
ambari guvbanya ga muthu a guromo gighohoni.
5Liphuvbo nya Guage la Nungungulu li hi hevbudzago
li ngu thava vathu nya malipha,
li ngu ndreya hwindzo ngudzu ni mipimiso nya guvivbe,
la gu mwalalega la gu wona guvivba na gu hidzimela.#1:5 Liphuvbo nya Guage la Nungungulu kha li vbanyi monyoni nya gighohi, kha li pwanani ni guvivba.
6Guti, liphuvbo li gu na ni lihaladzo ga vathu,
aholu kha li na diga gu tsayisa sihofu nya guvale, kholu Nungungulu i fakazi nya mipimiso yawe,
a gu bela kala guetani nya monyo wawe,
gambe a ngupwa magana yawe.
7Liphuvbo la Pfhumu li ngu tadza sivangwa satshavbo,#1:7 Liphuvbo la Nungungulu khilo li hungago ni gutshanganisa sivangwa satshavbo, khilo li girago gupwanana nya silo satshavbo.
uye a fumelago satshavbo,
a nguti satshavbo si ganedwago.
8Wule a ganelago magana nya gunyenyeze
kha dzi kodzi gu sihala,
gululama nya lisine gu mu thuledzago
kha na nga gu vbuluga.
9Makungu ya wule a vivbedwego khu monyo
ma na khedziswa gwadi,
gudzuma nya magana yaye
gu na vboha dzindzeveni ga Pfhumu Nungungulu,
gu na khala lisine nya guthuledze sighoho saye.
10Khu magirelo yoyo,
ndzeve ya Pfhumu Nungungulu, ndzeve nya wufu yi yingisago gwadi,
yi pwago satshavbo,#1:10 Yi pwago satshavbo: Kholu Nungungulu womo ga satshavbo, a ngu wona ni gupwa satshavbo khu liphuvbo laye li guromo ga satshavbo ambari ni ga esi si sihadego monyoni ni mapimoni nya muthu.
ambari ni gudzuma nya milembo kha gu na khala gusihalani.
11Khu guralo, dzi vegiseni ga milembo nyamba phasa gilo!
Lidimi lanu li nga dzi ningedzeli umo nya guganele guvivba,
kholu magana ya mugusihalani kha ma na khala nyamba tidwa,
ni likana li singedzago malipha, li ngu songa hefemulo.
Lufu kha liti khu ga Nungungulu, aholu khu ga gighoho
12Mu nga dzi vbwetelini lufu
khu mavbanelo nyambana nayo,
gambe mu nga girini mwabune mithumo yi dzi kodzago gu pfhungumula guvbanya gwanu.
13Nungungulu kha gira lufu,
kha gu mu tsakisi guluzega ga avo va vbanyago.
14Khu lisine, Nungungulu vangide satshavbo
gasi si manege na si gu vbanya,
sivangwa satshavbo si na ni guvbanya ndrani gwawe.
Gumwalo wuhungu nya lufu ga satshavbo a vangidego,
khandri tshivba nya lufu yi fumago mafuni,
15kholu gululama ni wuwadi kha wufi.
16Va nya guvivbedwa khu monyo va ngu rana lufu
khu mithumo ni magana yawe;
va gu pimisa gukhavo lufu pari yawe,
va gu dzi hodzedzela khu gu li navela,
va gu hunga gidzumeledzwano nalo;
Khu kharato, va ngu yedwa khu gu modwa khu naphwi waye.
Currently Selected:
Guti 1: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.