Gizimba 6
6
1 Wuyelelo —Gasi gi hongode hayi gigodwa
gyago,
uwe u gu mburi vbakari ga vanyamayi?
Gasi dugede hayi mwama wago nya gu mu gole,
hi kodza gu gu phasa gu mu vbweta.
2 Mwangadzi —Gigodwa gyangu gi relede
thembweni gwaye,
umo gu yadwego misimbo nya gunungele,
aya hodzisa umo tshambi waye,
ni gu havela senge.
3Eni nyi wa gigodwa gyangu,
gigodwa gyangu gya gu lumba eni.
Uye a gu risa tshambi vbakari nya senge.
V. NDZIMO NYA LIVBANDRE
4 Mwama —Uwe u mburide gigodwa gyangu,
ni pari yangu,
wa gu fanana ni lidhoropa la Tiriza,
u khalegide nga lidhoropa la Jerusalema,
u thisidego nga gikwata gi hongolago nyimbitunu
ni dzingavbya.
5Ndreyisa maho yago avbo gwangu,
kholu ma ngu nyi vbedza tshivba.
Ndzudzu wago wa gu fanana ni tshambi nya dziphongo
dzi relelago khu gigomoni gya Gileyadhi.
6Magwaha yago ma gu fanana ni tshambi
nya dzinvuta
dzi dugago khu guhambatunu,
nvuta ni nvuta na yi velegide mavbaha,
yi mwalo ni mweyo nya idzo yi gu mwalo gyanana.
7Sigundru saye khu ndrani nya gikhongelo gyaye,
sa gu fanana ni lipapagayi li pandridwego.
8Ambari gwa gu manega livbandre na limwedo magumi dzipfhumugadzi,
ni livbandre na mararu magumi sibhayi,
ni vanyamahegyane nya makendzi nyamba saywa tengo;
9aholu uye basi gituvana gyangu,
nyamayi nya mapimo a vbeledego!
Khuye basi nya gigodwa ndrani ga mayi waye,
a gu wonwa khu dzimbiri dzikwawe khavo kategide,
dzipfhumugadzi ni sibhayi va gu mu rungudza.
10 Wuyelelo —Khu mani oyu a wonegago
nga Wuronga,
nya wumburi nga ngima,
a ngangamela nga lidambo nya guthise nga gikwata gi
hongolago gudwanatunu ni dzingavbya?
11 Mwangadzi —Nyi relede thembweni nya
dzindzawa,
guya wona gunyuga nya dzimbewu
dza kovani
ni gu wona gukheni lithembwe li ngu dandra gani
ni maromana gu mwendro ma ngu thela wenge.
12Nyi si dziti gukheni nyi khadziside gurini
vbakari nya dzikareta dza vathu vangu nya guzundzege!
13 Wuyelelo —Uwe Musulama, wuya, wuya,
wuya, wuya, gasi hi ta dzi tsakisa.
Mwangadzi —Khu ginani mu khedziselago Musulami,
a gu bani na davata vbakari nya maghovelo ya mavili?
Currently Selected:
Gizimba 6: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
