Gizimba 4
4
1 Mwama —Idzo u mburidego khidzo
gigodwa gyangu!
Ah, idzo u mburidego khidzo.
Maho yago gukhwatshi maho nya lituva
khu ndrani nya gifenengelo gyago.
Ndzudzu wago wa gu fanana ni tshambi nya dziphongo
dzi havago gigomoni gya Gileyadhi.
2Magwaha yago ma gu fanana ni tshambi
nya dzinvuta dzi gayidwego mawoya,
dzi gwelago khu guhambatunu;
mweyo ni mweyo na yi velegide mavbaha,
vbakari gwawe yi mwalo ni mweyo
yi gumba velega.
3Sigundru sago sa gu fanana ni keka nya gufuvile;
kanani gwago gu mburide ngudzu.
Khovbe yago ya gu fanana ni maromana nya gupandrwe,
ma ngangamelago khu ndrani nya gifenengelo gyago.
4Thamo yago ya gu fanana ni likhokhola
la Dhavhidhe
li vbahidwego gasi gu vegedzela matshari,
umomo gu vbayegidwe likhumi mazana sitshangu,
sitshangu satshavbo nari sa dzindrena
nya gudwane nyimbi.
5Mavele yago, ma gu fanana ni ya siyisyana
sivili nya wumburi si velegidwego
khu mavbaha
si havago vbakari nya senge.
6Na gu si gugi,
gu phalalega myedzi,
nyi na gwela gigomoni nya mafura nya gunungele
ni gigomwanani nya libani.
Mwama
7Gigodwa gyangu, u mburide ngudzu,
u mwalo givbango gi gu ni mbanga.
8Delu hi hongole hatshavbo Libhanoni,
uwe ngadzangu,
relela khu vbatshani nya gigomo gya Amana,
khu tshokhatunu nya gikoli gya Seniri ni Herimoni,
khu mavbalani nya dzinghala,
ni sigomoni nya dziyingwe.
9U kotode monyo wangu, ndriyangu,
khundzwa yangu,
khu gu nyi khedza gwago basi,
u kotode monyo wangu,
khu githimbwa gimwegyo nya karara wago.
10Idzo li lombelago khidzo lihaladzo lago,
ndriyangu ni khundzwa yangu!
Lihaladzo lago la gu tshamba ngudzu guvbindra vbinyu,
ni mafura u tolago
ma guvbindra mafura yatshavbo nya gunungele.
11Khu kanani gwago, uwe khundzwa yangu
gu dota wulombe;
khu vbavbatshi nya lidimi lago,
momo mahwe ni wulombe,
ni mahema nya dzingandzu dzago,
ma gu fanana ni mahema nya libani la Libhanoni.
12Uwe ndriyangu eno khundzwa yangu,
u lithembwe li bhiyidwego,
gibuga gi bhiyidwego, u nambo wu segidwego.
13Khavbo gwago gwa gu buga misimbo
nya migure,
yi dusago mihandro nya gutshambe,
ni mahema nya hena ni naridhu,
14naridhu ni safarawu,
kalamu ni kanela,
ni misimbo yatshavbo nya libani,
nya mafura nya gunungele
mira ni haluwa ni mafura yatshavbo
nya gunungele.
15U tsongo wu theledzelago marembweni,
u nambo nya mati ma vbanyago,
tsongo wu dugelago Libhanoni.
16 Mwangadzi —Wuga uwe phuvbo
u tago khu Wuronga!
Delu, nuwe phuvbo u tago khu Marandzi!
Furugedzani thembweni gwangu,
mu phalalegisa mahema yaye.
Ah! Naripwani gigodwa gyangu gi nguta thembweni gwaye,
ata hodza mihandro yaye nya gutshambe.
Currently Selected:
Gizimba 4: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
