Gizimba 5
5
1 Mwama —Nyi bede thembweni
gwangu,
ndriyangu ni khundzwa yangu,
nyi havela misimbo nya mafura yangu
nya gunungele,
nyi hodza gipapu gyangu nya wulombe,
nyi sela vbinyu gumogo ni mahwe yangu.
Dzipari dzangu, selani mu kodwa enu dzipari
dzangu.
IV. NDZIMO NYA WUNA
2 Nyamayana —Eni nyi di gu lala, aholu
monyo wangu wu di wona.
Nyi dipwa gukhokhota ga lito la gigodwa gyangu, khuye:
Mwama
Nyi tulele lidimba, ndriyangu, gigodwa gyangu,
gituvana gyangu, u vbeledego guaga,
kholu hungo wangu wu tade khu thondrwane,
ni ndzudzu wangu wu naganisidwe khu madododo
nya wutshigu
3 Mwangadzi —Nyi tshude guambala gwangu;
nyi bwelo khavbo nyi gu ambala gambe, gani?
Nyi hambide migondro,
nyi na bwelo nyi mi thela gambe ndzilo, gani?
4Gigodwa gyangu gi di bedza libogo khu vbagihogoni,
monyo wangu wu di tala khu lihaladzo laye.
5Nyi wugide gasi guya tulela gigodwa gyangu,
khu mandzani gwangu gu di dota mafura
nya gunungele,
ni dzinyala dzangu dzi di tala khu mafura nya lisima,
ma nga bani ma goga vbagikwinyarotunu
nya lidimba.
6Nyi di tulela gigodwa gyangu,
aholu uye a di bani na khugide a hongola;
hefemulo wangu wu di nyunguluga
gikhati nyi nga mupwa na gu ganela,
nyi di mu vbweta aholu kha nya mu mana;
nyi mu rana uye a si nyi hakhi gilo.
7Nyi di tshangana ni vaghadhi,
va nga bani va gu ghadha dhoropani,
va di nyi veta va nyi bayisa;
vaghadhi nya mabhiyo va di nyi tshulela gifenengelo.
8Nyi ngu mi lombani enu sagadzyana sa Jerusalema,
mwa gu manani gigodwa gyangu mu na gi embela ginani?
Gi embeleni khenu nyi ngu vbisega khu lihaladzo.
9 Wuyelelo —Gu hambana muni gu manegago,
ga gigodwa gyago, na?
Uwe u gu mburi nya dzimburi,
vbakari ga vanyamayi, na?
Ginani a gu nagyo gigodwa gyago
a vbindrago khigyo vakwawe,
nya gukala u mu girela gilombo gegi?
10 Mwangadzi —Gigodwa gyangu gi khalegide
bwelo khavbo mburi,
a ngu hambana ni vambe nya likhumi magumi mazana.
11Hungo waye wa gu fanana ni ndralama yi hutidwego,
ndzudzu waye khwa matshimbo,
wu sivbade nga mitenga nya mahigonganye.
12Maho yaye ma gu fanana ni ya matuva
ma gu bani mari sifefeni nya mati
na ma hambide khu mahwe
na ma khade bambe nya tsongo.
13Khovbe yaye ya gu fanana ni lithembwe
nya misimbo nya mafura nya gunungele
sigundru saye sa gu fanana ni senge
si dotago mafura nya tengo;
14Mandza yaye ma gu fanana ni dziphera nya ndralama,
dzi mburisedwego khu siwindri nya gukhedzige,
girumbu gyaye gya gu fanana ni magwaha nya ndzofu
ma namegedzedwego siwindri nya gukhedzige nya
Safira.
15Mawundru yaye madingo
nya siwindri nya guage
na si tshomegedzedwe vbasirandrotunu
nya ndralama yi hutidwego
yi fanana ni gigomo gya Libhanoni
nya wumburi nya gufanane ni sedhari.
16Khanani gwaye gwa gulombela ngudzu;
giemo gyaye gyatshavbo khya gu golega.
Khidzo a khadego khidzo gigodwa gyangu
eno mwama wangu,
enu va nyamahegyanenu va Jerusalema.
Currently Selected:
Gizimba 5: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
