Esiteri F
F
Tshamuselo nya ndroro ya Moridhekayi
4 Mordhekayi a di ganela, khuye: “Khu Nungungulu a nga gira gukhuye si dugelela satshavbo sesi. 5 Nyi ngu dundruga ndroro nyi nga lora na yi gu ganela khu silo sesi, gimwalo ni gimwegyo basi gi ngamba tadzisega:
6 Ginambwana gile nya gidugwana gi nga vbindrugedza gi khala tsongo, ni wenengedzo, ni lidambo ni mati nya mangi. Tsongo khu Esiteri, a nga dzegwa khu mufumeli kha nga mwangadzi waye, a khala pfhumugadzi. 7 Vamwamilambo vavili khu Hamani ni eni. 8 Mayigo khu vale va nga pwananago va gira gikungu nya gufuvise lina nya Vajudha. 9 Vathu vangu khu Israyeli (Vajudha) va nga womba huwa ga Nungungulu va lomba gu phasedzwa, va mana gu vbanyiswa. Pfhumu vbanyiside vathu vaye; Pfhumu a hi vbulugiside guvivbani gwatshavbo. Nungungulu giride sisamadziso nya sikhongolo ni siliwugiso, esi gima a si gu girigo vbakari ga va nya mayigo. 10 Kholu Nungungulu dongisede mahegiso mavili nya guhambane: Mahegiso nya vathu vaye ni mahegiso nya vanyamayigo. 11 Mahegiso yoyo ya mavili ma giregide khu gikhati, ni nango ni litshigu si vegisidwego khu Nungungulu gasi gu lamula va nya mayigo. 12 Nungungulu a di alakanya vathu vaye, vathu a nga dzi hathela gu khala thomba yaye, a va lamula khu nongamento. 13 Khu guralo, matshigu yale nya ngima nya Adhari, matshigu nya likhumi na mana ni likhumi na livbandre, ma na alakanywa khu vathu va na Israyeli na va tshanganide khu litsako ni gunengela mbeli gwa Nungungulu, khu mimela ni mimelana kala gupindruga.”
Magana nya guhegise
14 Khu mwaga nya wu na nya gufume ga Pitolomewu ni Keleyopatara, Disitewu, a nga bani a dzi thula khuye muphasi nya mhamba nya lihundzu la Levhi, ni mwanaye Pitolomewu va di rumela lidangalila leli li ganelago khu Buzo nya Purimi, a tiyisa gukhuye li di lovetedwa khu Lisimako, mwamana wa Pitolomewu, wa Tshanganoni ga Jerusalema.
Currently Selected:
Esiteri F: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.